စဲမ် န့ၣ် သမံသမိးကွၢ်အစ့လၢအဒိးန့ၢ်၀ဲ လၢတၢ်မၤဖဲအအိၣ်ဘှံးကတီၢ်‚ တနံၤခံဘျီလီၤႉ အ၀ဲပာ်ဖှိၣ်ဃာ်စ့လၢ အနံၣ် ၃၀ ဃုာ်ဒီးတၢ်မၤကဲထီၣ်လိၣ်ထီၣ်လၢ ပနံၣ်ဖှိၣ်အတၢ်ဟဲနုာ် လၢခံကတၢၢ်‚ အ၀ဲအကျိၣ်စ့ပာ်ဖှိၣ် လၢပှဲၤလၢ ကအိၣ်ဘှံးလၢတၢ်မၤလီၤႉ တၢ်အိၣ်သး လၢ ကျိၣ်စ့ကဂ့ၤ၀ဲ‚ ဖဲလၢ ပနံၣ်ဖှိၣ်စ့အပရၤကလံၤ မ့ၢ်တလီၤန့ၣ်လီၤႉ တၢ်ပျံၤတၢ်ဖုးအံၤ‚ ပၢၤဃာ် စဲမ် လၢအဘၣ်ထွဲဒီး တၢ်ဟဲနုာ်တၢ်ဟးထီၣ် တၢ်ကဘၣ်ဘျီးဘၣ်ဒါန့ၣ်လီၤႉ
၀ံယံးရၠာစးမံယၤဟ့ၣ်ပလီၢ်တၢ်ဂ့ၢ်အံၤဒ်‚ ‘အဂ့ၢ်ဒ်အံၤ‚ နကစၢ်တဖၣ်အိၣ်၀ဲ ပှဲၤသိး သိးဒီး န၀့ၢ်တဖၣ်‚ ယူဒၤဧၢ‚ ဒီးသုမၤထီၣ်တၢ်လုၢ်အလီၢ်‚ တၢ်မဲာ်ဆှးအလီၢ် ပှဲၤသိးသိး ဒီး ယ့ှူၤ့ှှလ့ၣ်အကျဲတဖၣ် တၢ်လုၢ်အလီၢ် ဒ်သိးသုကဆိၣ်ကဲၤတၢ်နၢမူလၢ ဘဧၤလးအဂီၢ်လီၤ’ (ယံး ၁၁း၁၃) ႉ
ယူၤဒၤအတၢ်ဂီၤတၢ်ဖှီၣ်တဖၣ် မ့ၢ်တၢ်လီၤတိၢ်လီၤဆီလၢ တၢ်ထံၣ်သ့ၣ်ညါအီၤ ညီလီၤႉ ဖဲအ၀ဲသ့ၣ်သ့ၣ်ညါလၢ ကစၢ်ယွၤန့ၣ် မ့ၢ်ကစၢ်‚ ဘၣ်ဆၣ် မ့ၢ်အ၀ဲသ့ၣ်ဘူၣ်ထီၣ်ဘါထီၣ် ကစၢ်အဂုၤအဂၤသ့၀ဲဒ်လဲၣ်ႉ အ၀ဲသ့ၣ်ဒီတဒၢသးလၢ အတၢ်တၤတဖၣ် အဖီခိၣ်န့ၣ်လီၤႉ အ၀ဲသ့ၣ်လိၣ်ဘၣ် ကစၢ်လၢတၢ်သံ၀ံၤအလီၢ်ခံအဂီၢ်‚ မ့ၢ်လၢထဲဒၣ် ယွၤမ့ၢ် ကစၢ်လၢအမ့ၢ်အတီလၢ အဒုးဂဲၤဆၢထၢၣ်က့ၤအ၀ဲသ့ၣ် လၢတၢ်သံသ့န့ၣ်လီၤႉ ဘၣ်ဆၣ်‚ မ့မ့ၢ်ခဲအံၤတခီ‚ တၢ်မၤအသးဒ်လဲၣ်ႉ ပှၤတခီဘီမုၢ်ဖိအကစၢ်တဖၣ်‚ ဟ့ၣ်တၢ်အၢၣ်လီၤလၢ တၢ်အိၣ်ဆူၣ်အိၣ်ခ@‚ တၢ်ထူးတၢ်တီၤဒီး ဟီၣ်ခိၣ်ညၣ်ထ့ၣ် လၢအဂ့ၤ အဃိ‚ ဘၣ်မနုၤလၢ အတဃ့ထုကဖၣ်တၢ်န့ၣ်လဲၣ်ႉ
မ့ၢ်နထံၣ်ပှၤယူဒၤဖိအတၢ်ဂီၤတၢ်ဖှီၣ်တဖၣ်အံၤ မ့ၢ်စ့ၢ်ကီး တၢ်လ့ပစီလၢပဂီၢ် န့ၣ်ဧါႉ တၢ်အံၤဂ့ၤ၀ဲလၢ ပကအိၣ်ဒီးတၤလၣ်လၢ တၢ်ကူၣ်ဘၣ်ကူၣ်သ့ ဒီးကျိၣ်စ့န့ၣ်လီၤႉဘၣ်ဆၣ်‚ ပတပာ်သူၣ်ပာ်သးလၢ တၢ်အံၤအဖီခိၣ်‚ မ့မ့ၢ် ပသုးပသး ဆူတၢ်တဖၣ်အံၤန့ၣ်လီၤႉ ပသ့ၣ်ညါလၢ ပလိၣ်ဘၣ်ကစၢ်ယွၤ ဖဲပသံ၀ံၤအလီၢ်ခံဒီး ပဃ့အီၤလၢ ကဆိၣ်ဂ့ၤပှၤလၢအခဲအံၤန့ၣ်လီၤႉ ဘၣ်ဆၣ်‚ ပသန့ၤထီၣ်စ့ၢ်ကီးပသး ဆူကစၢ်ဆံးဆံးဖိတဖၣ် န့ၣ်လီၤႉ
နတၢ်စူၢ်တၢ်နာ် မ့ၢ်အအိၣ်ဖဲလဲၣ်ႉ တၢ်မၤစၢၤအဂုၤအဂၤတဖၣ် အတၢ်ဂီၤ တၢ်ဖီၣ် မ့ၢ်ဒံးဒၣ်တၢ်ဂီၤတၢ်ဖီၣ်တဖၣ်န့ၣ်လီၤႉ စံးဘျုးယွၤလၢ အအိၣ်ဒီး တၢ်ဟ့ၣ်အါမံၤ ဒီးတဲဘၣ်အီၤလၢ‚ နတသန့ၤထီၣ်နသးလၢ အ၀ဲသ့ၣ်တဖၣ် အဖီခိၣ်န့ၣ်တက့ၢ်ႉ နတၢ်စူၢ်တၢ်နာ်အံၤ သူၣ်လီၤသးလၢာ်လၢာ်ဆ့ဆ့လၢ ယွၤအဖီခိၣ်န့ၣ်လီၤႉ