ဖဲယတၢ်အိၣ်ဖှိၣ်သရၠာစးၣ် သံကွၢ် ပတၢ်မၤလိလံာ်စီဆှံအတီၤလၢ တၢ်သံကွၢ်အကီခဲတထံၣ် လၢအမ့ၢ်ယ့ၣ့်ှှူးအသးသမူ‚ ယယူာ်ထီၣ်ယဲယစုထီဘိန့ၣ်လီၤႉ ယဖးတ့ၢ် တၢ်ဂ့ၢ်အံၤအဃိ ယသ့ၣ်ညါတၢ်စံးဆၢအံၤန့ၣ်လီၤႉ ဒီးယသးအိၣ်လၢ ပှၤလၢအအိၣ်လၢယတီၤပူၤတဖၣ်လၢ ကသ့ၣ်ညါလၢ ယတၢ်သ့ၣ်ညါအံၤ စ့ၢ်ကီးန့ၣ်လီၤႉ လၢန့ၣ်အမဲာ်ညါ‚ ယမ့ၢ်စ့ၢ်ကီးသရၠာစးၣ်လၢ အသိၣ်လိလံာ်စီဆှံ ဒီး ခီဖျိလၢတၢ်သံကွၢ်အကီအခဲအံၤ အဃိ‚ ယကဘၣ်မဲာ်ဆှးလၢ ယစံးဆၢဂ့ၤဂ့ၤတသ့န့ၣ်လီၤႉ အခဲအံၤ‚ ယမဲာ်ဆှးလၢ ယ တၢ်ဘၣ်ယိာ်လၢ ယကဘၣ်တၢ်မဲာ်ဆှးန့ၣ်လီၤႉ လၢတၢ်အံၤအဃိ‚ ယပာ်လီၤယစုလၢ ယယူာ်ထီၣ်အံၤလီၤႉ မ့ၢ်ယမ့ၢ်ပှၤလၢအတနာ်န့ၢ်လီၤသးလၢ တၢ်ကစံးဆၢတၢ်အံၤ န့ၣ်ဧါႉ
ဘျၢတၢ်စီၤယိၤဟၣ်စ့ၢ်ကီး ပာ်ဖျါထီၣ်ကျဲလၢ အဂ့ၤဒိၣ်တခါန့ၣ်လီၤႉ ဖဲအပျဲၢ် အဘီၣ်တဖၣ် ကဒူးကဒ့ၣ်တၢ်လၢ ပှၤဂီၢ်မုၢ်တဖၣ်‚ စးထီၣ် ဟးဖးကွံာ်အီၤ ဒီးပိာ်ကစၢ် ယ့ၣ့်ှှူးအခံန့ၣ် စီၤယိၤဟၣ်စံးလၢ အ၀ဲအသးခုလၢ အနၢ်ဟူဘၣ်တၢ်အံၤန့ၣ်လီၤႉ အ၀ဲ မ့ၢ်ထဲဒၣ် ပှၤလၢကဆှၢဆိတၢ်ကစီၣ်ဧိၤန့ၣ်လီၤႉ ‘‘ႉႉႉ ယဲဒၣ်အံၤ‚ ယတမ့ၢ်ဘၣ်ခရၠာစးံာ်ဘၣ်ႉ မ့ၢ်လၢတၢ်မၢယဟဲလၢအမဲာ်ညါလီၤႉႉႉ အ၀ဲဒၣ်န့ၣ် ဘၣ်အါထီၣ်လီၤႉ မ့မ့ၢ်ယဲဒၣ်အံၤ‚ ယဘၣ်စှၤလီၤလီၤ’’ (၃း၂၈-၃၀) ႉ စီၤယိၤဟၣ် သ့ၣ်ညါထံ အ၀ဲအတၢ်အိၣ်သးအံၤ မ့ၢ်ဒၣ်လၢ ကပာ်ဖျါထီၣ်‚ တဲဖျါထီၣ်ကစၢ်ယ့ၣ့်ှှူးန့ၣ်လီၤႉ ကစၢ်ယ့ၣ့်ှှူးမ့ၢ် ‘‘ပှၤဟဲလီၤ လၢထး’’ ဒီး ‘‘အိၣ်လၢတၢ်ခဲလၢာ်အဖီခိၣ်’’ (း၃၁) ႉ ယွၤအဖိခွါလၢ ကဟဲလီၤဒီးဟ့ၣ်လီၤအသးသမူလၢပဂီၢ်န့ၣ်လီၤႉ အ၀ဲ့ကၢးဒိးန့ၢ် တၢ်လၤကပီၤ ဒီးတၢ်မံၤဟူသၣ်ဖျါကိးမံၤ ဒဲးန့ၣ်လီၤႉ
တၢ်တိာ်လၢ တၢ်ကမၤလၤမၤကပီၤလီၤပသးန့ၣ် မ့ၢ်တၢ်လၢကမၤဒံ၀့ၤဒံ၀ီၤပှၤ လၢပကစၢ်အပူၤန့ၣ်လီၤႉ ဒီးမ့ၢ်လၢ အ၀ဲမ့ၢ် ပပှၤအုၣ်က့ၤခီၣ်က့ၤတၢ်ထဲတဂၤဧိၤဒီး မ့ၢ်စ့ၢ်ကီးတၢ်မုၢ်လၢ်ထဲတမံၤဧိၤလၢ ဟီၣ်ခိၣ်အဂီၢ်အဃိ တၢ်ဟုၣ်န့ၢ်မံၤဂ့ၤသၣ်ဂ့ၤလၢ အီၤန့ၣ် ကကတၢၢ်ကွံာ်လၢ တၢ်မၤဘၣ်ဒိဘၣ်ထံးက့ၤ ပှၤန့ၣ်လီၤႉ
မ်ပကဟးထီၣ်ကွံာ်လၢ တၢ်သးအိၣ်ပာ်လၤပာ်ကပီၤပသးလၢ ကမၤကဒု ကယီၢ် ကစၢ်ယ့ၣ့်ှှူးအက့ၢ်အဂီၤန့ၣ်တက့ၢ်ႉ တၢ်အံၤ မ့ၢ်တၢ်အဂ့ၤကတၢၢ်လၢ ယွၤ အဂီၢ်‚ လၢဟီၣ်ခိၣ်အဂီၢ်ဒီးလၢပဂီၢ်န့ၣ်လီၤႉ