တၢ်ကတိၤလၢ ‘‘တဘျီအိၣ်၀ဲန့ၣ်’’ န့ၣ် ကမ့ၢ်တၢ်ကတိၤလၢ အစိကမီၤအဒိၣ်ကတၢၢ် အကျါ လၢဟီၣ်ခိၣ်န့ၣ်လီၤႉ လၢယဖိသၣ်ဆံး အတၢ်တိၢ်နီၣ်အပူၤ‚ တၢ်တဲအဖျၢၣ်တဖၣ် အိၣ်တ့ၢ်ဒံး၀ဲန့ၣ်လီၤႉ ဘၣ်တနံၤ‚ ယမိၢ်ဟဲက့ၤဆူဟံၣ်ဃုာ်ဒီး လံာ်ဖးဒိၣ်တဘ့ၣ် လၢ အကတီၣ်၀ဲလၢ အမ့ၢ်ယပှၤကွၢ်သိလၢအဂ့ၤအပူ‚ လၢအိၣ်ဒီး တၢ်ဂီၤတဖၣ်န့ၣ်လီၤႉ ကိးမုၢ်ဟါတချုးမုၢ်လီၤနုာ်‚ ယ၀ဲၢ်ခွါဒီးယၤ ပဆ့ၣ်နီၤလၢ တၢ်ဆၢမုၢ်လၢ်ဖးဒိၣ်လၢ တၢ်ကနၣ်ဟူဘၣ် ယမိၢ်အတၢ်ဖးန့ၢ်ပှၤပူလၢပျၢၤ‚ လၢအပှဲၤဒီး ပှၤကူပှၤကညီလၢ အလီၤသးစဲတဖၣ်အဂ့ၢ် ဒီး ကစၢ်ယွၤလၢ အအဲၣ်အ၀ဲသ့ၣ်န့ၣ်လီၤႉ ပူတဖၣ်အံၤ‚ ကဲထီၣ် လီခီဆှံလၢ အကၢၤ‚ လၢပကကွၢ်ဟီၣ်ခိၣ်ဖးဒိၣ်တဖျၢၣ်ဒ်လဲၣ်အဂီၢ်န့ၣ်လီၤႉ
မ့ၢ်ပှၤတဲပူလၢ အလီၤဘီလီၤမုၢ်လၢတၢ်ဂ့ၢ်လိာ်ဘှီလိာ်အီၤတသ့၀ဲ န့ၣ်ဧါႉ တၢ်အံၤ မ့ၢ်ဒၣ်ကစၢ်ယ့ၣ့်ှှူးလၢ နစၤရၠာစး့းန့ၣ်လီၤႉ အ၀ဲသ့ၣ်ညါလၢ ပ၀ဲကိးဂၤ ပအဲၣ်ဘၣ်ပူနီၢ်နီၢ်အဃိ‚ အ၀ဲစူးကါတၢ်အဒိအတဲာ်တဖၣ်ဆူ တၢ်ဘၣ်ထွဲ အ၀ဲအတၢ်သးခုကစီၣ်‚ တဘျီန့ၣ် ပှၤအိၣ်၀ဲတဂၤ‚ လၢ ‘အဖှံလီၤတၢ်ချံ လၢဟီၣ်ခိၣ်’ (မၢ်ကူး ၄း၁၆) လၢအမ့ၢ် ‘သဘၣ်ချံ’ (း၃၁) န့ၣ်လီၤႉ လံာ်တၢ်သးခုကစီၣ် စီၤမၢ်ကူး နဲၣ်ဖျါဆှံဆှံလၢ ကစၢ်ယ့ၣ့်ှှူးစူးကါ တၢ်တဲပူတဖၣ်လၢ အ၀ဲအတၢ်ဘၣ်ထွဲလိာ်သးကဒဲကဒဲ ဃုာ်ဒီး ပှၤကူပှၤကညီတဖၣ်လၢ ကိးနံၤ (း၃၄) ‚ ဒ်ကျဲတဘိလၢ ကမၤစၢၤ အ၀ဲသ့ၣ်‚ ကသ့ထီၣ်အါထီၣ်ဟီၣ်ခိၣ်အံၤဆှံဆှံဒီး သ့နၢ်ပၢၢ် ကစၢ်ယွၤလၢ အအဲၣ်အ၀ဲသ့ၣ် လီၤတံၢ်လီၤဆဲး န့ၣ်လီၤႉ
တၢ်အ၀ဲန့ၣ်‚ မ့ၢ်တၢ်လၢအဒုးကူၣ်သ့ တၢ်ဆူတၢ်ကသ့ၣ်နီၣ်ထီၣ်‚ တၢ်လၢ ပဆၢမိၣ်န့ၢ်သးလီဆူ တၢ်ကနီၤဟ့ၣ်တၢ်ဃုာ်ဒီး ပှၤဂုၤပှၤဂၤလၢ ကစၢ်ယွၤ အတၢ် သးခုကစီၣ်လၢ အမ့ၢ်တၢ်သးကညီၤဒီး တၢ်ဘျုးတၢ်ဖှိၣ်န့ၣ်လီၤႉ တၢ်စူးကါပူ မ့ၢ်တၢ်လၢ တၢ်ထီဒါကွံာ်လ့ၤတက့ၤ တသ့၀ဲဘၣ်န့ၣ်လီၤႉ