လၢတၢ်သဘံၣ်ဘုၣ်ဒီး တၢ်သးဟးဂီၤလၢ တၢ်အိၣ်ဖှိၣ်အဃိ ထရၠာစးံၣ်ဘိၣ်လၢအအိၣ် ၁၇ နံၣ် စးထီၣ်ဃုထံၣ်န့ၢ်တၢ်စံးဆၢတဖၣ် လၢအယံာ်လၢအနံၣ်န့ၣ်လီၤႉ ဘၣ်ဆၣ်‚ တၢ်စံးဆၢတအိၣ်လၢ ကမၤမံသူၣ်မုာ်သးအီၤလၢ အတၢ်ဃုထံၣ်န့ၢ်တၢ်အဖီခိၣ်လၢ တၢ်လၢ အဆၢမုၢ်လၢ်ဘၣ်၀ဲတဖၣ်န့ၣ်ဘၣ်ႉ
ဘၣ်ဆၣ် တၢ်ဆၢကတီၢ်အံၤ မိၤအီၤ ဒ်သိးကဘူးထီၣ်လၢ အမိၢ်အပၢ်တဖၣ် အအိၣ်လီၤႉ ဘၣ်ဆၣ် အ၀ဲအိၣ်ဒံးဒၣ်လၢ တၢ်ဂ့ၢ်ကီတဖၣ် လၢခရၠာစးံာ်ဖိအတၢ်ဘူၣ်တၢ်ဘါန့ၣ်လီၤႉ လၢတၢ်ကတိၤသကိးတဘျီအကတီၢ်‚ အ၀ဲဆှဲဖျါထီၣ်တၢ်လၢ တၢ်သး ခၣ်လၢ ‘‘လံာ်စီဆှံအံၤ ပှဲၤမးဒီးတၢ်အၢၣ်လီၤလၢ အတလၢထီၣ်ပှဲၤထီၣ်တဖၣ်’’န့ၣ်လီၤႉ
ပှၤအိၣ်စ့ၢ်ကီး၀ဲ အဂၤတဂၤလၢ အကွၢ်ဆၢၣ်မဲာ်ဘၣ်ဒီး တၢ်သးဟးဂီၤဒီး တၢ်ကီတၢ်ခဲလၢ အဒုးကဲထီၣ်အီၤလၢ တၢ်သးဒ့ဒီတဖၣ်န့ၣ်လီၤႉ ဘၣ်ဆၣ်‚ ဖဲစီၤဒၤ၀ံး ဃ့ၢ်ပူၤဖျဲးအသးလၢ အဒုၣ်ဒါလၢအဃုမၤသံအီၤအစုပူၤ‚ အ၀ဲအတၢ်မၤဆၢက့ၤ တၢ်အံၤ တမ့ၢ်တၢ်လၢ အကဃ့ၢ်ဟးထီၣ်လၢ ကစၢ်ယွၤအအိၣ်ဘၣ်ႉ မ့မ့ၢ် ကစံးထီၣ်ပ့တၢၤယွၤန့ၣ်လီၤႉ ‘‘ပှၤသုးမုၢ်တဖု မ့ၢ်သူၣ်ဒဲထီဒါယၤ ဘၣ်ဆၣ်ဒီးယသးတပျံၤဘၣ်’’ (စံး ၂၇း၃) အံၤန့ၣ် မ့ၢ်အ၀ဲအတၢ်သး၀ံၣ်လၢ အသး၀ံၣ်ထီၣ်၀ဲန့ၣ်လီၤႉ
ဘၣ်ဆၣ်‚ စီၤဒၤ၀ံး အထါပာ်ဖျါထီၣ်စ့ၢ်ကီး တၢ်လၢအ၀ဲအိၣ်ဒံး၀ဲဒီး တၢ်သးဒ့ဒီန့ၣ်လီၤႉ အ၀ဲကိးသBတီထီၣ်‚ ‘သးကညီၤယၤ ဒီးစံးဆၢယၤတက့ၢ်’ (း၇) အံၤန့ၣ် ဖျါလီၤဂာ် ဒ်ပှၤတဂၤလၢ အအိၣ်ဒီးတၢ်ပျံၤတၢ်ဖုးဒီးသံကွၢ်ထီၣ်တၢ်သံကွၢ်တဖၣ်န့ၣ်လီၤႉ အ၀ဲဃ့ကညးစ့ၢ်ကီးလၢ ‘ပာ်တဒၢနမဲာ်လၢယၤတဂ့ၤ‚ စူးကွံာ်ညိကွံာ်ဒီး လဲၤသဒၣ်ယၤ တဂ့ၤ’ (း၉) န့ၣ်လီၤႉ
ဘၣ်ဆၣ်‚ စီၤဒၤ၀ံးတပျဲအတၢ်သးဒ့ဒီ ဒ်သိးကမၤစၢ်လီၤအီၤန့ၣ်ဘၣ်ႉ ဖဲလၢ မ့ၢ်အိၣ်ဘၣ်လၢ တၢ်သးဒ့ဒီတၢ်အပူၤဒၣ်လဲာ်‚ အ၀ဲကိးသBတီထီၣ်လၢ ‘ယကထံၣ်ဘၣ် ယွၤအတၢ်ဂ့ၤလၢ တၢ်မူအကီၢ်ပူၤ’’ (း၁၃) န့ၣ်လီၤႉ ၀ံၤအ၀ဲတဲဖျါထီၣ် တၢ်ကစီၣ် ဒ်သိး အပှၤဖးတၢ်ဖိတဖၣ်လၢ နၤ‚ ယၤ ဒီး ထရၠာစးံၣ်ဘိၣ်လၢ အမူလၢ ဟီၣ်ခိၣ်အံၤန့ၣ်လီၤႉ ‘‘မုၢ်လၢ် တၢ်လၢယွၤတက့ၢ်ႉ ပာ်ဆူၣ်နဂံၢ်နဘါတက့ၢ်ႉ ဒီးမ်အဒုးဆူၣ်ထီၣ် နသးအဂံၢ်အဘါတက့ၢ်ႉ ဒီးမုၢ်လၢ်တၢ်လၢယွၤတက့ၢ်’’ (း၁၄) ႉ
ပတထံၣ်န့ၢ် တၢ်စံးဆၢယိယိဖိတဖၣ်လၢ အဆိအခ@လၢ ပတၢ်သံကွၢ်တၢ် ဒီဖုဒီဂီၢ်န့ၣ်ဘၣ်ႉ ဘၣ်ဆၣ် ပကထံၣ်န့ၢ်တၢ်စံးဆၢ ဖဲပမုၢ်လၢ်တၢ်လၢယွၤတဂၤလၢ ပနာ်န့ၢ်အီၤသ့၀ဲန့ၣ်လီၤႉ