သ့ၣ်ထိးဖၣ်သ့ၣ်ဖးဒိၣ် အိၣ်ဆၢထၢၣ်လၢဘးစ်ခ့ၣ်ရၠာစးံး‚ ပရၠာစးဲးပထ့ရၠာစးံယါတၢ်ဘါသရၠာစးိာ်‚ နယူကၠၣ်စံၣ် လၢ အနံၣ်လၢအအါန့ၢ်ဒံး ၆၀၀‚ တုၤ တၢ်သုးကွံာ်အီၤတစုန့ၣ်လီၤႉ ဖဲအအိၣ် ဆၢထၢၣ်အကတီၢ်ဂ့ၤ‚ ဒ့့တၢ်တဖၣ် ဘံဘူလိာ်သး‚ ထီဒီးရၠာစးၤလီၤသးလဲၢ်လဲၢ်လီၤႉ ဖဲကလံၤဖိဟဲအူ‚ သ့ၣ်အံၤအလၣ်တဖၣ် ဟူး၀း၀ဲလီၤႉ ခီဖျိလၢအကဒုဂ့ၤဒိၣ်မးအဃိ‚ မုၢ်အတၢ်ကပီၤ ဟဲဖျါလၢ သ့ၣ်လၣ်အကဆူး ဒုးဖျါထီၣ်တၢ်ကပီၤဆဲးကြပုၢ်လၢ သ့ၣ်ကဒုအဖီလာ်အံၤန့ၣ်လီၤႉ ဘၣ်ဆၣ်‚ လၢသ့ၣ်ထူၣ်အံၤအဖီလာ်လၢ ဟီၣ်ခိၣ်လာ်တခီ‚ မ့ၢ်တၢ်လၢအလီၤကမၢကမၣ်နီၢ်နီၢ်လၢ အမ့ၢ်သ့ၣ်အံၤအဂံၢ်တဖၣ် တၢ်စဲၤသးသနိန့ၣ်လီၤႉ အိးသ့ၣ်ထိးဖၣ်သ့ၣ်ဆူၣ်အဂံၢ်မိၢ်ပှၢ် စဲၤလီၤသးဘျၢဘျၢ‚ ထုးန့ၢ်တၢ်အီၣ် န့ၢ်ဂံၢ်န့ၢ်ဘါ တဖၣ်လီၤႉ လၢအဂံၢ်မိၢ်ပှၢ်အကပၤ‚ သ့ၣ်ဂံၢ်ဖိဂီၢ်မုၢ်ဂီၤပၤ က၀ီၤသး ဒ်သိးကဟ့ၣ်ထီၣ်တၢ်ဂံၢ်တၢ်ဘါ ထံအသ၀ံဒီး တၢ်န့ၢ်ဂံၢ်န့ၢ်ဘါတဖၣ်လီၤႉ ဂံၢ်တဖၣ်အသနိလၢအလီၤဆီ‚ တလီၢ်လီၢ်‚ ဒုးကဲထီၣ် ဒုးဆူၣ်ထီၣ်သ့ၣ်ထူၣ်ဖးဒိၣ် ဒီး မ့ၢ်နီၢ်သက့ၤ လၢတၢ်ကမၤဂၢၢ်ကျၢၤ သ့ၣ်ထူၣ်မိၢ်ပှၢ်အဂီၢ်လီၤႉ
ဒ်အိးသ့ၣ်ထူၣ်ဖးဒိၣ်အသိး‚ တၢ်လၢအမၤဒိၣ်ထီၣ်ဆူၣ်ထီၣ် နီၢ်သးအံၤ‚ ကအိၣ်ထီၣ်လၢ ပသူၣ်ကံၢ်သးလဲနီၢ်နီၢ်အပူၤနှၣ်လီၤႉ ဖဲကစၢ်ယ့ၣ့်ှှူး စံးတၢ်အဒိလၢ အဘၣ်ထွဲ ဒီး တၢ်ချံဆူအပျဲၢ်အဘီၣ်တဖၣ်‚ အ၀ဲုဟ့ၣ်တၢ်အတယၢၢ်လၢ တၢ်အကါဒိၣ်လၢ ကသူၣ်လီၤ နီၢ်တဂၤအတၢ်ဘၣ်ထွဲဒီး ပၢ်ယွၤန့ၣ်လီၤႉ ဒ်ပဒိၣ်ထီၣ်လၢ တၢ်သ့ၣ်ညါယွၤဒ်လံာ်စီဆှံပာ်ဖျါအသိး‚ ပတၢ်စူၢ်တၢ်နာ်အဂံၢ်တဖၣ် ဂၢၢ်ကျၢၤထီၣ် ခီဖျိအ၀ဲ အသးစီဆှံအတၢ်မၤန့ၣ်လီၤႉ ကစၢ်ယွၤမၤစၢၤ ပှၤလၢအပိာ်အခံတဖၣ်လၢ တၢ်နးတၢ်ဖှီၣ်တဖၣ်‚ တၢ်မၤအၢမၤနးဒီး လၢတၢ်ကိၢ်တၢ်ဂီၤ (မးသဲ ၁၃း၁၈-၂၃) အကတီၢ်န့ၣ်လီၤႉ
ပပၢ်ကစၢ်ယွၤ မၤပှဲၤ ပသးအဂံၢ်အဘါ ခီဖျိလၢအကလုၢ်ကထါလီၤႉ ဒ်ယွၤ အသးစီဆှံ ဆီတလဲကွံာ် ပလုၢ်လၢ်သကဲာ်ပ၀းဒီး အ၀ဲမၤလီၤတံၢ် တၢ်ဒုးသၣ်ထီၣ် တၤသၣ်လၢ ပဂံၢ်လၢအစဲၤလီၤသးယိာ်ယိာ်လၢအပူၤ‚ ဒီးဒုးကဲထီၣ်တၢ်အုၣ်သးတဖၣ် လၢပခိၣ်ပဃၢၤ လၢအ၀ဲမၤတၢ်လၢပပူၤန့ၣ်လီၤႉ