ဖဲယကနၣ် ပှၤဒ့တနၢ် ကနၣ်တၢ်သံကျံအသီၣ်လၢ အဟဲဟးထီၣ်လၢတနၢ်န့ၣ် ယဆိကမိၣ်ထီၣ်ယဲတၢ်အကတီၢ်တဖၣ် ဖဲယနၢ်ဟူတ့ၢ်ဘၣ်ယဲ တၢ်ဒ့လၢ တနၢ်အံၤလၢ ‘တၠမျၠတ ဃသညခနမအသ’ ဒီး ‘ံသတ ွမနၠအ T့သက ဗမအ’ တၢ်သး၀ံၣ်သ့ၣ်တဖၣ်န့ၣ်လီၤႉ ဘၣ်ဆၣ်‚ အခဲအံၤ တၢ်သံကျံပိးလီအံၤ လိၣ်ဘၣ်၀ဲ တၢ်ကဘၣ်မၤဘၣ်လိာ်က့ၤ တၢ်အသီၣ်န့ၣ်လီၤႉ ဖဲနိးအဖျၢၣ်တနီၤ မ့ၢ်လိၤ၀ဲဘၣ်၀ဲ ဘၣ်ဆၣ်‚ အဂုၤအဂၤတခီ အသီၣ် တတုၤ တၢ်ဘၣ်လိာ်ဘၣ်စးဒီး ဒုးအိၣ်ထီၣ် အကလုၢ် လၢအတမုာ်လီၤႉ ပှၤဒ့တနၢ်လၢ အကနၣ်တၢ်သံကျံအသီၣ်အမူဒါန့ၣ် တမ့ၢ်ထဲ အဒုးမၤဘၣ်လိာ်တၢ်အသီၣ်တမံၤ ဧိၤဘၣ်ႉ မ့မ့ၢ် ဒ်သိးကမၤလီၤတံၢ်နိးတဖျၢၣ်ဘၣ်တဖျၢၣ် အတၢ်သီၣ်လီၤဆီ အတၢ် ဃါဃုာ်‚ ဃုာ်ဒီးနိးအဖျၢၣ်အဂုၤအဂၤဆူ တၢ်ကတ့ထါသး၀ံၣ် အမုာ်တယုၢ်လၢ အဖိးမံလိာ်သးခဲလၢာ်အဂီၢ်န့ၣ်လီၤႉ
လၢတၢ်အိၣ်ဖှိၣ်အပူၤဒၣ်လဲာ်‚ ပကထံၣ်နိးအဖျၢၣ်တဖၣ်လၢ တဘၣ်လိာ်ဖိးဒ့ လိာ်သးန့ၣ်လီၤႉ ပှၤလၢအအိၣ်ဒီး တၢ်တိာ် မ့တမ့ၢ် တၤလၣ်လီၤဆီတဖၣ်‚ ဒုးအိၣ်ထီၣ် တၢ်အသီၣ်လၢ အဆူၣ်လၢအတမုာ်တလၤတမံၤ ဖဲအ၀ဲသ့ၣ်ပာ်ဖှိၣ်ထီၣ်အသးဒီး ပှၤဂုၤ ပှၤဂၤန့ၣ်လီၤႉ ဖဲကလၤတံအဆၢဒိၣ် ၅ အပူၤ‚ စီၤပီလူး ဃ့ကညး ပှၤစူၢ်က့ၤနာ်က့ၤတၢ် တဖၣ်လၢ ကဃၣ်ကွံာ်သးလၢတၢ်ထီဒုၣ်ထီဒါ‚ တၢ်အ့ၣ်လိာ်ဆိးက့လိာ်‚ တၢ်ခိးထဲသိး လိာ်အသး‚ တၢ်သူၣ်ဒိၣ်သးဟ့‚ ႉႉႉ တၢ်စုတလီၤဃုာ်ဘၣ်’’ လၢအမ့ၢ်တၢ်ကမၤဟးဂီၤတၢ်ရၠာစး့လိာ်မုာ်လိာ်သးဒီးယွၤ မ့တမ့ၢ် တၢ်ဘၣ်ထွဲလိာ်သးဒီး ပှၤဂုၤပှၤဂၤတဖၣ်န့ၣ်လီၤႉ စီၤပီလူး လဲၤကဒီးဆူညါ ဒ်သိးကဟ့ၣ်ဂံၢ်ဟ့ၣ်ဘါပှၤ လၢပကဖိးဟု သးအတၤသၣ်တဖၣ် လၢအမ့ၢ်‚ ‘တၢ်အဲၣ်တၢ်ကွံ‚ တၢ်သူၣ်ခုသးခု‚ တၢ်ဃူတၢ်ဖိး‚ တၢ်၀ံသးစူၤ‚ တၢ်သူၣ်စူၤသးစူၤ‚ တၢ်မၤဂ့ၤတၢ်‚ တၢ်စူၢ်တၢ်နာ်‚ တၢ်ဆီၣ်လီၤပသး‚ တၢ်ကီၤသူၣ်ကီၤသး တဖၣ်န့ၣ်လီၤ’’ (း၂၀‚ ၂၂-၂၃) ႉ
ဖဲပမ့ၢ်မူလၢသး‚ ပကထံၣ်လၢ တၢ်အံၤညီ၀ဲဆူ တၢ်ကဟးဆှဲး တၢ်သဘံၣ်ဘုၣ် လၢအတလိၣ်၀ဲတဖၣ်လၢ တၢ်ဂ့ၢ်လၢ အတလိၣ်၀ဲတဖၣ်န့ၣ်လီၤႉ ပမ့ၢ်သးအိၣ် ပာ်ဒိၣ်ထဲ တၢ်လၢပတိာ်အဃိ‚ တၢ်အံၤကကဲထီၣ် တၢ်လၢအကါဒိၣ်န့ၢ်ဒံး ပတၢ်လီၤဆီလိာ်သးတဖၣ်န့ၣ်လီၤႉ ဃုာ်ဒီးကစၢ်ယွၤ အတၢ်မၤစၢၤ ပ၀ဲတဂၤစုာ်စုာ် ပဒိၣ်ထီၣ်ကသ့၀ဲလၢ တၢ်ဘျုးတၢ်ဖှိၣ်ဒီး တၢ်ဃူတၢ်ဖိး ဒ်ပပၢၤဃာ်ပသး‚ ဒ်လၢတၢ်သီၣ်တယုၢ်ဃီဒီးအီၤ န့ၣ်လီၤႉ