လၢ ၂၀၁၉ နံၣ်‚ ဒွဲလၤကူၣ်သ့ တၢ်ဒုးနဲၣ်ဖျါလၢ ဟီၣ်ခိၣ်ဒီဘ့ၣ် ဒုးသ့ၣ်နီၣ် ပှၤလၢအကါဒိၣ်လၢအမ့ၢ် လံၣ်ယိၣ်နၣ်ဒိၣ် ဒၣ်ဘ့ၣ်ခၠံၣ် သံဆၢက့ၤအလီၢ် ပှဲၤထီၣ် အနံၣ် ၅၀၀ အမူးလီၤႉ ဖဲတၢ်ဒုးနဲၣ်ဖျါထီၣ် တၢ်ဂီၤလၢ အ၀ဲတ့၀ဲအါမံၤဒီး တၢ်ဃုထံၣ်န့ၢ်တၢ်လၢအဘၣ်ထွဲဒီး စဲအ့ၣ်ဘၣ်တၢ်ဒုးနဲၣ်လၢ တလါဆၢထၢၣ်အဒၢ‚ ဒီး ထဲတၢ်ဂီၤယဲၢ်ဘ့ၣ်လၢ အဘၣ် တၢ်တ့၀ံၤအီၤဂ့ၤဂ့ၤလၢ ဒၣ်ဘ့ၣ်ခၠံၣ် လၢ အပၣ်ဃုာ်ဒီး ‘ဟါတၢ်အီၣ်’ န့ၣ်လီၤႉ
တၢ်ဂီၤခဲၣ်အံၤ ဘၣ်တၢ်တ့အီၤလီၤတံၢ်လီၤဆဲးလၢ ဟါတၢ်အီၣ်လၢ ယ့ၣ့်ှှူးအီၣ်သကိးတၢ်ဒီး အပျဲၢ်အဘီၣ်‚ ဒ်အဘၣ်တၢ်ပာ်ဖျါထီၣ်အီၤလၢ လံာ်ယိၤဟၣ်အပူၤန့ၣ်လီၤႉ တၢ်ဂီၤအံၤ ဖီၣ်န့ၢ် အပျဲၢ်အဘီၣ်အသးလၢအအိၣ်ဒီးတၢ်သဘံၣ်ဘုၣ် လၢယ့ၣ့်ှှူး အတၢ်ကတိၤ လၢ‘ပှၤလၢအအိၣ်လၢသုကျါတဂၤ ကဟ့ၣ်လီၤကွံာ်ယၤလီၤ’ (ယိၤ ၁၃း၂၁) ႉ လၢတၢ်သူၣ်ကိၢ်သးဂီၤအပူၤ‚ အ၀ဲသ့ၣ် စံးလိာ်အသးလၢ မ့ၢ်မတၤကမၤတၢ်အံၤ‚ ဒီးစီၤယူဒၤတခီ ဟးထီၣ်ကစုဒုလၢမုၢ်နၤ ဒ်သိးကဟ့ၣ်တၢ်ကစီၣ်လၢအကစၢ် ဒီးအသကိးတဖၣ် အိၣ်ဖဲလဲၣ်န့ၣ်လီၤႉ
ဟ့ၣ်တၢ်ကစီၣ်ဆူ ဒုၣ်ဒါအစုပူၤ‚ တၢ်တူၢ်ဘၣ် တၢ်တမုာ်တလၤလၢ စီၤယူဒၤကဆါလီၤကွံာ်အီၤအံၤ‚ ဖျါလၢ ယ့ၣ့်ှှူးအတၢ်ကတိၤ ‘ပှၤလၢအအီၣ်ဃုာ် ကိၣ်ဒီးယၤတဂၤန့ၣ်‚ ထူယၤလၢအခီၣ်နၢၣ်ခံလီၤ’ (း၈) ႉ တံၤသကိးလၢ အရၠာစး့လိာ်သး ဘူးဘူးတံၢ်တံၢ် လၢတၢ်နီၤအီၣ်သကိးဟါတၢ်အီၣ်‚ စူးကါတၢ်ဆဲးကျိး ဒ်သိးကမၤဆါယ့ၣ့်ှှူးလီၤႉ
ပ၀ဲတဂၤစုာ်စုာ် ဖျါလၢ ပလဲၤခီဖျိဘၣ်တ့ၢ် တၢ်လၢအဘၣ်ထွဲ ဒီးတံၤသကိး တဂၤ အတၢ်ဟ့ၣ်တၢ်ကစီၣ်ဆူဒုၣ်ဒါန့ၣ်လီၤႉ မ့ၢ်ပမၤဆၢက့ၤတၢ်လၢအဘၣ်ပှၤဆါအံၤ န့ၣ်ဒ်လဲၣ်ႉ ထါစံးပ့တၢၤ ၄၁း၉ လၢကစၢ်ယ့ၣ့်ှှူး စူးကါ၀ဲအံၤ‚ မ့ၢ်တၢ်လၢ ကနဲၣ်ဖျါထီၣ်တၢ်ဆူ ပှၤလၢအဆါကွံာ်အီၤအံၤ‚ အိၣ်စ့ၢ်ကီး ဖဲအအီၣ်သကိးဟါတၢ်အီၣ် (ယိၤ ၁၃း၁၈) ‚ လၢအဟ့ၣ်ထီၣ်တၢ်မုၢ်လၢ်န့ၣ်လီၤႉ ဖဲစီၤဒၤ၀ံးဂၢ်လီၤ အတၢ်သူၣ်လီၤဘှံးသးလီၤဘှါလၢ တံၤသကိးလၢ အဘူးကတၢၢ်ဒီးအီၤ အတၢ်ဟ့ၣ်လီၤအီၤ‚ အ၀ဲဟံးထီၣ် ယွၤအတၢ်အဲၣ်ဒီး တၢ်အိၣ်ဒီးအီၤလၢ ကထုးထီၣ်အီၤဒီး ပာ်အီၤလၢယွၤအမဲာ်ညါ လီၤစိၤလီၤထီ (စံး ၄၁း၁၁-၁၂) န့ၣ်လီၤႉ
ဖဲတံၤသကိး မ့ၢ်မၤသးဟးဂီၤပှၤ‚ ပထံၣ်န့ၢ်တၢ်မၤမုာ်ထီၣ်တၢ်သ့၀ဲ ခီဖျိ ယွၤအတၢ်အဲၣ်လၢအပၢၤဃာ်ပှၤ ဒီးအတၢ်အိၣ်ဒီးပှၤလၢကဟ့ၣ် ဒုးဆူၣ်ထီၣ်ပဂံၢ်ပဘါ ဆူတၢ်ကသ့တူၢ်တၢ်‚ တုၤဒၣ်လဲာ်လၢ တၢ်တူၢ်ဘၣ်တၢ်ဒိၣ်ဒိၣ်မုၢ်မုၢ်န့ၣ်လီၤႉ