လၢပူၤကွံာ်တဘျုးနံၣ်‚ ခဲရၠာစးိၣ်လဲဒီးယၤ ပလဲၤဘါသကိးတၢ်လၢ တၢ်အိၣ်ဖှိၣ်ဆံးဆံးဖိ တဖှိၣ်‚ ဖဲတၢ်ဘူၣ်တၢ်ဘါအံၤဘၣ်တၢ်စးထီၣ်အီၤလၢ ပိာ်မုၣ်တဂၤ အတၢ်ဂဲၤကလံၣ်လၢ လီၢ်ဆ့ၣ်နီၤခံဂ့ၢ်အကဆူးန့ၣ်လီၤႉ တယံာ်‚ အ၀ဲပာ်ဖှိၣ်ထီၣ်သး ဒီးပှၤဂုၤပှၤဂၤန့ၣ်လီၤႉ ခဲရၠာစးိၣ်လဲ ဒီးယၤ ပကွၢ်လိာ်သးပမဲာ်ဒီး ပသးပူၤတခီ‚ ‘ယတဘၣ်သူၣ်ဘၣ်သးဘၣ်ႉ ပဟဲ လီၤစၢၤလီၤသွဲၣ်လၢ တၢ်အိၣ်ဖှိၣ်လၢ အအိၣ်ဒီး တၢ်သိၣ်တၢ်သီဃံးဃံးဒီး က့ၢ်ဂီၤအဂုၤအဂၤ ဒ်သိးအံၤ လၢတၢ်ဘူၣ်တၢ်ဘါ မ့ၢ်တၢ်လၢ အလဲၤတလၢကွံာ်တၢ်လၢ ပတူၢ်လိာ် အီၤသ့န့ၣ်လီၤႉ
ဘၣ်ဆၣ်‚ လံာ်မၢ်ကူးအတၢ်ဂ့ၢ်လၢ အဘၣ်ထွဲဒီးနီၢ်မၤရၠာစးံအတၢ်‘မၤလၢာ်ဂီၤ’ အခီပညီ မ့ၢ်အိၣ်ဒံးတမံၤမံၤအဃိ‚ တၢ်အံၤ ဟ့ၣ်ထီၣ်တၢ်သ့ၣ်ညါလၢ အတၢ်အဲၣ်လၢ ကစၢ်ယ့ၣ့်ှှူးအဂီၢ်‚ ကကဲထီၣ်သ့ၣ်သ့ၣ် ပှၤဂုၤပှၤဂၤအတၢ်ထံၣ်လၢ တၢ်တဘၣ်သူၣ်ဘၣ်သး (မၢ်ကူး ၁၄း၁-၉) န့ၣ်လီၤႉ နီၢ်မၤရၠာစးံအတၢ်လုၢ်ထီၣ်ထံနၢမူအံၤ‚ ကၢပရၤကၢ ကလံၤလၢ ပှၤတဂၤအတၢ်မၤလၢ ဒီတနံၣ်အဘူးအလဲလီၤႉ တၢ်အံၤ မ့ၢ်တၢ်မၤလၢ ‘တၢ်တအိၣ်ဒီး တၢ်ကူၣ်သ့’ လၢအဒုးကဲထီၣ် အပျဲၢ်အဘီၣ်တဖၣ် အတၢ်တဘၣ်သူၣ်ဘၣ်သးလီၤႉ လံာ်မၢ်ကူးစူးကါ တၢ်ကတိၤအဖျၢၣ်လၢ အပာ်ဖျါထီၣ် အ၀ဲသ့ၣ် အတၢ်ထံၣ် လၢတၢ်ဂ့ၢ်အံၤ ဒ်တၢ်လၢ တၢ်သရၠာစးီာ်ကမဲၢ်တၢ်ဒီးတၢ်ပာ်ဖျါထီၣ် တၢ်ထံၣ်အံၣ်ထံၣ်ဆံးတၢ်န့ၣ်လီၤႉ ဘၣ်သ့ၣ်သ့ၣ်‚ နီၢ်မၢ်ရၠာစးံ စ့ၢ်ကီး ကပျံၤတၢ်ဖုးတၢ်လၢ ကစၢ်ယ့ၣ့်ှှူးအတၢ်တဲဆၢက့ၤ တၢ်ဂ့ၢ်အံၤန့ၣ်လီၤႉ ဘၣ်ဆၣ်‚ ကစၢ်ယ့ၣ့်ှှူးတခီ‚ ပာ်ပနီၣ် အ၀ဲအတၢ်မၤလၢတၢ်အံၤအဂီၢ်‚ ဖဲလၢပှၤဂုၤပှၤဂၤ မ့ၢ်စံးတၢ်ဒ်အံၤ ဒ်နုၤန့ၣ်လီၤႉ ကစၢ်ယ့ၣ့်ှှူးစံးလၢ ‘ဘၣ်မနုၤလၢ သုမၤတံာ်တာ်အီၤလဲၣ်ႉ မၤလံယၤလၢ တၢ်မၤ အဂ့ၤလံ’ (း၆) ႉ
တၢ်ဘူၣ်ထီၣ်ဘါထီၣ်အက့ၢ်အဂီၤ လၢအလီၤဆီတဖၣ် ညီနုၢ်‚ တမ့ၢ်ဒ်ညီနုၢ်‚ ဘရၣ်ဘီၣ်‚ သီၣ်သဲမ့ၢ်တၢ်လၢ တၢ်ပာ်ဖျါထီၣ်တၢ်ဂံာ်လီၤသးနီၢ်နီၢ်လၢ တၢ်အဲၣ်ဘၣ် ကစၢ်ယ့ၣ့်ှှူး န့ၣ်လီၤႉ အ၀ဲ့ကၢးဒီး တၢ်ဘူၣ်ထီၣ်ဘါထီၣ်ကိးမံၤလၢ အဟဲလၢသးလၢ အအဲၣ်ဘၣ်အီၤတမံၤန့ၣ်လီၤႉ