လၢတၢ်သ့ၣ်နီၣ်ထီၣ်အမုၢ်နံၤန့ၣ် ယဆိကမိၣ်ထီၣ်ယဲ ပှၤလၢအမၤတ့ၢ်တၢ်အါမး လီၤလီၤ
ဆီဆီ ယပၢ်ဒီးယဖါတံၢ်လၢ အမၤတ့ၢ်တၢ်လၢသုး ဖဲဟီၣ်ခိၣ်ဒီဘ့ၣ်တၢ်ဒုး ခံဘျီတဘျီ န့ၣ်လီၤႉ အ၀ဲသ့ၣ် ဟဲက့ၤတုၤက့ၤဆူအဟံၣ်အဃီ‚ ဘၣ်ဆၣ်‚ လၢတၢ်ဒုးအံၤန့ၣ် ဒူၣ်ဖိထၢဖိလၢ အကထိတဖၣ်အကထိ ဘၣ်လီၤမၢ်ကွံာ် ပှၤလၢအအဲၣ်၀ဲတဖၣ်လၢ တၢ်သးအုးအပူၤ‚ ခီဖျိတၢ်ဟ့ၣ်လီၤသးလၢထံကီၢ်အဂီၢ်န့ၣ်လီၤႉ ဘၣ်ဆၣ်‚ ဖဲပမ့ၢ်သံကွၢ် ယပၢ်ဒီးပှၤလၢအမၤတ့ၢ်သုး ဖဲအကတီၢ်အ၀ဲန့ၣ်‚ အ၀ဲသ့ၣ် ကစံးဆၢလၢ အ၀ဲသ့ၣ် သးအိၣ်ဟ့ၣ်လီၤအသးဆူ တၢ်ကဒီတဒၢပှၤလၢအအဲၣ်၀ဲတဖၣ်ဒီး ဆၢထၢၣ်လၢ တၢ်လၢအ၀ဲသ့ၣ်နာ်လၢ အမ့ၢ်၀ဲတီ၀ဲအဂီၢ်န့ၣ်လီၤႉ
ဖဲပှၤတဂၤဂၤ မ့ၢ်ဘၣ်ဟ့ၣ်လီၤကွံာ်အသးသမူလၢ အထံကီၢ်အဂီၢ်န့ၣ် ပ့ှူးထီၣ် လံာ်ယိၤဟၣ် ၁၅း၁၃ လၢအမ့ၢ် ‘‘ပှၤမ့ၢ်ပာ်လီၤကွံာ်အသးသမူလၢ အတံၤသကိးအဂီၢ် ဒီး‚ ပှၤတအိၣ်ဒီး တၢ်အဲၣ်တၢ်ကွံလၢအဒိၣ်န့ၢ် အ၀ဲန့ၣ်နီတဂၤဘၣ်’’ ဖဲတၢ်ခူၣ်လီၤပှၤအံၤအကတီၢ် ဒ်သိးကမၤလၤကပီၤ အ၀ဲအတၢ်လုၢ်ထီၣ်သးန့ၣ်လီၤႉ ဘၣ်ဆၣ်‚ မ့ၢ်တၢ်အိၣ်သးမနုၤလၢအအိၣ်သူၣ်လီၤသးလၢ လံာ်စီဆှံအံၤအလီၢ်ခံန့ၣ်လဲၣ်ႉ
တၢ်ကတိၤအံၤ ဘၣ်တၢ်တဲဖျါထီၣ်အီၤလၢ ကစၢ်ယ့ၣ့်ှှူး‚ ဖဲအအီၣ် ဟါတၢ်အီၣ် လၢခံကတၢၢ်ဒီးအပျဲၢ်အဘီၣ်တဖၣ်ဒီး တၢ်ဆၢကတီၢ်ဘူးထီၣ်လၢကဘၣ် ထီၣ်ဆူ ထူၣ်စုညါအကတီၢ်န့ၣ်လီၤႉ ဒီးအပျဲၢ်တဖၣ်အကျါတဂၤလၢ အမ့ၢ်စီၤယူၤဒၤ‚ ဟးထီၣ်ကွံာ်တကီၢ်ခါ ဆူတၢ်ကဆါလီၤကွံာ်အီၤန့ၣ်လီၤ (၁၃း၁၈-၃၀) ႉ ကစၢ်ခရၠာစးံာ် သ့ၣ်ညါတၢ်အံၤကိးမံၤ‚ ဘၣ်ဆၣ် ဃုထၢထီၣ်လၢ ကလုၢ်ထီၣ်အသးသမူလၢ အတံၤ သကိးဒီး အဒုၣ်အဒါတဖၣ်အဂီၢ်စ့ၢ်ကီးန့ၣ်လီၤႉ
ကစၢ်ယ့ၣ့်ှှူးအသးအိၣ်ဒီး အိၣ်ကတဲာ်ကတီၤအသးလၢ မုၢ်တနံၤန့ၣ် ကဘၣ်တူၢ်သံအသးလၢ ပှၤလၢကစူၢ်က့ၤနာ်က့ၤအီၤတဖၣ်‚ ဒီးပှၤလၢအမ့ၢ်ဒံး ပှၤလၢ ကစူၢ်က့ၤနာ်က့ၤအီၤတဖၣ်‚ တုၤဒၣ်လဲာ်လၢ ပှၤလၢအမ့ၢ်ဒံးအဒုၣ်အဒါတဖၣ် (ရၠာစးိမ့ၤ ၅း၁၀) န့ၣ်လီၤႉ လၢတၢ်အံၤအဃိ‚ အ၀ဲဃ့ အပျဲၢ်အဘီၣ်တဖၣ် (စးထီၣ်ဖဲန့ၣ် ဒီးတုၤ ခဲအံၤ) လၢ ‘ကအဲၣ်လိာ်ကွံလိာ်သးသကိးသကိး’ (ယိၤ ၁၅း၁၂) ဒ်အ၀ဲအဲၣ်ဘၣ် အ၀ဲသ့ၣ် အသိးန့ၣ်လီၤႉ အ၀ဲအတၢ်အဲၣ်လၢအဒိၣ် ဒုးမၤဆၢက့ၤပှၤ ဆူကလုၢ်ထီၣ်ပသးလၢ ပှၤဂုၤပှၤဂၤအဂီၢ် – တံၤသကိးဂ့ၤ‚ ဒုၣ်ဒါဂ့ၤန့ၣ်လီၤႉ