ပှၤစိးပျၤတၢ်ဂီၤ လံးစ့်ှှံးဖၢး‚ ၂၀၁၈ နံၣ် တၢ်ဒုးနဲၣ် ‘‘တၢ်အိၣ်ခိး’’ ဘၣ်တၢ်ပာ်ဖျါထီၣ် လၢဘီးတထၢၣ်ကလိး လံာ်လၢအကွဲးဖျါထီၣ် တၢ်ဂ့ၢ်ဒ် ‘‘တၢ်သ့ၣ်နီၣ်တၢ်လၢ အလုၢ်ဒိၣ်ပရၤဒိၣ်‚ တၢ်မၤဖျါထီၣ်တၢ်‚ ဒီးလၢအလဲၤတလၢကွံာ် တၢ်ဒ်လၢအမၤညီနုၢ်သး လၢတၢ်အိၣ်မူအပူၤ’’ အသိးန့ၣ်လီၤႉ ့ှှံးဖၢး စူးကါတၢ်ဆၢကတီၢ်လၢ အအိၣ်ဒီး တၢ်အကံၢ်အစီလၢ အပၢ်လၢအသံကွံာ်တဂၤအလီၢ်မံကပၤ‚ တၢ်ဒုးနဲၣ်ဂုာ်ကျဲးစၢး ပာ်ဖျါ ထီၣ်တၢ်လၢ တၢ်ဆၢန့ၢ်ဒိၣ်ဒိၣ်ကလဲာ်‚ တၢ်လီၤဖျဲၣ်လီၤဟိလၢ တၢ်လီၤမၢ်ဒီး တၢ်လၢအလီၤကလဲကွံာ်ညီလၢ ပှၤလၢတၢ်အဲၣ်ဘၣ်အီၤတဂၤ အတၢ်လဲၤပူၤကွံာ်ဟီၣ်ခိၣ် န့ၣ်လီၤႉ
တၢ်ဆိကမိၣ်လၢ တၢ်သံအံၤ မ့ၢ်တၢ်လၢအလုၢ်အပရၤအိၣ်၀ဲန့ၣ် ကဘၣ် တၢ်ထံၣ်အီၤ ဒ်တၢ်လၢအထီဒါလၢ ပှၤဟီၣ်ခိၣ်ဖိအတၢ်ဆိကမိၣ်န့ၣ်လီၤႉ ဘၣ်ဆၣ်‚ ပှၤကွဲး ထါစံးထီၣ်ပ့တၢၤ ပာ်ဖျါထီၣ်၀ဲလၢ‚ ‘‘အပှၤစီဆှံတဖၣ်သံန့ၣ် မ့ၢ်တၢ်လုၢ်ဒိၣ်ပရၤဒိၣ် လၢ ယွၤအမဲာ်ညါလီၤ’’ (စံး ၁၁၆း၁၅) ႉ ကစၢ်ယွၤ ပာ်အပှၤဂီၢ်မုၢ်အတၢ်သံတၢ်ပှၢ် ဒ်တၢ်လုၢ်ဒိၣ်ပရၤဒိၣ်ဒီး ဖဲအ၀ဲသ့ၣ်အသးသမူဟးထီၣ်န့ၣ် အ၀ဲတူၢ်လိာ်မုာ် အ၀ဲသ့ၣ်လၢ ဟံၣ်မူခိၣ်လီၤႉ
မ့ၢ်မတၤလၢ အမ့ၢ်တၢ်ခ့တၢ်ပှၤတဖၣ် (ပှၤစီဆှံ) လၢအကလုၢ်တီန့ၣ်လဲၣ်ႉ ဒ်ပှၤကွဲးထါစံးထီၣ်ပ့တၢၤ ပာ်ဖျါ၀ဲအသိး‚ အ၀ဲသ့ၣ်မ့ၢ် ပှၤလၢအမၤယွၤအတၢ်လၢ တၢ်သ့ၣ်ညါဆၢက့ၤတၢ်အဘျုးအပူၤ လၢအ၀ဲအတၢ်မၤထူၣ်ဖျဲး‚ ပှၤလၢအကိးထီၣ် အ၀ဲအမံၤ‚ ဒီးပှၤလၢအလုၢ်တၢ်စံးထီၣ်ပ့တၢၤယွၤ (စံး ၁၁၆း၁၆-၁၈) န့ၣ်လီၤႉ တၢ်ဟူး တၢ်ဂဲၤဒ်အံၤ‚ လီၣ်ဖျါထီၣ်တၢ်ကူၣ်လၢ တၢ်ကဃုထၢ တၢ်ကလဲၤတၢ်ဒီးယွၤ‚ တူၢ်လိာ် တၢ်သဘ@လၢ ယွၤဟ့ၣ်၀ဲဒီး သူၣ်ထီၣ်တၢ်ရၠာစး့လိာ်သးဒီးယွၤန့ၣ်လီၤႉ
လၢတၢ်မၤဒ်န့ၣ်အသိးအဃိ‚ ပထံၣ်လီၤက့ၤပသး လၢပအိၣ်လၢယ့ၣ့်ှှူးအပူၤ‚ လၢအမ့ၢ် ‘‘တၢ်လုၢ်ဒိၣ်ပရၤဒိၣ်ဒီး ဘၣ်တၢ်ဃုထၢအီၤလၢယွၤႉႉႉ အဂ့ၢ်ဒ်အံၤ‚ တၢ်ကွဲး အသး ဟဲ၀ဲဒ်အံၤ‚ ကွၢ်ကွၢ် ယပာ်လီၤလၢၢ်တၢ်ခီၣ်ထံးအသနၢၣ်‚ ဘၣ်တၢ်ဃုထၢ‚ တၢ်လုၢ်ဒိၣ်ပရၤဒိၣ်လၢ စံယိၣ်အပူၤလီၤႉ ဒီးပှၤလၢအနာ်အီၤတဖၣ်န့ၣ် အမဲာ်တဆှး ဘၣ်လီၤ’’ (၁ ပ့း ၂း၄-၆) ႉ ဖဲပတၢ်စူၢ်တၢ်နာ်အံၤ မ့ၢ်အိၣ်လၢယွၤအပူၤအဃိ‚ ပတၢ်သံ အံၤ‚ ကမ့ၢ်တၢ်လၢအလုၢ်ဒိၣ်ပရၤဒိၣ် လၢယွၤအမဲာ်ညါန့ၣ်လီၤႉ