ယတိၢ်က့ၤ တၢ်ဃံတၢ်လၤအဒိၣ်လၢ ယဖိမုၣ် မဲၣ်လံစၣ် တန့ၢ်က့ၤလၢၤဘၣ်ႉ တၢ်ဆၢကတီၢ်လီၤလးတဖၣ်လၢ ဖဲပကွၢ်ယဖိမုၣ်ဖိလိၣ်ကွဲ ဖျၢၣ်ပှီၢ်လၢတၢ်သးခု‚ ဖဲအမ့ၢ်တီၤထီကၠိဖိအကတီၢ် လဲၤပူၤကွံာ်၀ဲလံႉ တဘျီဘျီ‚ ကီခဲဒိၣ်မးလၢ ပသ့ၣ်နီၣ်ထီၣ် အမဲာ်နံၤကမှံဖိလၢတၢ်အိၣ်ဒီးတၢ်သးမံလၢ အမဲာ်သၣ်လိၤ‚ ဖဲပဟံၣ်ဖိဃီဖိတဖၣ် ပမၤသကိး တၢ်ဟူးတၢ်ဂဲၤတဖၣ်အကတီၢ်န့ၣ်လီၤႉ ဖိမုၣ်ဖိ လဲၤပူၤကွံာ်ပှၤ ဖဲအသးအိၣ် ၁၇ နံၣ်‚ ဒီးတၢ်သးခုတဖၣ်လၢ ပဒိးန့ၢ် ဖဲအအိၣ်မူဒံးကတီၢ်တဖၣ် လီၤမၢ်ကွံာ်လၢ ပ၀ဲအဂီၢ်န့ၣ်လီၤႉ
လၢလံာ်သးသယုၢ်တၢ်အပူၤ‚ ၀ံယံးရၠာစးမံယၤ အတၢ်ကတိၤတဖၣ် ပာ်ဖျါထီၣ် လၢ အ၀ဲအတၢ်သ့ၣ်ညါနၢ်ပၢၢ်တၢ်လၢ‚ သးအံၤ လီၤဘှံးလီၤဘှါ ဒီးဘၣ်ဒိဘၣ်ထံး သ့၀ဲန့ၣ်လီၤႉ အ၀ဲစံးလၢ ‘‘ယတၢ်သန့ၤယသးအလီၢ်ဒီးယတၢ်မုၢ်လၢ်လၢယွၤနှၣ် ဟါမၢ်လံ’’ (၃း၁၈) န့ၣ်လီၤႉ အ၀ဲအတၢ်အိၣ်သး မ့ၢ်တၢ်လၢအလီၤဆီဒိၣ်၀ဲ လၢနၤဒီးယၤ ပတၢ် အိၣ်သးန့ၣ်လီၤႉ အ၀ဲစံၣ်တဲၤတဲလီၤ ကစၢ်ယွၤအတၢ်စံၣ်ညီၣ်ဒီး ထံၣ်ဘၣ်စ့ၢ်ကီး၀ဲ ယ့ှူၤ့ှှလ့ၣ် အတၢ်ဃၣ်ကွံာ်သးလီၤႉ တၢ်ဃံတၢ်လၤဒိၣ်အံၤ လဲၤပူၤကွံာ် မ့ၢ်လၢ အ၀ဲကလၢၢ်ဘၣ်လၢ တၢ်ဃၣ်ကွံာ်သး (း၁၂) ‚ အိၣ်သယုၢ် (း၁၄) ဒီးဘၣ်တၢ်စူးကွံာ်ညိကွံာ်အီၤ လၢကစၢ်ယွၤ (း၁၅-၂၀) အဃိန့ၣ်လီၤႉ
ဘၣ်ဆၣ်‚ တၢ်အ၀ဲန့ၣ် တမ့ၢ်တၢ်အကတၢၢ်ဒံးလၢ အတၢ်ဂ့ၢ်လၢ အတဲဖျါထီၣ်၀ဲန့ၣ်ဘၣ်ႉ တၢ်ကပီၤဟဲအိၣ်ထီၣ်လီၤႉ ၀ံယံးရၠာစးမံယၤ အတၢ်၀ံဃၢဒီး တၢ်လၢအတူၢ်ဘၣ်၀ဲတဖၣ် ဟးထီၣ်ကွံာ်ဒီး ပာ်ဖျါထီၣ်၀ဲလၢ ‘ယမုၢ်လၢ်တၢ်’ (း၂၁) ‚ တၢ်မုၢ်လၢ်လၢအဟဲလၢ တၢ်သ့ၣ်ညါလၢယွၤအဘျုးအဖှိၣ်‚ မ့ၢ်အသးတတူာ်ဘၣ်သတးဒီး ပတတုၤဘၣ်လၢ တၢ်ဟးဂူာ်ဟးဂီၤဘၣ်လီၤ (း၂၂) ႉ ဒီးဖဲအံၤ‚ အိၣ်၀ဲစ့ၢ်ကီး ဒီးတၢ်မ့ၢ်တၢ်တီလၢ အလီၢ်အိၣ်လၢပကဘၣ်သ့ၣ်နီၣ်ထီၣ် ဖဲတၢ်ဃံတၢ်လၤအံၤ မ့ၢ်လဲၤပူၤကွံာ်န့ၣ် ‘‘ (ယွၤ) အဘျုး အဖှိၣ်အသီ အိၣ်၀ဲကိးဂီၤဒဲးလီၤႉ နမၤတီနကလုာ်လီၤတံၢ်လီၤဆဲးလီၤ’’ (း၂၂-၂၃) ႉ
တုၤဒၣ်လဲာ်လၢ ပမုၢ်နံၤအခံးသူကတၢၢ်န့ၣ် ကစၢ်ယွၤအကလုၢ်လၢအတီအံၤ ကကပီၤထီၣ်၀ဲန့ၣ်လီၤႉ