တၢ်သယုၢ်သညိမ့ၢ် တၢ်လၢအမၤပျံၤမၤဖုးတၢ် အဒိၣ်ကတၢၢ်တမံၤလၢ ပသးသမူ အတၢ်ဘၣ်မုာ်ဘၣ်ညီအဂီၢ်လီၤႉ ပမၤဘၣ်ဒိပတၢ်အိၣ်ဆူၣ်အိၣ်ခ@ ခီဖျိ ပလုၢ်လၢ်သကဲာ် ပ၀းတဖၣ်လၢ တၢ်ရၠာစး့လိာ်မုာ်လိာ်မံၣ်ဒယၣ်‚ တၢ်အီၣ်လုၣ်ကိဒီး တၢ်ဂုၤတၢ်ဂၤတဖၣ် န့ၣ်လီၤႉ တၢ်မၤလိကွၢ်တမံၤ ဟ့ၣ်ကူၣ်လၢ ပှၤကူပှၤကညီ သၢပူခံပူဃၣ်ဃၣ် – သး အနံၣ်အလါ မ့တမ့ၢ် မုၣ်ဂ့ၤခွါဂ့ၤ‚ အစှၤကတၢၢ် ကလၢၢ်ဘၣ် တၢ်သယုၢ်သညိလၢ တၢ်ဆၢကတီၢ်တနီၤအပူၤန့ၣ်လီၤႉ အဲကလံးတၢ်ဆါတၢ်ပရၤအကျးဖးဒိၣ်တဖျၢၣ် ဒုးအိၣ်ထီၣ် ‘စီၢ်နီၤခိၣ်လၢ တၢ်ကတိၤသကိးတၢ်တဖၣ်’ လၢအကျးပူၤ‚ ဒ်သိး ကဟ့ၣ်ဂံၢ် ဟ့ၣ်ဘါတၢ်လၢ တၢ်ဘၣ်ထွဲလိာ်သးလၢ ပှၤကူပှၤကညီအဘၢၣ်စၢၤန့ၣ်လီၤႉ ပှၤလၢ အအဲၣ်ဒိးကတိၤတၢ်တဖၣ်‚ ဟဲဆ့ၣ်နီၤဖဲစီၢ်နီၤခိၣ်အံၤလၢ အဘၣ်တၢ်တ့အီၤလၢ တၢ်တိာ်အ၀ဲန့ၣ်‚ ပာ်ဖှိၣ်ထီၣ်သးဒီး ပှၤဂုၤပှၤဂၤ မ့တမ့ၢ် နဲၣ်ဖျါထီၣ် တၢ်ဆၢမုၢ်လၢ်တခါ လၢကပာ်ဖှိၣ်ကတိၤသကိးတၢ်န့ၣ်လီၤႉ တၢ်ကတိၤသကိးတၢ်န့ၣ် မၤပှဲၤ သးအတၢ် ကလၢၢ်ဘၣ်လၢ တၢ်ကဘၣ်ထွဲလိာ်သး ဒီးပှၤတ၀ၢန့ၣ်လီၤႉ
ပှၤကူပှၤကညီလၢတၢ်အိၣ်ဖှိၣ်လၢပျၢၤတဖၣ် အၢၣ်လီၤသကိးအသးလၢ ကဘၣ်ထွဲလိာ်သးစ့ၢ်ကီးန့ၣ်လီၤႉ တၢ်ဘၣ်ထွဲလိာ်သးကဒဲကဒဲတအိၣ်အဃိဒီး အ၀ဲသ့ၣ် ကကလၢၢ်ဘၣ်၀ဲလၢ တၢ်အိၣ်ဘၣ်ထဲတဂၤဧိၤ‚ ဖဲအ၀ဲသ့ၣ်မၤလိ တၢ်စူၢ်တၢ်နာ်လၢ အမ့ၢ်တၢ်အသီလၢဟီၣ်ခိၣ်အံၤန့ၣ်လီၤႉ တမ့ၢ်ထဲလၢ အ၀ဲသ့ၣ်လုၢ်ထီၣ်အသးလၢ ပှၤတၢ်မၢဖိတဖၣ် ‘အတၢ်သိၣ်တၢ်သီ’ လၢ ကမၤလိန့ၢ်တၢ်လၢ တၢ်ပိာ်ခရၠာစးံာ်အခံဘၣ်ႉမ့မ့ၢ်အ၀ဲသ့ၣ်ထံၣ်လိာ်သးလၢ ‘‘တၢ်လုၢ်အဟံၣ်ပူၤ’’ ဒီး ‘‘စိၢ်ဘျဲးကိၣ်လၢ တဟံၣ်ဘၣ် တဟံၣ်အပူၤ လၢတၢ်ကဟ့ၣ်ဂံၢ်ဟ့ၣ်ဘါလိာ်သးကဒဲကဒဲဒီး တၢ်ရၠာစး့လိာ်မုာ်လိာ် အဂီၢ် န့ၣ်လီၤ (မၤတၢ် ၂း၄၂-၄၆) ႉ
ပလိၣ်ဘၣ်တၢ်ဘၣ်ထွဲလိာ်သးဒီး ပှၤကူပှၤကညီကဒဲကဒဲ‚ မ့ၢ်လၢကစၢ်ယွၤ တ့လီၤပာ်လီၤပှၤလၢ တၢ်လိၣ်အံၤအဃိန့ၣ်လီၤႉ တၢ်တူၢ်ဘၣ်တၢ်အကတီၢ်လၢ တၢ်သယုၢ်သညိန့ၣ် နဲၣ်ဖျါထီၣ်တၢ်လိၣ်အ၀ဲအံၤန့ၣ်လီၤႉ ဒ်ပှၤကညီလၢ တၢ်အိၣ်ဖှိၣ်လၢပျၢၤအသိး တၢ်လိၣ်အံၤန့ၣ် မ့ၢ်တၢ်လၢအကါဒိၣ်လၢပဂီၢ် ဒ်သိးကဘၣ်ထွဲတၢ်လၢ တၢ်ရၠာစး့လိာ်မုာ်လိာ်သးလၢအဂ့ၤလၢပဂီၢ် လၢအမ့ၢ်တၢ်လၢအလိၣ်ဒီး လၢကဟ့ၣ်ထီၣ် တၢ်အံၤဆူ ပှၤလၢအအိၣ်လၢပခိၣ်ပဃၢၤလၢ အလိၣ်ဘၣ်တၢ်အံၤစ့ၢ်ကီးန့ၣ်လီၤႉ