ဖဲကဘီယူၤလၢယဒိးအီၤ တုၤဆူတၢ်လီၢ်လၢယကလဲၤဟးကသုၣ်န့ၣ် ကဘီယူၤမုၣ် ထုးကွံာ် ယၣ်ဘျးသဒၢလၢ အBတီဃာ်တၢ်သုတနုာ်လီၤဆူ တၢ်လီၢ်လၢအပတီၢ်ထီ‚ ဒီးယဖုးသံပျီၣ်သံလၢတၢ်ဒုးပလီၢ်လၢ အလီၤသးတမုာ်လၢ တၢ်အိၣ်ဒီးတၢ်ပာ်လီၤဆီ တၢ်လီၢ်လၢ ကဘီယူၤအပူၤန့ၣ်လီၤႉ ပှၤလဲၤတၢ်ဖိတနီၤလဲၤထီၣ်ဘၣ်ဆိဆိ လၢကဘီ ယူၤပူၤ‚ သးခုဘၣ်လၢ အဆ့ၣ်နီၤဘၣ်ဃုာ်ဒီး တၢ်စူၣ်စုစူၣ်ခီၣ်သ့‚ ဒီးနီၢ်တဂၤ တၢ်တူၢ်လိာ် ဂ့ၤဂ့ၤကလဲာ်လီၤႉ ယၣ်ဘျးသဒၢ မ့ၢ်တၢ်ဆီၣ်ဘံၣ်ဆီၣ်ဘၢတၢ် အတၢ်ဒုး ပလီၢ်တမံၤ လၢယတၢ်အိၣ်လီၤဖးဘၣ်ဒီး ပှၤလၢအဟ့ၣ် တၢ်အပရၤကလံၤလၢ အဒိၣ်၀ဲန့ၢ်တဖၣ်န့ၣ်လီၤႉ
တၢ်ပာ်လီၤဆီပှၤတဖုဘၣ်တဖု အဘၢၣ်စၢၤအံၤ‚ တၢ်ထံၣ်န့ၢ်အီၤသ့လၢ တၢ်စံၣ်စိၤတဲစိၤဒီတခါအပူၤ‚ လၢကျဲတဘိပာ်ဃုာ်ဒၣ်လဲာ်ဒီး ယွၤအတၢ်လုၢ်ဟံၣ်လၢ ယ့ှူၤ့ှှလ့ၣ်‚ ဖဲလၢအတမ့ၢ်တၢ်လၢအဘၣ်ထွဲဒီး ပှၤတဂၤဟ့ၣ်တၢ်န့ၢ်အါန့ၢ် ပှၤဂုၤပှၤဂၤ န့ၣ်ဘၣ်လီၤႉ ပှၤလၢအတမ့ၢ်ဘၣ် ပှၤယူဒၤဖိတဖၣ်‚ တၢ်ဟ့ၣ်တၢ်ပျဲလၢ ကဘူၣ်ထီၣ် ဘါထီၣ်တၢ်လၢ တၢ်လုၢ်ဟံၣ်အချၢန့ၣ်လီၤႉ ၀ံၤလၢခံတတီၤ မ့ၢ်ပိာ်မုၣ်ပိာ်မၢၤတဖၣ်လီၤႉဘူးဒီး တၢ်လီၢ်စီဆှံန့ၣ် မ့ၢ်တၢ်လီၢ်လၢပိာ်ခွါတဖၣ်အဂီၢ်လီၤႉ လၢခံကတၢၢ်‚ တၢ်လီၢ် စီဆှံ‚ တၢ်လီၢ်စီဆှံကတၢၢ်‚ ဒ်အဘၣ်တၢ်ထံၣ်အီၤ ဒ်တၢ်လီၢ်လၢကစၢ်ယွၤ လီၣ်ဖျါထီၣ် သးလီၤဆီန့ၣ် အိၣ်လၢယၣ်ဘျးသဒၢတဘ့ၣ်အလီၢ်ခံဒီး တၢ်နုာ်လီၤအီၤသ့ ထဲဒၣ်ပှၤလုၢ် တၢ်အခိၣ်လၢ အဘၣ်တၢ်ဃုထၢလီၤဆီလၢတနံၣ်တဘျီ (ဧ့ၤ့ဘံၤ၉း၁-၁၀) န့ၣ်လီၤႉ
ဘၣ်ဆၣ် တၢ်လီၤလးဖးဒိၣ်န့ၣ် တၢ်ပာ်လီၤဆီတၢ်အံၤ‚ တအိၣ်၀ဲလၢၤဘၣ်ႉ ကစၢ်ယ့ၣ့်ှှူး ကွံာ်တၢ်ဒူၣ်တၢ်ဆၢ လၢာ်လၢာ်ဆ့ဆ့လၢ ဃုာ်ဒီး ပတၢ်ဒဲးဘးလၢ အမ့ၢ် တၢ်လၢအကဲထီၣ် တၢ်တံာ်တာ်လၢ ပကလဲာ်နုာ်လီၤဆူ ကစၢ်ယွၤအအိၣ် (၁၀း၁၇) န့ၣ်လီၤႉ ဒ်ယၣ်ဘျးသဒၢ သ့ၣ်ဖးကွံာ်ခံခီ ဖဲအကတီၢ်လၢ ကစၢ်ခရၠာစးံာ်သံ (မးသဲ ၂၇း၅၀-၅၁) အသိး‚ အ၀ဲအနီၢ်ခိလၢ အဘၣ်တၢ်ပျၤထီမၤဟးဂီၤကွံာ် တၢ်Bတီမၤတံာ်တာ် ကိးမံၤ လၢကနုာ်လီၤဘၣ်လၢ ကစၢ်ယွၤအမဲာ်ညါန့ၣ်လီၤႉ တၢ်ဒူၣ်တၢ်ထၢတအိၣ်လၢၤ နီတမံၤ လၢတၢ်ကနီၤဖး ပှၤစူၢ်က့ၤနာ်က့ၤတၢ်သ့ၣ်တဖၣ်လၢ ကလဲၤခီဖျိဘၣ် ယွၤလၢ အမူ၀ဲ အလၤကပီၤဒီး အတၢ်အဲၣ်တၢ်ကွံန့ၣ်ဘၣ်ႉ