ခိၣ်နၢ်အံၤ ဒိးထီၣ်ကသ့ၣ် ဒ်သိးကကွၢ်တၢ်မၤလၢ တၢ်ကမၤအီၤဆူညါအဂီၢ် ဖဲမုၢ်နၤ အကတီၢ်န့ၣ်လီၤႉ ဖဲအ၀ဲဟးကွၢ်တၢ်ဒ်သိးအံၤအကတီၢ်‚ ခိၣ်နၢ်အံၤထံၣ်ဘၣ်လၢ တၢ်လီၤမုၢ်လီၤပှီၢ် အိၣ်၀းတရၠာစးံးအီၤ‚ အ၀ဲထံၣ်ဘၣ် ၀့ၢ်အခိၣ်ဒူ ဘၣ်တၢ်မၤဟးဂီၤဒီး ့တဲၤ ဘၣ်တၢ်ဆူးထီၣ်ကွံာ်လၢ မ့ၣ်အူန့ၣ်လီၤႉ လၢတၢ်လီၢ်တနီၤ‚ ကီခဲလၢအ၀ဲကဒိးထီၣ် အကသ့ၣ်လီၤႉ လၢတၢ်သးအုးအပူၤ‚ ပှၤဒိးကသ့ၣ်အံၤ ဟဲက့ၤကဒါက့ၤဆူဟံၣ်လီၤႉ
ဖဲတၢ်အကတီၢ်တုၤလၢ ကပာ်ဖျါထီၣ်တၢ်ဟးဂူာ်ဟးဂီၤတဖၣ် ဆူ ပှၤဘၣ်မူဘၣ်ဒါလၢ ၀့ၢ်န့ၣ် အ၀ဲစးထီၣ်တဲဖျါလၢ ‘သုထံၣ်တၢ်ကိၢ်တၢ်ဂီၤလၢ ပအိၣ်လၢ အပူၤ လီၤ’ (နဃ့ ၂း၁၇) ႉ အ၀ဲပာ်ဖျါထီၣ်လၢ ၀့ၢ်အံၤ ဟးဂီၤကွံာ်ဒီး ၀့ၢ်ခိၣ်ဒူလၢ အဒီတဒၢတၢ်ဘံၣ်တၢ်ဘၢ ကဲထီၣ်တၢ်လၢတၢ်စူးကါအီၤတသ့လၢၤန့ၣ်လီၤႉ
ဘၣ်ဆၣ်‚ ၀ံၤအလီၢ်ခံ အ၀ဲပာ်ဖျါထီၣ် တၢ်ကတိၤတထံၣ်လၢ အဒုးဂံၢ်ဆူၣ်ဘါဆူၣ်ထီၣ် ပှၤ၀့ၢ်ဖိလၢ အအိၣ်ဒီး တၢ်သူၣ်ကိၢ်သးဂီၤ လၢ ‘‘ဒီးယစံးဘၣ်တဲဘၣ်အီၤလၢ ယွၤ အစုအိၣ်၀ဲလၢယလိၤလၢတၢ်ဂ့ၤအဂီၢ်’’လီၤႉ သတူၢ်ကလာ်‚ ပှၤဂီၢ်မုၢ် စံးဆၢက့ၤလၢ ‘ဂဲၤဆၢထၢၣ်ဒီး မၤသကိးတၢ်တက့ၢ်’ (း၁၈) ၀ံၤ‚ အ၀ဲသ့ၣ်မၤသကိးတၢ်မၤအံၤန့ၣ်လီၤႉ
ဃုာ်ဒီးတၢ်နာ်လၢကစၢ်ယွၤအပူၤဒီး တၢ်ဂုာ်ကျဲးစၢး‚ ဖဲလၢတၢ်ထီဒါ မ့ၢ်ဟဲအိၣ်ထီၣ်လၢဒုၣ်ဒါဒီး တၢ်မ့ၢ်ဟဲဖျါထီၣ်လၢတၢ်မၤအံၤ ကဲထီၣ်တသ့ဒၣ်ကယၢာ်‚ ပှၤဂီၢ်မုၢ်လၢယ့ှူၤ့ှှလ့ၣ်တဖၣ်‚ သူၣ်ထီၣ်သကိး ၀့ၢ်အခိၣ်ဒူလၢ (၅၂) သီ (၆း၁၅) လၢစီၤနဃ့မယၤ အတၢ်ကဲခိၣ်ကဲနၢ်အဖီလာ်န့ၣ်လီၤႉ
ဖဲနမ့ၢ်ဆိကမိၣ်ထီၣ် နတၢ်အိၣ်သးတဖၣ်န့ၣ် မ့ၢ်တၢ်ကဟဲဖျါထီၣ်တမံၤမံၤ လၢအကီ၀ဲခဲ၀ဲဧါႉ ဘၣ်ဆၣ်‚ နသ့ၣ်ညါထံနဲလၢ တၢ်အံၤ မ့ၢ်တၢ်လၢကစၢ်ယွၤ အဲၣ်ဒိးဒုးမၤနၤန့ၣ်ဧါႉ မ့ၢ်တၢ်ဒဲးဘးလၢအဖျါလၢ နဟီထီၣ်ကွံာ်အီၤတသ့၀ဲန့ၣ်ဧါႉ မ့ၢ်တၢ်ရၠာစး့လိာ်ဘၣ်ထွဲလၢ အတမၤလၤကပီၤ ကစၢ်ယွၤန့ၣ်ဧါႉ တၢ်မၤလၢ အ၀ဲအဂီၢ်လၢ အဖျါကီခဲ၀ဲန့ၣ်ဧါႉ
ဃ့တၢ်နဲၣ်ကျဲလၢ ကစၢ်ယွၤအအိၣ် (၂း၄-၅) ပဲာ်ထံနီၤဖးတၢ်ဂ့ၢ်ကီ (း၁၁-၁၅) ဒီး သ့ၣ်ညါနီၣ်လၢ အ၀ဲအတၢ်အိၣ်ဒီးနၤလၢ တၢ်ကမၤသကိးတၢ် (း၁၈) တက့ၢ်ႉ ၀ံၤ‚ စးထီၣ်သူၣ်ထီၣ်က့ၤတၢ်တက့ၢ်ႉ