ဒ် ကၠ့မ် ဒီး ကၠဲမဲၣ်ဒၢးခၠၢၣ်‚ မ့ၢ်ပှၤလၢအဒိတၢ်ဂီၤမူတဖၣ် အိၣ်ဒီး တၢ်သ့ၣ်ညါလၢ အဘၣ်ထွဲဒီးထွံၣ်ဟီၣ်ခိၣ်တဖၣ်န့ၣ်လီၤႉ ဒ်အ၀ဲသ့ၣ်စံး၀ဲအသိး ဖဲထွံၣ်ဟီၣ်ခိၣ်သ့ၣ်တဖၣ် သူၣ်ခုသးခုန့ၣ် မၤ၀းအမဲၢ် ဒီးမၤသီၣ်မၤသဲအကလုၢ်ကထါလီၤႉ ဘၣ်ဆၣ်‚ ဖဲအသကိး လၢအကျါတဒု မ့ၢ်သံအဃိ‚ အ၀ဲသ့ၣ်သူၣ်အုးသးအုး လၢနွံတဖၣ်အနွံလီၤႉ အ၀ဲသ့ၣ် လဲၤဆူအတံၤသကိးတဒုလၢ အသံအလီၢ်‚ ပာ်ဖျါထီၣ်အတၢ်သးအုးခီဖျိ တၢ်မၤလီၤဘျး အမဲာ်တဖၣ်ဒီး အိၣ်ယူၤလၢတၢ်သးအုးလီၤႉ
တၢ်သးအုးမ့ၢ်သးအတၢ်ဟူးတၢ်ဂဲၤတမံၤ လၢအစိအကမီၤဒိၣ် လၢပလဲၤခီဖျိ ဘၣ်၀ဲ‚ လီၤလီၤဆီဆီ ဖဲပှၤလၢပအဲၣ်ဘၣ်အီၤတဂၤဂၤ မ့ၢ်သံကွံာ် (မ့) ဖဲပတၢ်မုၢ်လၢ်သ့ၣ် တဖၣ် လီၤမၢ်ဘၣ်၀ဲန့ၣ်လီၤႉ နီၢ်မၤရၠာစးံမၤကဒၤလ့ၣ် လဲၤခီဖျိဘၣ် တၢ်အံၤန့ၣ်လီၤႉ အ၀ဲ ဘၣ်ထွဲဆူ ပှၤလၢအဆီၣ်ထွဲမၤစၢၤ ကစၢ်ခရၠာစးံာ်တဖၣ်ဒီး လဲၤသကိးတၢ်ဒီးအီၤ လၢကစၢ်ခရၠာစးံာ်အပျဲၢ်အဘီၣ်တဖၣ် (လူၤ ၈း၁-၃) လီၤႉ ဘၣ်ဆၣ်‚ အခဲအံၤ‚ ခရၠာစးံာ် အတၢ်သံလၢ သ့ၣ်ဖျၢၣ်ထူၣ်စုညါလိၤ မၤလီၤဖးကွံာ် အ၀ဲသ့ၣ်လီၤႉ တၢ်ထဲတမံၤဧိၤလၢ အအိၣ်တ့ၢ်၀ဲလၢ နီၢ်မၤရၠာစးံကဘၣ်မၤ၀ဲလၢ ကစၢ်ယ့ၣ့်ှှူးအဂီၢ်န့ၣ် မ့ၢ်တၢ်ကမၤကတၢၢ်ကွံာ်တၢ် လၢကဖှူအ၀ဲအစိၣ်လၢ တၢ်ကခူၣ်လီၤအဂီၢ်ဒီး အဘၣ်တၢ်မၤတံာ်တာ်လၢ မုၢ်အိၣ်ဘှံးနံၤ န့ၣ်လီၤႉ ဘၣ်ဆၣ်‚ ဆိကမိၣ်ထီၣ် နီၢ်မၤရၠာစးံ ကကလၢၢ်ဘၣ်တၢ်ဒ်လဲၣ် ဖဲအလဲၤတုၤလၢတၢ်သွၣ်ခိၣ်လၢ အတအိၣ်ဒီး အကစၢ်အစိၣ် မ့မ့ၢ် ပှၤအုၣ်က့ၤခီၣ်က့ၤ တၢ်လၢအမူ၀ဲတဂၤတက့ၢ်ႉ ဖဲလၢအတိခိၣ် အ၀ဲမ့ၢ် တတိၢ်နီၣ်ပှၤလၢ အဆၢထၢၣ်လၢအမဲာ်ညါ ဘၣ်ဆၣ်‚ ဖဲအမံၤလၢ အဘၣ်တၢ်ကိးထီၣ်လၢ ကစၢ်ယ့ၣ့်ှှူး လၢအစံးလၢ အမ့ၢ်မတၤ‚ အ၀ဲသ့ၣ်ညါက့ၤ အကစၢ်န့ၣ်လီၤႉ တပယူာ်ဃီ‚ တၢ်သးအုးဃၣ်က့ၤအသး ဆူတၢ်သးခုန့ၣ်လီၤႉ အခဲအံၤ‚ နီၢ်မၤရၠာစးံအိၣ်ဒီး တၢ်သးခုအကစီၣ်လၢ ကနီၤဟ့ၣ်ဘၣ်၀ဲ‚ လၢအမ့ၢ် ‘‘ယထံၣ်ဘၣ် ကစၢ်’’ (ယိၤ ၂၀း၁၈) လီၤႉ
ကစၢ်ယ့ၣ့်ှှူးဟဲနုာ်ဆူပဟီၣ်ခိၣ်လၢအခံးသူ ဒ်သိးကဟဲစိာ်တၢ်သဘ@ ဒီးတၢ်မူန့ၣ်လီၤႉ အ၀ဲအတၢ်ဂဲၤဆၢထၢၣ်သမူထီၣ်အံၤ မ့ၢ်တၢ်လၤကပီၤအမုၢ်တနံၤ လၢ အ၀ဲမၤလၢပှဲၤတၢ်လၢ အပာ်လီၤ၀ဲလၢ ကမၤ၀ဲန့ၣ်လီၤႉ ဒ်နီၣ်မၤရၠာစးံအသိး‚ ပမၤလၤကပီၤစ့ၢ်ကီး ပကစၢ်ခရၠာစးံာ် အတၢ်ဂဲၤဆၢထၢၣ်သမူထီၣ်က့ၤဒီး နီၤဟ့ၣ် တၢ်သးခုကစီၣ်လၢ အ၀ဲမူ၀ဲသ့န့ၣ်လီၤႉ ဟါလ့ၤလူၤယၤႉ