တၢ်အံၤမ့ၢ်ဂီၤခံနၣ်ရၠာစးံၣ်ကတီၢ်‚ ဖဲ နၣ်ဒံၢ်ယၣ် ပှၤဘုၣ်တၢ်ဖိတဂၤလၢ အဘုၣ်ပီၣ်လဲၣ် တၢ်ဖိဃၢ် (ပင်လယ်ခူ) တဖၣ်‚ လၢပီၣ်လဲၣ်ကပၤလၢအဘူးဒီးအသ၀ီ မဲးဒၣ်ကဲးစ်ကၣ် လၢကဖီၣ်က့ၤ တၢ်ဖိဃၢ်လၢ အဘုၣ်၀ဲတဖၣ်န့ၣ်လီၤႉ တၢ်အကတီၢ်လၢအဆိတမံၤ တမၤတံာ်တာ်အသးဘၣ်ႉ အ၀ဲစံးလၢ‚ ‘‘သးသမူ မ့ၢ်တၢ်လၢအကီခဲ တချုးဖဲယစးထီၣ် ဘုၣ်တၢ်အံၤန့ၣ်လီၤႉ ယတအိၣ်ဒီး တၢ်ဂံၢ်ထံးနီတမံၤလၢ စ့ကဟဲနုာ်န့ၣ်ဘၣ်ႉ အခဲအံၤ‚ ဒ်ကရၠာစးၢဖိတဂၤလၢ တၢ်ဒီတဒၢတၢ်ဖိဃာ်လၢပီၣ်လဲၣ် အတၢ်ရၠာစးဲၣ်တၢ်ကျဲၤအတၢ်ကိးလၢ အမ့ၢ် ဘဲလိၣ်ဒၢၣ်ရၠာစးံၣ်ယ့း‚ လၢအခီပညီမ့ၢ် ‘တၢ်မူဃုာ်ဒီးပီၣ်လဲၣ်’ န့ၣ် နၣ်ဒံၢ်ယၢ် ထံၣ်ဘၣ် စ့ဟဲနုာ်အါထီၣ်၀ဲဒီး စံး၀ဲ ‘‘ပစံးဘျုးယွၤလၢတၢ်တိာ်ကျဲၤအံၤ ဟဲအိၣ်ထီၣ်အဃိလီၤ’’ႉ
တၢ်ဖိဃၢ်သ့ၣ်ဖၣ်အံံၤ မ့ၢ်၀ဲကစၢ်ယွၤအတၢ်ဘၣ်တ့လၢ ကမၤပှဲၤ တၢ်မူသ့ၣ် တဖၣ်လၢ အိၣ်မူ၀ဲလၢပီၣ်လဲၣ်ပူၤ အတၢ်လိၣ်တဖၣ်အဂီၢ် န့ဆၢၣ်တၢ်မၤစၢၤဆီၣ်ထွဲ လၢဒိၣ်ဒိၣ်မုာ်မုာ်န့ၣ်လီၤႉ တၢ်ဖိဃၢ်အံၤမ့ၢ်တၢ်လိၣ်၀ဲနီၢ်နီၢ်လၢ တၢ်ရၠာစးဲၣ်တၢ်ကျဲၤအံၤ အဂီၢ် စ့ၢ်ကီးန့ၣ်လီၤႉ လၢတၢ်စံးထီၣ်ပ့တၢၤလၢကစၢ်ယွၤလၢအမၤပှဲၤတၢ်န့ၣ် ပှၤကွဲးထါစံးထီၣ်ပ့တၢၤ ကွဲးဖျါထီၣ်လၢ ‘‘ဒီးဒုးမဲထီၣ်နီၢ်ဧိၤမံၤဧိၤလၢ ဆၣ်ဖိကီၢ်ဖိအဂီၢ်‚ ဒီးဘုဧိၤ ဟုဧိၤလၢ ပှၤကညီမၤတၢ်အဂီၢ်‚ ဒ်သိးအကဒုးဟဲထီၣ် တၢ်အီၣ်လၢ ဟီၣ်ခိၣ်လီၤ’’ (စံး ၁၀၄း၁၄) ႉ ဒ်န့ၣ်အသိး‚ ‘‘အိၣ်ဒံးဒီးပီၣ်လဲၣ်ႉႉႉ ဖဲန့ၣ် ကဘီတဖၣ်လဲၤတၢ်လီၤႉ သမၣ်လၢ နတ့လီၤအီၤ ဒ်သိးအကလိာ်ကွဲ၀ဲလၢအပူၤန့ၣ် အိၣ်၀ဲလီၤ (း၂၅-၂၆) ႉ
တၢ်အံၤမ့ၢ်နီၢ်နီၢ် တၢ်လၢအလီၤလးလၢ ကစၢ်ယွၤတ့လီၤတၢ်လၢအမၤပှဲၤ၀ဲ လၢပဂီၢ်ဒ်လဲၣ်န့ၣ်လီၤႉ အဒိ‚ ဒ်ပီၣ်လဲၣ်အတၢ်ဖိဃၢ်မၤစၢၤတၢ်လၢ တၢ်အီၣ်န့ၢ်ဂံၢ်န့ၢ်ဘါ န့ၣ်လီၤႉ လၢတၢ်ဖီၣ်က့ၤတၢ်ဖိဃၢ်အံၤ‚ လၢကျဲအဂၤတဘိ မၤစၢၤနၣ်ဒံၢ်ယၣ် ဒီးပှၤလၢ အခိၣ်အဃၢၤတဖၣ် အတၢ်အီၣ်ဘၣ်အီဘၣ်အကျဲန့ၣ်လီၤႉ
တၢ်လၢ တၢ်စူးကါအီၤတသ့ တအိၣ်၀ဲနီတမံၤလၢ ကစၢ်ယွၤအတၢ်ဘၣ်တ့ အပူၤန့ၣ်ဘၣ်ႉ အ၀ဲစူးကါတၢ်ကိးမံၤလၢ အလၤကပီၤအဂီၢ်ဒီး တၢ်လၢအဂ့ၤလၢပဂီၢ် လီၤႉ လၢတၢ်အံၤအဃိ‚ ပှၤကွဲးထါစံးထီၣ်ပ့တၢၤယၢၤထီၣ်လၢ ‘ယသးသမူ အဖၢမုၢ်ဒီး‚ ယကစံးထီၣ်ပ့တၢၤယွၤ‚ ယအိၣ်ဒံးအဖၢမုၢ်ဒီး ယကသး၀ံၣ် ယကစၢ်လီၤ’ (း၃၃) ႉ တနံၤအံၤ‚ ပ၀ဲစ့ၢ်ကီး ပစံးထီၣ်ပ့တၢၤအီၤသ့ ဒ်အ၀ဲလူလီၤဂာ်လီၤ တၢ်ကိးမံၤလၢ ကမၤပှဲၤတၢ်လၢ ပလိၣ်ဘၣ်အီၤတဖၣ်န့ၣ်လီၤႉ