မ့ၣ်အူလၢယပရၤဘၣ်အပရၤဘၣ်ဘၣ်‚ ဖျါလၢအမ့ၢ်တၢ်လၢတၢ်ပှဲၤ လၢယ့ှူ လၢယအိးထီၣ် လၢဟံၣ်အဂီၢ်န့ၣ် အလွဲၢ်‚အက့ၢ်အဂီၤ‚ ဒီးအပရၤဘၣ်လိာ်ဘၣ်စး ခဲလၢာ်လီၤႉ ဘၣ်ဆၣ်‚ ဖဲယထီထီၣ်လၢ ယဟံၣ်လီၢ်ခံန့ၣ် တၢ်တဟဲအိၣ်နီတမံၤလၢၤဘၣ်ႉ တၢ်ကပီၤတအိၣ်‚ တၢ်အသဟီၣ်တအိၣ်‚ တၢ်အကံၢ်အစီတအိၣ်နီတမံၤလၢၤဘၣ်ႉ
ယ၀ၤတခီ မၤလီၤတံၢ်က့ၤယၤလၢ တၢ်ဂ့ၢ်ကီ တအိၣ်နီတမံၤဘၣ်လီၤႉ အ၀ဲ စံးလၢ‚ ယထီထီၣ်ကွံာ်က့ၤ သ့၀ဲညီညီဖိ‚ ဖဲအဟံးထီၣ်ကွံာ် မ့ၣ်အူဒၢ‚ သတူာ်ကလာ်ဒီး အ၀ဲထံၣ်ဘၣ်တၢ်ကီတၢ်ခဲန့ၣ်လီၤႉ မ့ၣ်အူအခိၣ်သ့ၣ်န့ၣ် တဘၣ်ထွဲလိာ်သးလၢ တၢ်အအိၣ်ဒီး တၢ်ဘၣ်ထွဲတၢ်ဆူ တၢ်သဟီၣ်ဂံၢ်ထံး‚ မ့ၣ်အူဒၢဖိလၢအဖျါ ‘လၢပှဲၤ’ လီၤအဲၣ်ဖိအံၤ‚ ကဲထီၣ်တၢ်လၢ အဘျုးတအိၣ်န့ၣ်လီၤႉ
တၢ်ဂ့ၢ်အံၤ မ့ၢ်၀ဲတီ၀ဲဒီးပှၤလီၤႉ ကစၢ်ယ့ၣ့်ှှူးစံးဘၣ် အပျဲၢ်အဘီၣ်တဖၣ် လၢယမ့ၢ်စပံးအမုၢ်‚ သု၀ဲသ့ၣ်အံၤ‚ သုမ့ၢ်အဒ့အဖီလီၤႉ ပှၤလၢ ‘‘အအိၣ်လၢယပူၤဒီး ယအိၣ်လၢအပူၤန့ၣ်‚ သၣ်ထီၣ်၀ဲအါဖျၢၣ်လီၤ’’ႉ ဘၣ်ဆၣ်‚ အ၀ဲမၤအါထီၣ် တၢ်ဒုးပလီၢ်တၢ်အံၤ န့ၣ်လီၤႉ ‘‘မ့တမ့ၢ်ဘၣ်လၢယၤဒီး သုမၤတၢ်တသ့ဘၣ် နီတမံၤဘၣ်’’ (ယိၤ ၁၅း၅) ႉ
တၢ်သိၣ်လိအံၤ‚ ဘၣ်တၢ်ဟ့ၣ်အီၤလၢ တၢ်လီၢ်လၢ စပံးမုၢ်မဲထီၣ်အက၀ီၤ န့ၣ်လီၤႉ လၢတၢ်အံၤအဃိ‚ ကစၢ်ယ့ၣ့်ှှူးအပျဲၢ်အဘီၣ်တဖၣ် နၢ်ပၢၢ်တၢ်အံၤညီမးလီၤႉ စပံးမုၢ်တဖၣ် မ့ၢ်တၢ်မုၢ်တၢ်ဘိလၢအါမးဒီးအဒ့တဖၣ် တူၢ်တၢ်ပဲာ်ဟိကဆှီကွံာ်တၢ် လီၤႉ ဘၣ်ဆၣ်‚ ဖဲတၢ်မ့ၢ်ကျီကွံာ်ပဲာ်ကွံာ်လၢအထူၣ်မိၢ်ပှၢ်အဃိ‚ ဒ့တဖၣ် ကဃ့ထီကွံာ်၀ဲန့ၣ်လီၤႉ ပ၀ဲစ့ၢ်ကီး ပမ့ၢ်တၢ်ဒ်န့ၣ်အသိးလီၤႉ
ဖဲပမ့ၢ်အိၣ်ဆိးလၢ ကစၢ်ယ့ၣ့်ှှူးအပူၤဒီး ပျဲအကလုၢ်ကထါမူလၢပပူၤန့ၣ် ပမ့ၢ်ပှၤလၢအဘၣ်ထွဲဒီး တၢ်ဂံၢ်ထံး‚- လၢအမ့ၢ်‚ ခရၠာစးံာ်အနီၢ်ကစၢ်ဒၣ်၀ဲန့ၣ်လီၤႉ ကစၢ်ယ့ၣ့်ှှူးစံး၀ဲ‚ ‘‘လၢသုသၣ်ထီၣ်အါမးအဃိန့ၣ်‚ ယပၢ်အလၤကပီၤအိၣ်ဖျါထီၣ်‚ ဒီးသု ကကဲထီၣ် ယပျဲၢ်ယဘီၣ်လီၤ’’ (း၈) ႉ တၢ်သၣ်ထီၣ် ဒ်သိးအံၤတမံၤ မ့ၢ်တၢ်အစၢလၢအလိၣ်ကိးန့ၢ်တၢ်ဂံၢ်တၢ်ဘါလၢ အလၢပှဲၤန့ၣ်လီၤႉ လၢတၢ်သဘ@‚ ယွၤမၤပှဲၤတၢ်အံၤ‚ ခီဖျိလၢလံာ်စီဆှံအဆၢ ဒီးအတၢ်အဲၣ်တၢ်ကွံန့ၣ်လီၤႉ လၢတၢ်အံၤအဃိ‚ အိၣ်စဲဘူးဒီး အီၤဒီး ပျဲသ့ၣ်သၣ်အထံအနိယွၤလီၤတက့ၢ်ႉ