ဖဲကၠီလၢအအိးထီၣ် ပိၣ်မုၣ်လၢအတဂ့ၤအဟံၣ်အဒိၣ်ကတၢၢ်လၢ ၀့ၢ်လိဒိၣ် န့ၣ် ဘၣ်တၢ် ဆှၢအီၤဆူဃိာ်န့ၣ် အ၀ဲနာ်ကမၣ်လၢ‚ အ၀ဲမ့ၢ်ပှၤလၢအဂ့ၤတဂၤလီၤႉ ဖဲအကတီၢ်အ၀ဲန့ၣ်‚ အ၀ဲဆၢတဲာ်လၢ ကထီၣ်တၢ်မၤလိလံာ်စီဆှံလၢ ဃိာ်ပူၤ‚ ဒ်သိးကဒိးန့ၢ် ကိၣ်ဒီးခီဖံၣ်အဂီၢ်လီၤႉ ဘၣ်ဆၣ်‚ အ၀ဲဘၣ်သဂၢၢ်ဒီး ပှၤဃိာ်ဖိတဖၣ်လၢ တဒၢးဃီဒီးအီၤလၢ အဖျါသူၣ်ခုသးခုတဖၣ်န့ၣ်လီၤႉ အ၀ဲစးထီၣ် ဟီၣ် ဖဲတၢ်သး၀ံၣ် အဆိကတၢၢ်တယုၢ် ဘၣ်တၢ်သး၀ံၣ်ထီၣ်ဒီး လၢခံအ၀ဲတူၢ်လိာ်ဒီးဟံးန့ၢ် လံာ်စီဆှံတဘ့ၣ်လၢ အဘၣ်တၢ်ဟ့ၣ်အီၤ န့ၣ်လီၤႉ
စးထီၣ်လၢတၢ်ဖး ၀ံယဃ့စက့လး လၢ ကစၢ်ယွၤအကလုၢ်ကထါ ဆီတလဲကွံာ်အီၤ‚ မၤဘၣ်ဒိအီၤ ‘ဒ်လီၤဖျးအီၤအသိး’ န့ၣ်လီၤႉ အ၀ဲ ဖးဘၣ်လံာ်စီဆှံအဆၢလၢ ‘ဒီးတုၤလၢ ပှၤတတီတလိၤ ဘၣ်ဃၣ်ကွံာ်အသးလၢ အတၢ်တတီတလိၤဘၣ်လၢ အမၤ၀ဲ‚ ဒီးမၤတၢ်စံၣ်ညီၣ်ဒီး တၢ်တီတၢ်လိၤဒီးအသးကမူ၀ဲလီၤ’’ (ယဃ့ ၁၈း၂၇-၂၈) ႉ ကစၢ်ယွၤအကလုၢ်ကထါ မူထီၣ်လၢအ၀ဲအပူၤဒီး အ၀ဲသ့ၣ်ညါလၢ ‘ယတမ့ၢ်ဘၣ် ပှၤလၢအဂ့ၤႉ ယမ့ၢ်ပှၤတတီတလိၤဒီး အလီၢ်အိၣ်လၢ ယကဘၣ်ဆီတလဲ ယတၢ်အိၣ် မူလီၤ’ႉ ဖဲအဃ့ထုကဖၣ် ဃုာ်ဒီးတၢ်အိၣ်ဖှိၣ်သရၠာစးၣ်‚ အ၀ဲတဲဖျါထီၣ်၀ဲလၢ ‘ယထံၣ်န့ၢ် ကစၢ်ယ့ၣ့်ှှူးခရၠာစးံာ် ဒီးအ၀ဲဆီတလဲကွံာ် ယတၢ်အိၣ်မူလီၤ’ႉ
၀ံအတၢ်ကတိၤလၢ ယဃ့းစက့လးတဖၣ် မ့ၢ်ကစၢ်ယွၤအကလုၢ်လၢ အလီၤ ဘၣ်ဆူအပှၤဂီၢ်မုၢ် ဖဲအ၀ဲသ့ၣ်အိၣ်လၢတၢ်စိာ်မၢကဲကုၢ်အပူၤန့ၣ်လီၤႉ ဖဲလၢအ၀ဲသ့ၣ် မ့ၢ်ဃၣ်ကွံာ်အသးလၢယွၤ ဘၣ်ဆၣ် ကစၢ်ယွၤ တမုၢ်လၢ်လၢအ၀ဲသ့ၣ်ကကွံာ်တ့ၢ်ကွံာ် တၢ်လၢအထီဒါတၢ်တဖၣ်ဒီး ‘မၤအိၣ်ထီၣ် (သု) သူၣ်သီသးသီ’ (း၃၁) လီၤႉ လံာ်စီဆှံအဖျၢၣ်တဖၣ် မၤစၢၤကၠီ လၢ က‘ဃၣ်ကွံာ်အသး ဒီးမူ၀ဲ’ (း၃၂) ‚ ဖဲအပိာ် ကစၢ်ယ့ၣ့်ှှူး လၢအမ့ၢ် ပှၤလၢအကိး ပှၤတၢ်ဒဲးဘးဖိလၢ ကပီၢ်ယၢ်လီၤသး (လူၤ ၅း၃၂) အခံန့ၣ်လီၤႉ
မ်ပကမၤဆၢက့ၤ သးစီဆှံအတၢ်ပာ်ဖျါထီၣ် တၢ်ဒဲးဘးအခါန့ၣ်တက့ၢ်ႉ အဃိပကသးခုဘၣ်လၢ တၢ်ပျၢ်တၢ်ကမၣ်ဒီး တၢ်ထူၣ်ဖျဲးတက့ၢ်ႉ