ဘၣ်တနံၤ‚ မိၢ်တဂၤဒီးအဖိမုၣ်ဆံးဖိ ဆ့ၣ်နီၤလၢ တၢ်ဘါသရၠာစးိာ်လီၢ်ဆ့ၣ်နီၤန့ၣ်လီၤႉ လၢတၢ်ဘူၣ်တၢ်ဘါကတီၢ်န့ၣ် ဟ့ၣ်ထီၣ်တၢ်ခွဲးတၢ်ယာ်ဆူကမျၢၢ် ဒ်သိးကဒိးန့ၢ် တၢ်ပျၢ် တၢ်ကမၣ်လၢယွၤန့ၣ်လီၤႉ ကိးကတီၢ်ဒဲး‚ ပှၤတဂၤဘၣ်တဂၤ လဲၤဆူတၢ်မဲာ်ညါအဃိ‚ ဖိမုၣ်ဖိအံၤ စးထီၣ်ဒဲအစုလၢတၢ်သးခုလီၤႉ လၢခံ‚ မိၢ်အံၤ တဲဘၣ်ပှၤခိၣ်ပှၤနၢ်လၢ တၢ်အိၣ်ဖှိၣ်အပူၤလၢ ‘‘၀ံသးစူၤဘၣ်ယၤတက့ၢ်ႉ မ့ၢ်လၢယဆှဲဖျါတၢ်အံၤဆူ ယဖိမုၣ်ဖိ လၢ တၢ်ပီၢ်ယၢ်လီၤသးန့ၣ် ဒုးကဲထီၣ်ပှၤလၢ တၢ်ဒီတံၤဒီသကိးဘၣ်ဒီး ကစၢ်ယွၤကဒီး တဘျီအဃိ‚ အ၀ဲသးအိၣ်ဒုးသးခု ပှၤကိးဂၤလၢတၢ်အံၤအဂီၢ်န့ၣ်လီၤ’’ႉ
လၢဖိသၣ်တဂၤအသးပူၤ‚ မိၢ်အတၢ်ကတိၤအဖျၢၣ်တဖၣ် မ့ၢ်တၢ်ဆှဲဖျါလၢ အဂ့ၤတမံၤ လၢတၢ်သးခုကစီၣ်န့ၣ်လီၤႉ တဘျီ ပမ့ၢ်တ့ၢ်ကစၢ်ယွၤအဒုၣ်အဒါ‚အခဲအံၤ ပဃူလိာ်ဖိးလိာ်သးဒီးအီၤ ခီဖျိခရၠာစးံာ်အတၢ်သံဒီး တၢ်ဂဲၤဆၢထၢသမူထီၣ် (ရၠာစးိမ့ၤ ၅း၉ -၁၀) လီၤႉ အခဲအံၤ‚ ပမ့ၢ်နီၢ်နီၢ် ကစၢ်ယွၤအတံၤသကိးတဖၣ်န့ၣ်လီၤႉ မ့ၢ်လၢ ပမ့ၢ်ပှၤလၢ အမၤဟးဂီၤတၢ်မ့ၢ်တံၤမ့ၢ်သကိး (း၈) ႉ တၢ်ပီၢ်ယၢ်လီၤသးအံၤ မ့ၢ်တၢ်လၢ ပကဘၣ် မၤပှဲၤက့ၤ၀ဲလၢ တၢ်ကသူၣ်ထီၣ်က့ၤတၢ်တဆီဘၣ်တဆီန့ၣ်လီၤႉ ထဲဖိသၣ်မုၣ်ဖိအတၢ် ဒဲစုအံၤဧိၤတမ့ၢ်ဒံးဘၣ်ႉ ယွၤအကလူးလၢ မူခိၣ်ဘီမုၢ်တဖၣ်သးခု ဖဲပှၤတဂၤဂၤ မ့ၢ်ပီၢ်ယၢ် လီၤက့ၤအသး (လူၤကၣ် ၁၅း၁၀) လီၤႉ ဖိသၣ်မုၢ်အံၤ‚ လၢတၢ်တသ့ၣ်ညါဘၣ်တၢ်အပူၤ‚ မၤဆၢက့ၤတၢ် ဒ်ကလူးတဖၣ်သူၣ်ဖှံသးညီ၀ဲအသိးန့ၣ်လီၤႉ
ကစၢ်ယ့ၣ့်ှှူး ပာ်ဖျါထီၣ်အ၀ဲအတၢ်မၤဘၣ်လိာ်ဖိးဒ့လိာ်တၢ်လၢ ‘‘ပှၤမ့ၢ် ပာ်လီၤကွံာ်အသးသမူလၢ အတံၤသကိးအဂီၢ်ဒီး‚ ပှၤတအိၣ်ဘၣ်ဒီး တၢ်အဲၣ်တၢ်ကွံ ဒိၣ်န့ၢ်အ၀ဲန့ၣ် နီတဂၤဘၣ်’’ (ယိၤ ၁၅း၁၃) ႉ လၢတၢ်လုၢ်ထီၣ်သးအတၢ်မၤ ကကဲထီၣ် တံၤသကိးဆူပအိၣ်ပဃိ‚ အခဲအံၤ ပကဲထီၣ်တံၤသကိးဒီးအီၤန့ၣ်လီၤႉ ‘‘ဒီးယတကိးလၢၤ ဘၣ်သုလၢ ကုၢ်လၢပှၤဘၣ်ႉႉႉ ယကိးက့ၤသု လၢတံၤလၢသကိးလံ’’ (ယိၤ ၁၅း၁၅) ႉ
တဘျီပမ့ၢ်တ့ၢ် ယွၤအဒုၣ်အဒါ‚ ဘၣ်ဆၣ် အခဲအံၤ ပကဲထီၣ် ယွၤအသကိး တဖၣ်လီၤႉ တၢ်အံၤ မ့ၢ်တၢ်ဆိကမိၣ်လၢ အလုၢ်ဘၢကွံာ်ပှၤန့ၣ်လီၤႉ ဒီးပှၤတဂၤဂ့ၤ တဂၤဂ့ၤ‚ ့ကၢး၀ဲဘၣ်၀ဲလၢ ကဒဲအစုသူၣ်ခုသးခုလၢ တၢ်အံၤအဂီၢ်န့ၣ်လီၤႉ