၂၀၁၉ နံၣ် အဲးတ်လဲတၣ်‚ ကၠီၣ်ကၠံၣ်ယါနၣ်‚ မိဟီးစ် ခီလ့ၣ်ကၠိ ကမျၢၢ်ဖျိကၠိ တၢ်ရၠာစးဲၣ်တၢ်ကျဲၤအပူၤန့ၣ် ကမျၢၢ်သ့ၣ်တဖၣ် အိၣ်ဒီး တၢ်ကမၢကမၣ်ဖးဒိၣ် န့ၣ်လီၤႉ ပှၤကတိၤတၢ်လၢ ကၠိဒိၣ်ကၠိထီအမူးဖးဒိၣ် ဘိးဘၣ်သ့ၣ်ညါလၢ အ၀ဲဒီးအဟံၣ်ဖိဃီဖိ တဖၣ်‚ ကမၤဘူၣ်လီၤ စ့ဒီလၣ်အကကွဲၢ်တဖၣ်လၢ ကထူးသံကွံာ် ကၠိဖိတဖၣ် အဒ့ၣ်ကမၢ်လၢ ပှၤလၢအဖျိကၠိကိးဂၤအဂီၢ်န့ၣ်လီၤႉ ကၠိဖိသ့ၣ်တဖၣ်န့ၣ် ဘၣ်တၢ်လုၣ်ဘၢကွံာ်အီၤလၢ တၢ်သးခုအဃိ‚ ကိးသBတီထီၣ်လၢ တၢ်သးခုဃုာ်ဒီး မဲာ်ထံမဲာ်နိတဖၣ် ဒီး အကျါန့ၣ် ကၠိဖိအိၣ်၀ဲတဂၤလၢ အဒ့ၣ်ကမၢ် အိၣ်ဒီး ဒီလၣ် ၁၀၀‚၀၀၀ န့ၣ်လီၤႉ
ပ၀ဲအါဒံအါဂၤ‚ ပလဲၤခီဖျိဘၣ်လၢ ပအိၣ်ဒီးဒ့ၣ်ကမၢ် လၢပကဘၣ်ဟ့ၣ်က့ၤစ့လၢပဟံၣ်အဂီၢ်‚ လၢသိလ့ၣ်အဂီၢ်‚ လၢတၢ်ကူၣ်ဘၣ်ကူၣ်သ့အဂီၢ်‚ လၢတၢ်ကူစါယါဘျါ တၢ်အဂီၢ် မ့တမ့ၢ် တၢ်ဂုၤတၢ်ဂၤတဖၣ်န့ၣ်လီၤႉ ပသ့ၣ်ညါတ့ၢ်လံဒီး လဲၤခီဖျိဘၣ်စ့ၢ်ကီး လၢတၢ်ကမၢကမၣ်ဘၣ်တၢ်ဒီး တၢ်သးမံ ဖဲဒ့ၣ်ကမၢ်တဖၣ်အံၤ အကွဲးလီၤလၢ ‘‘တၢ်လိးတူၢ်လံ’’ လၢ လံာ်က့လၢအပာ်ဖျါတၢ်လၢ ပဘၣ်ဟ့ၣ်အလိၤန့ၣ်လီၤႉ
စီၤယိၤဟၣ်ပာ်ဖျါထီၣ် ကစၢ်ယ့ၣ့်ှှှူး ဒ် ‘ပှၤလၢအအုၣ်အသးလၢအကလုၢ်တီ‚ လၢအမ့ၢ်ပှၤအိၣ်ဖျဲၣ်ဆိလၢတၢ်သံ ဒီး မ့ၢ်ဟီၣ်ခိၣ်စီၤပၤအခိၣ်တဂၤ’’ ၀ံၤဒီး ပာ်ဖျါထီၣ် စ့ၢ်ကီး၀ဲလၢ ကစၢ်ယ့ၣ့်ှှူးအတၢ်မၤလၢ တၢ်တၢၤကွံာ် (ထူးသံကွံာ်) ပဒ့ၣ်ကမၢ်‚ ခီဖျိ ‘‘ပှၤလၢ အအဲၣ်ပှၤဒီး သ့စီကွံာ်ပှၤလၢ အသွံၣ်ဒၣ်၀ဲ’’ န့ၣ်လီၤ (လီၣ်ဖျါ ၁း၅) ႉ တၢ်ပာ်ဖျါ အံၤ မ့ၢ်တၢ်ယိယိဖိ ဘၣ်ဆၣ် တၢ်အံၤအခီပညီယိာ်၀ဲဒိၣ်မးလီၤႉ လၢအဂ့ၤဒိၣ်န့ၢ် တၢ်ပာ်ဖျါလၢ ကလိးတူၢ်ဒ့ၣ်ကမၢ်လၢ မီဟီးစ်ဖျိကၠိတၢ်သးခုကစီၣ်န့ၣ် မ့ၢ်၀ဲ ကစၢ်ယ့ၣ့်ှှူး အတၢ်သံလၢ (တၢ်ဂၢ်လီၤသွံၣ်လၢ ထူၣ်စုညါလိၤ) ဒုးထူၣ်ဖျဲးထီၣ်ပှၤလၢ တၢ်စံၣ်ညီၣ်လၢ ပတၢ်ပာ်သူၣ်ပာ်သးလၢ အကဲထီၣ် တၢ်ဒဲးဘး‚ တၢ်မိၣ်န့ၢ်သးလီတဖၣ်ဒီး တၢ်မၤလၢ အ့ကၢးဒီးပှၤလၢ ပကဘၣ်သံလၢတၢ်အံၤန့ၣ်လီၤႉ မ့ၢ်လၢဒ့ၣ်ကမၢ်လၢ ပကဘၣ်လိးတူၢ်အံၤ‚ ဘၣ်တၢ်ထူးသံကွံာ်လံအဃိ‚ ပှၤလၢအစူၢ်က့ၤနာ်က့ၤ ကစၢ်ယ့ၣ့်ှှူးတဖၣ်န့ၣ် ဒိးန့ၢ် တၢ်ပျၢ်တၢ်ကမၣ်ဒီး ကဲထီၣ်က့ၤ၀ဲ ယွၤအဒူၣ်ဖိထၢဖိန့ၣ်လီၤ (း၆) ႉ တၢ်ကစီၣ်လၢ အမၤမုာ်ပသးအါမံၤအကျါ‚ တၢ်ကစီၣ်အံၤ မ့ၢ်တၢ်ကစီၣ်လၢ အမုာ်ကတၢၢ်အဂ့ၤကတၢၢ်န့ၣ်လီၤႉ