ဖ့န် မ့ၢ်ယိၤအညၣ်ဖိ (ညၣ်လၢအဒုးတၢ်) တဘ့ၣ်‚ အိၣ်လၢပဟံၣ်ခံနံၣ်လံန့ၣ်လီၤႉ တလီၢ်လီၢ်‚ ယဖိမုၣ်ဆံးဖိ‚ သကူးလီၤသးဒီးကတိၤတၢ်ဒီးအီၤ ဖဲအတ့ၢ်နုာ် ညၣ်အဆၣ် လၢ အ၀ဲအဂီၢ်န့ၣ်လီၤႉ ဖဲတၢ်ဘၣ်တဲဖျါတၢ်ဂ့ၢ်လၢအဘၣ်ထွဲဒီး ‘ဆၣ်ဖိကီၢ်ဖိလၢ တၢ်ဘုၣ်အီၤလၢ ဟံၣ်ပူၤအဂ့ၢ်’ လၢတီၤဖုၣ်ကၠိဟဲအိၣ်ထီၣ်‚ လၢတၢ်ပာ်ကဖၢလၢသးအပူၤ အ၀ဲတဲဖျါထီၣ်‚ အညၣ်ဖိအံၤအဂ့ၢ်လီၤႉ လၢခံ ဖ့န် အံၤ သံကံွာ်ဒီး ယဖိမုၣ်ဆံးဖိ စ့ၢ်ကီး အသးဘၣ်ဒိဒိၣ်မးန့ၣ်လီၤႉ
ယမိၢ်ဟ့ၣ်ကူၣ်ယၤလၢ ယကဒိကနၣ်တၢ်လၢ ယဖိမုၣ်ဆံးဖိကတဲ၀ဲ ဒီးတဲ ဘၣ်က့ၤအီၤလၢ ‘‘ကစၢ်ယွၤ သ့ၣ်ညါ တၢ်ကိးမံၤဒဲး’’ န့ၣ်လီၤႉ ယတူၢ်လိာ်လၢ ကစၢ်ယွၤ သ့ၣ်ညါ တၢ်ကိးမံၤလီၤႉ ယကမၢကမၣ်ဘၣ်လၢ အ၀ဲကဒိးဘၣ် တၢ်မၤမုာ်ထီၣ်က့ၤ ဒ်လဲၣ် လီၤႉ ၀ံၤ‚ တၢ်ဟဲအိၣ်ထီၣ် ဆူယအိၣ်လၢ‚ တၢ်လၢယွၤအံၤ‚ တမ့ၢ်ထဲ အဘၣ် ပာ်သူၣ်ပာ်သးလၢ တၢ်ယိယိဖိလၢပတၢ်အိၣ်မူအပူၤန့ၣ်ဘၣ်ႉ မ့မ့ၢ်လၢတၢ်အဲၣ် အ၀ဲထံၣ် စ့ၢ်ကီး တၢ်လၢအအိၣ်လၢပသူၣ်ပသးအပူၤ ဒီးသ့ၣ်ညါစ့ၢ်ကီး တၢ်တဖၣ်အံၤ မၤဘၣ်ဒိပှၤဒ်လဲၣ် န့ၣ်လီၤႉ အ၀ဲသ့ၣ်ညါလၢ ‘‘တၢ်ဆံးဆံးဖိတဖၣ်’’ ကဲထီၣ် တၢ်ကလၢၢ်ဘၣ် တၢ်ဒိၣ်ဒိၣ်မုၢ်မုၢ်‚ လၢပသန့ၤထီၣ်ပသး လၢပသးအနံၣ်အလါ‚ တၢ်ပူၤလီၢ်ပူၤကျဲလၢ ခါလၢအပူၤကွံာ် မ့တမ့ၢ် တၢ်တအိၣ်ဒီး တၢ်ဂံၢ်ထံးတဖၣ်န့ၣ်လီၤႉ
ကစၢ်ယ့ၣ့်ှှူးထံၣ် မုၣ်ကမဲတဂၤ အတၢ်ဟ့ၣ်မၤဘူၣ်တၢ်ထဲလဲၣ်‚ ဘၣ်ဆၣ် လၢသူၣ်ဒီဖျၢၣ်သးဒီဖျၢၣ်အပူၤ ဟ့ၣ်မၤဘူၣ်၀ဲ‚ ဖဲအတ့ၢ်နုာ်စ့ခံဘ့ၣ် ဆူတၢ်မၤဘူၣ် အတလါ လၢတၢ်လုၢ်ဟံၣ်အပူၤန့ၣ်လီၤႉ အ၀ဲပာ်ဖျါထီၣ်လၢ ‘‘ပှၤမုၣ်ကမဲအဖှီၣ်အယာ် တဂၤအံၤ‚ တ့ၢ်လီၤတၢ်အါန့ၢ် အ၀ဲသ့ၣ်ခဲလၢာ် ႉႉႉ လၢအတၢ်တလၢဘၣ်အပူၤန့ၣ်‚ တ့ၢ်လီၤဖဲဒၣ်အတၢ်အိၣ်ဒီးအီၤခဲလၢာ်‚ လၢအမ့ၢ်တၢ်လုၢ်အီၣ်လုၢ်အီအီၤခဲလၢာ်လီၤ’’ (မၢ်ကူး ၁၂း၄၃-၄၄) ႉ
မုၣ်ကမဲအံၤအိၣ်ကစုဒုဖိလၢ အတၢ်အိၣ်သးအဖီခိၣ်‚ ဘၣ်ဆၣ်‚ ယ့ၣ့်ှှူးသ့ၣ်ညါ လၢတၢ်လၢပှၤဂုၤပှၤဂၤ မ့ၢ်စံးတၢ်လၢအဆံးစှၤတမံၤဒၣ်လဲာ်‚ မ့ၢ်တၢ်လုၢ်ထီၣ်ဆူ အ၀ဲ အဂီၢ်န့ၣ်လီၤႉ အ၀ဲထံၣ် ပတၢ်အိၣ်မူဒ်န့ၣ်အသိးန့ၣ်လီၤႉ ပဒိးန့ၢ် တၢ်မၤမုာ်ထီၣ်လၢ အ၀ဲအသူၣ်ဆးသးဆး လၢပှၤဂံၢ်ထီၣ်အီၤတဘၣ်န့ၣ်တက့ၢ်ႉ