ပှၤမၤထူၣ်ဖျဲးပှၤဂုၤပှၤဂၤတဖၣ် ထံၣ်န့ၢ်တၢ်ထုကဖၣ် အလံာ်ခီလၢ အဘၣ်တၢ်ကွဲးတ့ၢ်‚ ဖဲ ‘နၣ်စံၣ် ဒဲက၀ီၤ’ လၢတၢ်မၤသံမၤ၀ီတၢ်အလီၢ်လၢ အမၤသံကွံာ် ပိာ်မုၣ် ၅၀‚၀၀၀ ဃၣ်ဃၣ်‚ ‘‘အိ‚ ကစၢ်သးဘိဧၢ‚ သ့ၣ်နီၣ်ထီၣ်ဘၣ် ပိာ်မုၣ်ဂ့ၤပိာ်ခွါဂ့ၤ လၢအတၢ်ပာ်သူၣ် ပာ်သးလၢအဂ့ၤမ့ၢ်ဂ့ၤ‚ လၢအအၢမ့ၢ်ဂ့ၤတက့ၢ်ႉ ဘၣ်ဆၣ်‚ တဘၣ်သ့ၣ်နီၣ်ထီၣ် တၢ်လၢ အမၤဘၣ်၀ဲလၢပဖီခိၣ်တဖၣ်တဂ့ၤႉ သ့ၣ်နီၣ်ထီၣ် တၤသၣ်လၢအမ့ၢ် တၢ်စံးဘျုး ဖဲပတူၢ်ဘၣ်တၢ်အကတီၢ်လၢအမ့ၢ် ပသးတဖျၢၣ်ဃီ‚ ပတၢ်သူၣ်တီသးရၠာစးၤ‚ ပတၢ်ဆီၣ်လီၤပသး‚ တၢ်သးဒူ‚ တၢ်သူၣ်အိၣ်သးအိၣ်ဒီး သးလၢအအဲၣ်တၢ်ကွံတၢ်လၢ အဟဲလၢ ပတူၢ်ဘၣ်တၢ်အကတီၢ်န့ၣ်တက့ၢ်ႉ ဒီးဖဲအ၀ဲသ့ၣ်မ့ၢ်ဘၣ်တၢ်စံၣ်ညီၣ်‚ မ်တၤသၣ်လၢအသၣ်ထီၣ် လၢပပူၤ‚ ဒုးအိၣ်ထီၣ် တၢ်ပျၢ်အ၀ဲသ့ၣ်အတၢ်ကမၣ် န့ၣ်တက့ၢ်’’ႉ
ယဆိကမိၣ်ထီၣ် တၢ်ပျံၤတၢ်ဖုးဒီး အတၢ်တူၢ်ဘၣ်လၢ ပိာ်မုၣ်လၢ အကွဲးလီၤ တၢ်ထုကဖၣ်အံၤအဂ့ၢ်တသ့ဘၣ်ႉ ယဆိကမိၣ်ယဲတတုာ်စ့ၢ်ကီးလၢ လံာ်မဲာ်ဖျၢၣ်လၢ အကွဲးလီၤ၀ဲတဖၣ် မ့ၢ်တၢ်ဘျုးတၢ်ဖှိၣ်အလံာ်မဲာ်ဖျၢၣ်‚ လၢမ့ၢ်အကွဲးထီၣ်၀ဲန့ၢ်သ့ဒ်လဲၣ် န့ၣ်လီၤႉ အ၀ဲမၤတ့ၢ်တၢ်လၢ ပဆိကမိၣ်ထီၣ်ဒၣ်လဲာ်တန့ၢ်လၢ အမ့ၢ်‚ တၢ်ဃုထံၣ် ကစၢ်ယွၤ အတၢ်ပျၢ်တၢ်ကမၣ်လၢ ပှၤလၢအမၤဆါအီၤတဖၣ်အဂီၢ်န့ၣ်လီၤႉ
တၢ်ထုကဖၣ်အံၤ မ့ၢ်တၢ်လၢအသီၣ်ကဒါက့ၤ ခရၠာစးံာ်အတၢ်ထုကဖၣ်န့ၣ်လီၤႉ ဖဲပှၤပာ်တၢ်ကမၣ်အီၤ တၢ်နံၤဘၣ်ဖၣ်လဲ‚ တၢ်ဒိတၢ်တီၢ် ဒီးတၢ်မၤမဲာ်ဆှးအီၤ လၢကမျၢၢ် အမဲာ်ညါ၀ံၤ ယ့ၣ့်ှှူး ဘၣ်တၢ်‘‘ပျၤထီအီၤဖဲန့ၣ်‚ ဃုာ်ဒီးပှၤမၤအၢတၢ်ခံဂၤ ႉႉႉ လၢထူၣ်စုညါ အလိၤလီၤ’’ (လူၤ ၂၃း၃၃) ႉ တၢ်ပျၤထီအမိၢ်ပှၢ်လၢ အဘၣ်တၢ်ဒိတၢ်တီၢ်နးနးကျံၤကျံၤ ဒီးတၢ်ဘၣ်သါသဖှိလၢထးခိၣ် ဃုာ်ဒီး ထူၣ်စုညါလၢအတဘ@တဆှီတကျီၣ်‚ ယအဲၣ်ဒိး လၢ ကစၢ်ယ့ၣ့်ှှူးကကိးသBတီထီၣ်တၢ်စံၣ်ညီၣ်လၢ ပှၤလၢအမၤအၢမၤနးအီၤအလိၤ ကဃုထံၣ်တၢ်စံၣ်ညီၣ်က့ၤ ပှၤလၢအမၤအၢမၤနးအီၤ‚ မ့တမ့ၢ် လၢယွၤ အတၢ်တီတၢ်လိၤ အကျဲန့ၣ်လီၤႉ ဘၣ်ဆၣ်‚ ကစၢ်ယ့ၣ့်ှှူး ဃ့ထုကဖၣ်တၢ်ထုကဖၣ်လၢ အထီဒါလိာ်သးဒီး ပှၤကူပှၤကညီ အတၢ်အိၣ်သးလၢ အမ့ၢ် ‘‘ပၢ်ဧၢ‚ ပျၢ်အတၢ်ဒဲးဘးတက့ၢ်ႉ အဂ့ၢ်ဒ်အံၤ‚ မ့ၢ်အမၤ၀ဲဒ်လဲၣ်ဒ်လဲၣ်န့ၣ်‚တသ့ၣ်ညါဘၣ်’’ (း၃၄) န့ၣ်လီၤႉ
ဖျါလၢတၢ်ပျၢ်တၢ်ကမၣ်လၢ ကစၢ်ယ့ၣ့်ှှူးဟ့ၣ်ထီၣ်၀ဲအံၤ‚ ကဲထီၣ်တသ့ ဘၣ်ဆၣ်‚ ကစၢ်မၤတၢ်အံၤဆူပအိၣ်န့ၣ်လီၤႉ လၢကစၢ်အဘျုးအဖှိၣ်အပူၤ‚ တၢ်ပျၢ် တၢ်ကမၣ်လၢ အကဲထီၣ်၀ဲတသ့ ဒံကွံာ်ဒံဖျိးခဲလၢာ်လီၤႉ