ပထံၣ်လိာ်ပသးဒီးအီၤ ဖဲမုၢ်လ့ၤဧိၤကိးနွံ‚ စးထီၣ်ဖဲ အမါစူးကွံာ်သး ဖဲအဘၣ်ဒိလၢသိလ့ၣ် တၢ်တတၢာ်တနါ၀ံၤအလီၢ်ခံန့ၣ်လီၤႉ တဘျီဘျီ‚ အ၀ဲဟဲစိာ်၀ဲ တၢ်သံကွၢ်တဖၣ်လၢ တၢ်စံးဆၢတအိၣ်ထီၣ်က့ၤ နီတမံၤ‚ တဘျီဘျီ‚ ဟဲစ့ၢ်ကီး၀ဲဒီးတၢ်သ့ၣ်နီၣ်ထီၣ်တဖၣ်လၢ အသးအိၣ်ဆူ တၢ်ကမၤန့ၢ်တၢ်မၤမုာ်ထီၣ်တၢ်န့ၣ်လီၤႉ လၢတၢ်အကတီၢ်အါဘျီ‚ အ၀ဲ တူၢ်လိာ်လၢ‚ တၢ်တတၢာ်တနါအံၤ ဟဲအိၣ်ထီၣ် ခီဖျိဟီၣ်ခိၣ်လၢအတလၢတပှဲၤအံၤ ဒီး ကစၢ်ယွၤကမၤတၢ်လၢ တၢ်အံၤအဖီခိၣ်န့ၣ်လီၤႉ စှၤနံၣ်ပူၤကွံာ်အလီၢ်ခံ အ၀ဲသိၣ်လိက့ၤတၢ် လၢပတၢ်အိၣ်ဖှိၣ်အပူၤ‚ လၢအဘၣ်ထွဲဒီး တၢ်သးအုးဒီး တၢ်ကဟီၣ်ကယၢၤအီၤ ဒ်လဲၣ်န့ၣ်လီၤႉ တယံာ်ဘၣ်ဒီး အ၀ဲကဲထီၣ် ပှၤနဲၣ်တၢ်တဂၤလၢ ပှၤလၢ အလဲၤခီဖျိဘၣ် တၢ်လီၤမၢ်တဖၣ်လၢ ပတၢ်အိၣ်ဖှိၣ်အပူၤန့ၣ်လီၤႉ တဘျီဘျီ‚ ပတကလၢၢ်ဘၣ်လၢ ပအိၣ်ဒီးတၢ်လၢ ပကလုၢ်ထီၣ်လၢ ကစၢ်ယွၤ ဟံးထီၣ်ကွံာ် ‘‘ပတၢ်တလၢတပှဲၤ’’ ဒီး ဒုးကဲထီၣ်ကွံာ်တၢ်အံၤ ဆူ ‘‘လၢပှဲၤန့ၢ်ဒံးတၢ်လၢတၢ်လိၣ်ဘၣ်အီၤ’’န့ၣ်လီၤႉ
ကစၢ်ယ့ၣ့်ှှူးစံးဘၣ် အပျဲၢ်အဘီၣ်တဖၣ်လၢ တၢ်ကဟ့ၣ်တၢ်တမံၤမံၤလၢ ပှၤဂီၢ်မုၢ်တဖၣ် ကအီၣ်တၢ်အဂီၢ်လီၤႉ အ၀ဲသ့ၣ်စံးလၢ တၢ်တအိၣ်လၢ တၢ်ကဟ့ၣ်ဒုး အီၣ် ပှၤဂီၢ်မုၢ်ဖးဒိၣ်အံၤအဂီၢ်န့ၣ်ဘၣ်လီၤႉ ကစၢ်ယ့ၣ့်ှှူးဆိၣ်ဂ့ၤ ကိၣ်ယဲၢ်ဖျၢၣ်ဒီး ညၣ်ခံဘ့ၣ် ဒီးဟ့ၣ်ကဒါက့ၤဆူ အပျဲၢ်အဘီၣ်‚ ဒ်အခီပညီမ့ၢ် ‘‘ဟ့ၣ်အီၣ် အတၢ်သု၀ဲ တက့ၢ်’’ႉ (လူၤ ၉း၁၃-၁၆) ႉ ကစၢ်ခရၠာစးံာ် ကမၤတၢ်လီၤလး ဘၣ်ဆၣ် တလီၢ်လီၢ်‚ အ၀ဲ ဃုထၢထီၣ်ကျဲ လၢပကမၤသကိးတၢ်ဒီးအီၤန့ၣ်လီၤႉ
ကစၢ်ယ့ၣ့်ှှူးစံးဘၣ်ပှၤလၢ ‘‘နမ့ၢ်မတၤဒီးနအိၣ်ဒီးတၢ်မနုၤအံၤ‚ ပာ်ထီၣ်အီၤ ဆူယအိၣ်တက့ၢ်ႉ နတၢ်အိၣ်မူလၢ အဘၣ်လီၤကလဲ‚ နတၢ်စံၣ်စိၤတဲစိၤ‚ နတၢ်ဂံၢ်စၢ် ဘါစၢ် ဒီးနတၢ်ဃၣ်ကွံာ်သး‚ နတၢ်တူၢ်ဘၣ်တၢ်ဒီးတၢ်ဆူးတၢ်ဆါတဖၣ် ခဲလၢာ်ဆူ ယအိၣ်‚ ဟ့ၣ်လီၤအးလီၤတက့ၢ်ႉ နကကမၢကမၣ်ဘၣ်လၢ တၢ်လၢယမၤကဲထီၣ်က့ၤ အီၤသ့၀ဲန့ၣ်လီၤ’’ႉ ကစၢ်ယ့ၣ့်ှှူးသ့ၣ်ညါ ‘‘တၢ်လၢအလီၤဖျဲၣ်လီၤဟိလၢပပူၤတဖၣ်‚ အ၀ဲ မၤပှဲၤက့ၤ၀ဲသ့န့ၣ်လီၤႉ လၢပတၢ်ဂံၢ်စၢ်ဘါစၢ်အပူၤ‚ အ၀ဲလီၣ်ဖျါထီၣ် အတၢ်ဂံၢ် ဆူၣ်ဘါဆူၣ်သ့၀ဲလီၤ’ႉ