ဖံစတဲလၣ်စံးလၢ ‘ယကွၢ်ထွဲအီၤလီၤႉ ဖဲအ၀ဲသးခု‚ ယဲစ့ၢ်ကီး ယသးခုလီၤ’ ဖုမါရၠာစး် စံးဆၢက့ၤ‚ ‘ယသးခုမးဖဲ အ၀ဲအိၣ်လၢယခိၣ်ယဃၢၤန့ၣ်လီၤ’ႉ ဖုမါရၠာစး် ဒီး ဖံစတဲလၣ် ဆီဟံၣ်ဆီဃီ အိၣ်လံ ၇၉ နံၣ်လံႉ တယံာ် ဖဲဖုမါရၠာစး် ဘၣ်တၢ်ဆှၢအီၤ ဆူ ပှၤကွၢ်ထွဲ ပှၤသူၣ်က့သးပှၢ်အလီၢ်‚ အ၀ဲအသးသဘံၣ်ဘုၣ်အဃိ‚ လၢတၢ်သးခုအပူၤ ဖံစတဲလၣ် ဟဲက့ၤကိးအီၤဆူဟံၣ်လီၤႉ ဖုမါရၠာစး် အသးအိၣ် ၁၀၁ နံၣ်ဒီး ဖံစတဲလၣ်တခီ အသးအိၣ် ၉၅ နံၣ်လီၤႉ ဖဲလၢဖံစတဲလၣ်တဂၤ မ့ၢ်ဘၣ်စူးကါခီၣ်ကွီၣ်စၢၢ်သးလၢ ကဟးထီၣ် ဟးလီၤဘၣ်ဆၣ်‚ လၢတၢ်အဲၣ်အပူၤ အ၀ဲမၤတၢ်လၢ အ၀ၤအဂီၢ် ဖဲအမၤ၀ဲသ့‚ ဒ်အမ့ၢ် တၢ်ကတဲာ်ကတီၤတၢ်အီၣ်လၢအ၀ၤအီၣ်ဘဲ၀ဲတဖၣ်လီၤႉ ဘၣ်ဆၣ်‚ အ၀ဲမၤတၢ်အံၤလၢ အကစၢ်ဒၣ်၀ဲတကဲဘၣ်ႉ လံၤဖိတဖၣ်ဒီး ပှၤလၢအအိၣ်ဘူးအိၣ်တံၢ်ဒီးအဟံၣ်တဖၣ်‚ မၤစၢၤ ဖံစတဲလၣ်လၢ တၢ်လၢအမၤ၀ဲတကဲတဖၣ်န့ၣ်လီၤႉ
ဖံစတဲလၣ်ဒီး ဖုမါရၠာစး် အတၢ်မူသကိး ဒ်သိးသိးအံၤ မ့ၢ်တၢ်အဒိတမံၤလၢ အဖျါဖဲ ၁ မိၤ ၂‚ ဖဲကစၢ်ယွၤစံးလၢ ‘ပှၤကညီၤအိၣ်တဂၤဃီတဂ့ၤဘၣ်ႉ ယကတ့န့ၢ်အီၤလၢ တၢ်မၤစၢၤလၢ အ့ကၢးဒီးအီၤလီၤ’ (း၁၈) ႉ တၢ်ဘၣ်တ့တအိၣ်နီတမံၤလၢ ကစၢ်ယွၤ ဟဲစိာ်ဆူ စီၤအၤဒၣ် အမဲာ်ညါလၢ အ့ကၢးဒီးအီၤန့ၣ်ဘၣ်ႉ ထဲဒၣ် နီၢ်အံၣ်အု‚ လၢအဘၣ် တၢ်တ့အီၤလၢ စီၤအၤဒၣ်အဂုာ်ဃံ‚ ကဲထီၣ် တၢ်လၢအ့ကၢးဒီး တၢ်မၤစၢၤဒီး တံၤသကိး (း၁၉-၂၄) လၢစီၤအၤဒၣ်အဂီၢ်န့ၣ်လီၤႉ
နီၣ်အံၣ်အု မ့ၢ်တံၤသကိးလၢအလၢပှဲၤလၢ စီၤအၤဒၣ်အဂီၢ်ဒီး ခီဖျိအ၀ဲသ့ၣ်‚ ကစၢ်ယွၤ သူၣ်ထီၣ်တၢ်ဆီဟံၣ်ဆီဃီလီၤႉ တၢ်အံၤ‚ တမ့ၢ်ထဲ တၢ်မၤစၢၤလိာ်သး ကဒဲကဒဲဧိၤဘၣ်ႉ မ့မ့ၢ် တၢ်စးထီၣ်ဒူၣ်ထၢတထၢလၢ ကကဟုကယာ် တၢ်ဘၣ်တ့တဖၣ် အဂီၢ်‚ လၢအပၣ်ဃုာ်ဒီး ပှၤဂုၤပှၤဂၤ (၁း၂၈) လီၤႉ ခီဖျိ ဒူၣ်ဖိထၢဖိ အဆိကတၢၢ်အံၤ အဃိ‚ ပှၤကူပှၤကညီက့ှူၢ် ဟဲအိၣ်ထီၣ်‚ ဖဲလၢတၢ်မ့ၢ်ဆီဟံၣ်ဆီဃီ မ့ၢ်ဂ့ၤ‚ တၢ်မ့ၢ် အိၣ် သဘ@မ့ၢ်ဂ့ၤ‚ သးပှၢ်ဂ့ၤ သးစၢ်ဂ့ၤ‚ ပ၀ဲတဂၤမး ပတအိၣ်ဘၣ်ထဲ တဂၤဧိၤ သယုၤသညိန့ၣ်ဘၣ်ႉ ဒ်ပှၤကူပှၤကညီက့ှူၢ်ကရၠာစးၢအသိး‚ ကစၢ်ယွၤဟ့ၣ်လီၤပှၤ တၢ်ခွဲးတၢ်ယာ်လၢ ကနီၤဟ့ၣ် တၢ်‘၀ံလိာ် (သု) တၢ်၀ံတၢ်ယိး သကိးသကိး’ (ကလၤ ၆း၂) န့ၣ်လီၤႉ