အ၀ဲသ့ၣ်ဘှီလီၤဒါလီၤကဒီးက့ၤကျဲအံၤလီၤႉ ယဆိကမိၣ်ထီၣ်က့ၤယကစၢ်ဒၣ်ယဲ ဖဲသိလ့ၣ်လဲၤတၢ်ကယီကယီန့ၣ်လီၤႉ အခဲအံၤ‚ အ၀ဲသ့ၣ် မၤလီၤပှီၢ်က့ၤကဒီး တၢ် တဘျီလီၤႉ ၀ံၤယကမၢကမၣ်လၢ‚ ဘၣ်မနုၤပှၤဘှီကျဲတဖၣ်အံၤ‚ တမၤတၢ်အံၤနီတစု ဘၣ်န့ၣ်လဲၣ်ႉ ယအဲၣ်ဒိးစံးလၢ‚ ယတထံၣ်ဘၣ်ယဲနီတစုလၢ တၢ်ကွဲးပနီၣ်လၢ ‘‘ပှၤဘှီကျဲခီပနံၣ် မၤတၢ်အံၤ၀ံၤလံႉ ၀ံသးစူၤလဲၤတၢ်က့ၤတၢ်မုာ်မုာ်တက့ၢ်’’ န့ၣ်ဘၣ်ႉ
ဘၣ်ဆၣ်တဘျီဘျီ တၢ်အံၤလီၤပလိာ်ဒီး မ့ၢ်၀ဲတီ၀ဲလၢယနီၢ်သးအတၢ်မူအပူၤ န့ၣ်လီၤႉ လၢယစူၢ်သီနာ်သီတၢ်အကတီၢ်‚ ယဆိကမိၣ်ထီၣ်လၢ တၢ်ဒိၣ်တုာ်ခိၣ်ပှဲၤ တကတီၢ်လၢ တၢ်အက့ၢ်အဂီၤလၢယထိၣ်ဒွးကမ့ၢ်ဖဲ ‘တၢ်လဲၤကျဲဘ@ဘ@ဆှီဆှီ’ န့ၣ်လီၤႉပူၤကွံာ်လၢခံအနံၣ်သၢဆံ‚ ယအၢၣ်လီၤလၢ ယအိၣ်ဒံးဒၣ်လၢ ‘တၢ်တလၢတပှဲၤဒံး’ န့ၣ် လီၤႉ ဒ်ကျဲလၢ ယနီၣ်သိလ့ၣ်ခဲအံၤအသိး‚ ဖျါလၢ ယတတုၤဒံးလၢ တၢ်အပတီၢ်လၢ ‘‘တၢ်ဘှီ၀ံၤလံ’’ စ့ၢ်ကီးန့ၣ်လီၤႉ တဘျီဘျီ အ၀ဲန့ၣ် ယကလၢၢ်ဘၣ်အီၤ ပှဲၤသိးဒီး တၢ်သဘံၣ်ဘုၣ်န့ၣ်လီၤႉ
ဘၣ်ဆၣ်‚ လံာ်ဧ့ၤ့ဘံၤပာ်ဖျါထီၣ် တၢ်အၢၣ်လီၤလၢ အလီၤလးတမံၤန့ၣ်လီၤႉ ဖဲအဆၢဖိ ၁၄ စံး၀ဲလၢ ‘‘မ့ၢ်အပာ်ထီၣ်တၢ်တဘျီဒီး‚ မၤလၢထီၣ်ပှဲၤထီၣ်လံထီဘိ ပှၤလၢ တၢ်မၤစီဆှံအီၤတဖၣ်န့ၣ်လံ’’ႉ တၢ်လၢကစၢ်ယ့ၣ့်ှှူးမၤတ့ၢ်၀ဲလၢ သ့ၣ်ဖျၢၣ်ထူၣ်စုညါ လိၤ‚ အုၣ်က့ၤခီၣ်က့ၤပှၤလံႉ မ့ၢ်အလၢအပှဲၤလီၤႉ လၢလၢပှဲၤပှဲၤလီၤႉ လၢကစၢ်ယွၤ‚ အမဲာ်ချံ ပမ့ၢ်ပှၤလၢ အလၢပှဲၤဒီးတၢ်သူၣ်ထီၣ်ဘှီထီၣ်အီၤ၀ံၤလံႉ ဘၣ်ဆၣ်‚ တၢ်လဲၤ အသးတဆီဘၣ်တဆီ‚ တ၀ံၤတကဲဒံး ဖဲပမူလၢ ဟီၣ်ခိၣ်အံၤကတီၢ်န့ၣ်ဘၣ်ႉ ပကဘၣ် တၢ်သိပှၤဘှှီပှၤလၢ တၢ်ကလီၤဂာ်ဒီးခရၠာစးံာ်‚ ဒီးပဘၣ်တၢ်မၤစီဆှံဒံးပှၤလီၤႉ
မုၢ်တနံၤ‚ ပကထံၣ်လိာ်ပသးဒီးအီၤလၢ မဲာ်သကိးမဲာ်ဒီး ဖဲန့ၣ် ပကလီၤဂာ် ဒီးအီၤလီၤ (၁ ယိၤ ၃း၂) ႉ ဘၣ်ဆၣ်‚ တချုးလၢ တၢ်အကတီၢ်အ၀ဲန့ၣ်‚ ပအိၣ်ဒံးလၢ ‘တၢ်တလၢတပှဲၤ’’‚ ပှၤဂီၢ်မုၢ်လၢအအိၣ်ခိးတၢ်လၢ တၢ်သူၣ်ကိၢ်သးဂီၤလၢ တၢ်လၤကပီၤအနံၤ ကဟဲတုၤ ဖဲတၢ်မၤတၢ်လၢပပူၤအံၤ ကလၢပှဲၤ၀ဲနီၢ်နီၢ်န့ၣ်လီၤႉ