နံၣ်တနံၣ် ဖဲယအိၣ်လၢခီလ့ၣ်ကၠိအခါ‚ ယကျီသ့ၣ်မုၣ်‚ ယပူၣ်ထီၣ်သ့ၣ်မုၢ်ဒီး ဆါသ့ၣ်မုၣ်‚ ဒီး ဟးဆှၢသ့ၣ်မုၣ်န့ၣ်လီၤႉ တၢ်အံၤမ့ၢ်တၢ်မၤလၢအနးအဃိ‚ ယအိၣ်ဒီးတၢ်ဒိသူၣ်ဒိသး လၢ ၀ံအဖိခွါတဖၣ်လၢ အကွါလီၤတဲာ်လၢထံကျါလၢ တၢ်ပာ်ဖျါထီၣ် ဖဲ ၂ စီၤပၤ ၆ န့ၣ်လီၤႉ
၀ံအလံၤ့ှှါအကၠိလၢ ၀ံတဖၣ်ဒိၣ်ထီၣ်လဲၤထီၣ်အဃိ‚ တၢ်လီၢ်တၢ်ကျဲလၢ ကအိၣ်၀ဲဆိး၀ဲ အံၣ်ကဲၣ်ဆိးလီၤႉ ပှၤတဂၤဂၤ ဟ့ၣ်ကူၣ်တၢ်အဃိ‚ အ၀ဲသ့ၣ် လဲၤဆူ ပှၢ်ပူၤ ဒီးကူၢ်သ့ၣ်ကျီသ့ၣ်လၢ တၢ်ကသူၣ်ထီၣ်ဘှီထီၣ်‚ မၤလဲၢ်ထီၣ်တၢ်လီၢ် အဂီၢ်လီၤႉ ၀ံအလံၤ့ှှါ တူၢ်လိာ်ဒီး ပိာ်ထွဲစ့ၢ်ကီး အ၀ဲသ့ၣ်အခံလီၤႉ တၢ်အိၣ်သး ဂ့ၤ၀ဲခဲလၢာ်‚ တချုးဖဲအ၀ဲသ့ၣ်အကျါတဂၤ‚ အကွါလီၤတဲာ်ဆူ ထံကျါန့ၣ်လီၤ (း၅) ႉ
မ့ၢ်လၢကွါအံၤ ဘၣ်တၢ်ဟဲလိၢ်အီၤအဃိ‚ ၀ံအလံၤ့ှှါစူးကါသ့ၣ်တဘိလၢ တၢ်လီၢ်လၢကွါလီၤတဲာ်‚ ၀ံၤထဲးထီၣ်က့ၤ၀ဲလီၤႉ တၢ်အံၤကီခဲလၢ တၢ်ကယၢၤ ထီၣ်အီၤန့ၣ်လီၤႉ တမ့ၢ်ဘၣ်ႉ တၢ်အံၤမ့ၢ်တၢ်လီၤလးတမံၤန့ၣ်လီၤႉ ကွါအံၤဟဲဖျါထီၣ်လၢထံကျါ ခီဖျိကစၢ်ယွၤအစု ဒီးထီၣ်ဖီလၢထံဖီခိၣ်အဃိ‚ ဘၣ်တၢ်ထၢထီၣ်ကွါအံၤန့ၣ်လီၤ (း၇) ႉ
တၢ်လီၤလးယိယိဖိအံၤ‚ ပာ်ဖျါထီၣ် တၢ်မ့ၢ်တၢ်တီနီၢ်နီၢ်လၢ ကစၢ်ယွၤ ကဟုကယာ်ဒၣ်လဲာ်‚ တၢ်ဆံးဆံးဖိဒ်အမ့ၢ်‚ ကွါလီၤမၢ်‚ နီၣ်၀ံာ်ခံဟါမၢ်‚ မဲာ်ကးဟါမၢ် (မဲာ်ထံကလၤ) ‚ ကွဲၤဒီနၢ်ဟါမၢ်‚ – တၢ်ဆံးဆံးဖိတဖၣ်လၢ အဒုးကဲထီၣ်ပှၤလၢ တၢ်သူၣ်ကိၢ်သးကိၢ်ဘၣ်တၢ်န့ၣ်လီၤႉ ထီဘိ‚ အ၀ဲမ့ၢ်တဒုးထံၣ်က့ၤပှၤလၢ တၢ်လီၤမၢ် တဖၣ်ဘၣ်ဆၣ်‚ အ၀ဲနၢ်ပၢၢ်ဒီးမၤမုာ်ထီၣ်က့ၤပှၤ ဖဲပအိၣ်ဒီး တၢ်သူၣ်ကိၢ်သးဂီၤန့ၣ်လီၤႉ
ပဒိးန့ၢ်ဘၣ် တၢ်အုၣ်က့ၤခီၣ်က့ၤ၀ံၤဒီး ပဘၣ်အိၣ်ဒီးတၢ်နၢ်လၢ ယွၤအတၢ် အုၣ်ကီၤလၢ အကဟုကယာ်ပှၤအံၤ မ့ၢ်တၢ်လၢအလိၣ်၀ဲန့ၣ်လီၤႉ မ့တမ့ၢ်ဘၣ်ဒီး ပကကလၢၢ်ဘၣ် တၢ်အိၣ်သယုၢ်သညိ ထဲတဂၤဧိၤလၢဟီၣ်ခိၣ်‚ လၢ တၢ်သူၣ်ကိၢ်သးဂီၤ အကလုာ်ကလုာ်န့ၣ်လီၤႉ တၢ်အံၤ ဂ့ၤလၢပကသ့ၣ်ညါ အ၀ဲကဟုကယာ်ပှၤဒီး မၤတၢ်လၢပဂီၢ် ဖဲပကွၢ်ဆၢၣ်မဲာ်တၢ်လီၤမၢ်တဖၣ်‚ ဖဲလၢကမ့ၢ်တၢ်လၢ အဆံးဒၣ်လဲာ် န့ၣ်လီၤႉ ပတၢ်လိၣ်ဘၣ်‚ မ့ၢ်တၢ်လၢ အ၀ဲအတၢ်သးအိၣ်ပှၤန့ၣ်လီၤႉ