လၢယွၤအတၢ်ဆၢကတီၢ်အပူၤ‚ ပဖိခွါကိၣ်ဖံၣ်မ့ၢ် ပှၤလၢအဟဲအိၣ်ဖျဲၣ်ထီၣ်လၢ မုၢ်ယဲၢ်နံၤ‚ လၢအမံၤအခီပညီအလီၤတံၢ်လီၤဆဲး မ့ၢ်ဖိခွါလၢ အအိၣ်ဖျဲၣ်လၢ မုၢ်ယဲၢ်နံၤ န့ၣ်လီၤႉ ပယုၢ်န့ၢ်အီၤလၢမံၤအ၀ဲအံၤ မ့ၢ်ပတံၤသကိး တၢ်အိၣ်ဖှိၣ်သရၠာစးၣ်လၢကီၢ်ကၣ်နၤ လၢ အကွၢ်ဆၢၣ်မဲာ်ဘၣ် ဖိခွါထဲတဂၤဧိၤလၢ အသံကွံာ်န့ၣ်အမံၤန့ၣ်လီၤႉ အ၀ဲဃ့ ထုကဖၣ်ထီဘိလၢ ပဖိခွါကိၣ်ဖံၣ်အဂီၢ်လီၤႉ ပဟ့ၣ်စ့ၢ်ကီး တၢ်ယူးယီၣ်ယိာ်ယိာ်လီၤႉ
တၢ်အံၤညီဒိၣ်မးလၢ တၢ်ကလဲၤပူၤကွံာ် မံၤလၢအကါဒိၣ်ကတၢၢ်တဖျၢၣ်‚ ဖဲလၢ ပမ့ၢ်တသ့ၣ်ညါ တၢ်ဂ့ၢ်လၢအသူၣ်လီၤသးလၢတၢ်အံၤအလီၢ်ခံန့ၣ်လီၤႉ လၢလူၤကၣ် ၃ အပူၤ ပထံၣ်ဘၣ် မံၤလၢအထုးသူၣ်ထုးသးတဖျၢၣ်လၢ စီၤယိၤသးအတၢ်ဟဲလီၤစၢၤ လီၤသွဲၣ်အပူၤန့ၣ်လီၤႉ ဖဲပဃုကွၢ်က့ၤ တဆီဘၣ်တဆီ‚ စီၤယိၤသး အတၢ်ဟဲလီၤစၢၤ လီၤသွဲၣ်ခဲလၢာ်‚ က့ၤတုၤဆူ အၤဒၣ် ဒီးတုၤဒၣ်လဲာ်လၢ ကစၢ်ယွၤန့ၣ်လီၤ (း၃၈) ႉ ဖဲ အဆၢဖိ ၃၁ အပူၤ‚ ပဖးဘၣ် ‘‘ႉႉႉ စီၤနၤသၣ်အဖိခွါ‚ စီၤဒၤ၀ံးအဖိခွါ’’ လီၤႉ စီၤနၤသၣ် မ့ၢ် မတၤလဲၣ်ႉ တၢ်အံၤမ့ၢ်တၢ်လၢ အလီၤသးစဲလီၤႉ လၢ ၁ ကွဲးနီၣ်တၢ် ၃း၅ အပူၤ‚ ပမၤလိန့ၢ်ဘၣ်လၢ စီၤနၤသၣ်အံၤ‚ ဘၣ်တၢ်ဆံးစၢ်အီၤလၢ နီၢ်ဘၤသဒီးဘၤန့ၣ်လီၤႉ
တၢ်အံၤမ့ၢ်တၢ်ဘၣ်ဆၢၣ်ဘၣ်တီၤလၢစီၤဒၤ၀ံးယုၢ်န့ၢ် ဖိခွါလၢဘၣ် တၢ်ဆံးစၢ်အီၤ လၢနီၢ်ဘၤသဒီးဘၤန့ၣ်ဧါႉ ကွၢ်ဆိကမိၣ်ကဒါက့ၤ တၢ်ဂ့ၢ်တၢ်ကျိၤတက့ၢ်ႉ နီၢ်ဘၤသဒီးဘၤ တဆိကမိၣ်ထီၣ်လၢ ကကဲထီၣ် စီၤဒၤ၀ံးအမါန့ၢ်ဘၣ်ႉ စီၤနၤသၣ် အဂၤတဂၤ မ့ၢ်၀ံနၤသၣ်လၢ အဆၢထၢၣ်ဒူဒူလၢ စီၤပၤအမဲာ်ညါလၢ အစူးကါအစိကမီၤဆူ တၢ်ကဟံးန့ၢ်ခွဲးယာ်လၢ နီၢ်ဘၤသဒီးဘၤဒီး မၤသံကွာ်အ၀ၤလီၤ (၂ ့ှှမူၤ ၁၂) ႉ
စီၤဒၤ၀ံးတူၢ်လိာ် ၀ံအတၢ်ဒုးနဲၣ်ဖျါထီၣ် အတၢ်လီၤဖျဲၣ်လီဟိ ဒီးပီၢ်ယၢ်လီၤက့ၤ အသး လၢအတၢ်ထီဒုၣ်ဒါတၢ်လၢအလီၤပျံၤလီၤဖုးတဖၣ်လီၤႉ ဃုာ်ဒီး တၢ်အကတီၢ်လၢတၢ်ယါဘျါ‚ အ၀ဲကယုၢ်န့ၢ်ကဒါက့ၤအဖိခွါအမံၤလၢ စီၤနၤသၣ်န့ၣ်လီၤႉ တၢ်ဘၣ်ဘျိး ဘၣ်ဒါထဲလဲၣ်လၢ တၢ်အံၤ မ့ၢ်နီၢ်ဘၤသဒီးဘၤအဖိခွါ‚ လၢအကဲထီၣ်ပှၤတဂၤလၢ စီၤယိၤသးဟဲလီၤစၢၤလီၤသွဲၣ်‚- စီၤယိၤသး လၢအမ့ၢ်ကစၢ်ယ့ၣ့်ှှူးအပၢ် လၢဟီၣ်ခိၣ် (လူၤ ၃း၂) န့ၣ်လီၤႉ
လၢလံာ်စီဆှံအပူၤ‚ ပပၢၤဃာ် တၢ်ဃုထံၣ်န့ၢ် ယွၤအဘျုးလၢ အတုၤဃီၤဆူတၢ်ကိးမံၤ‚ တုၤဒၣ်လဲာ် မံၤလၢတၢ်တဖးထီၣ်ညီနုၢ်လၢ တၢ်လီၤစၢၤလီၤသွဲၣ်အပူၤ န့ၣ်လီၤႉ ယွၤအဘျုးအဖှိၣ်အံၤ‚ အိၣ်လၢတၢ်လီၢ်ကိးပူၤဒဲးန့ၣ်လီၤႉ