ပလံၤခွါဆံးဆံးဖိ ၀ံၢ်၀ၢ်အစုဖိ‚ တချုးဖဲကလီၤဖးဒီးပှၤ၀ံၤ ဃၣ်တရၠာစးံးအသး ဒီးသံကွၢ် တၢ်တမံၤလၢ ‘‘ဖံဖံ‚ ဘၣ်မနုၤလၢနဆၢထၢၣ် ဒီးကွၢ်ပှၤ တုၤပဟးပူၤထီၣ်တစုန့ၣ်လဲၣ်’’ႉ ယနံၤကမှံထီၣ် ဒီးဆိကမိၣ်တၢ်လၢ ယကဘၣ်စံးဆၢက့ၤ အတၢ်သံကွၢ်လၢ ‘‘အလီၤအဲၣ်’’ မ့ၢ်လၢအ၀ဲအသးအနံၣ်အလါစၢ်ဒံးအဃိန့ၣ်လီၤႉ ယဂုာ်ကျဲးစၢးဟ့ၣ်က့ၤ တၢ်စံးလၢ ‘‘ဂ့ၤလံႉ တၢ်အံၤမ့ၢ် တၢ်ဆဲးတၢ်လၤတမံၤ‚ မ့ၢ်လၢနမ့ၢ်ပှၤသမှံၤအဃိ‚ ယကွၢ်ထွဲနခံ တုၤနလဲၤပူၤကွံာ်အံၤ မ့ၢ်ယတၢ်ပာ်ဖျါထီၣ်‚ ယအိၣ်ဒီးတၢ် ကဟုကယာ်နၤန့ၣ်လီၤ’’ႉ အ၀ဲ ခံကွၢ်စီၤကွၢ် ယတၢ်စံးဆၢဒီး ဖျါလၢအတၢ်ဆိကမိၣ် သဘံၣ်ဘုၣ်ဒံးလီၤႉ လၢတၢ်အံၤအဃိ‚ ယစံးဆၢက့ၤ တၢ်သံကွၢ်လၢ တၢ်မ့ၢ်တၢ်တီယိယိဖိအပူၤလၢ ‘‘ယကွၢ်ထွဲနခံ‚ မ့ၢ်လၢယအဲၣ်ဘၣ်နၤအဃိလီၤႉ ဖဲယထံၣ်သိလ့ၣ်လၢနဒိးအီၤ မ့ၢ်ဟးထီၣ်‚ ယသ့ၣ်ညါ လၢ နကက့ၤတုၤဆူ နဟံၣ်ဂ့ၤဂ့ၤလီၤ’’ႉ အ၀ဲနံၤကမှံထီၣ်ဒီး ဟဲဖိးဟုယၤလီၤႉ လၢခံ ကတၢၢ်‚ အ၀ဲနၢ်ပၢၢ်တၢ်အံၤ အခီပညီန့ၣ်လီၤႉ
အ၀ဲနၢ်ပၢၢ်ထီၣ်၀ဲ ဒ်ဖိသၣ်အတၢ်နၢ်ပၢၢ်အသိးန့ၣ်‚ ဒုးသ့ၣ်နီၣ်ထီၣ်ယၤလၢ ပ၀ဲကိးဂၤ ပကဘၣ်သ့ၣ်နီၣ်ထီၣ်လၢ ပပၢ်လၢမူခိၣ်ကွၢ်ပှၤထီဘိတပယူာ်ဃီ‚ ဆူအဖိလၢအအဲၣ်ဘၣ်၀ဲတဖၣ်န့ၣ်လီၤႉ ဒ်ထါစံးထီၣ်ပ့တၢၤ ၁၂၁ ပာ်ဖျါ၀ဲအသိး‚ ‘‘ယွၤမ့ၢ်ပှၤလၢ အကွၢ်လီၤနၤလီၤႉ ယွၤမ့ၢ်နတၢ်ကဒုအိၣ်လၢ နစုထွဲတခီလီၤ’’ (း၅) ႉ
တၢ်အံၤမ့ၢ်တၢ်အုၣ်ကီၤလၢ ပှၤအံၣ်စရၠာစး့လးဖိလၢ အလဲၤဘူၣ်တၢ်ဘါတၢ်လၢ ၀့ၢ်ယ့ှူၤ့ှှလ့ၣ်တဖၣ်အဂီၢ် ဖဲအလဲၤခီဂာ်ဘၣ် ကျဲ‚ ကစၢၢ်တဖၣ်လၢအလီၤဘၣ်ယိၣ် ဘၣ်ဘီအကတီၢ်‚ လၢအတၢ်လဲၤအပူၤန့ၣ်လီၤႉ ‘‘မုၢ်တမၤဆါဘၣ်နၤလၢမုၢ်ဆါခီဘၣ်‚ ဒီးလါန့ၣ်လၢမုၢ်နၤဘၣ်ႉ ယွၤကခိးBတီကွံာ် တၢ်အၢလၢနၤခဲလၢာ်လီၤ’’ (း၆-၇) ႉ ဒ်န့ၣ် အသိး‚ ပ၀ဲလၢ အလဲၤသးသမူအတၢ်လဲၤကိးနံၤ‚ တဘျီဘျီ ပကွၢ်ဆၢၣ်မဲာ်ဘၣ်ဒီး တၢ်လၢ အမၤဘၣ်ဒိ‚ မၤပျံၤမၤဖုးပနီၢ်သး‚ ‘‘နဟးထီၣ်တၢ်ဒီး နဟဲက့ၤတၢ်’’ လီၤႉ ဘၣ်မနုၤ အဃိလဲၣ်ႉ မ့ၢ်လၢအတၢ်အဲၣ်ဘၣ်ပှၤအဃိလီၤႉ ကကွၢ်လီၤပှၤလၢ အကတီၢ် မတၤန့ၣ်လဲၣ်ႉ ‘‘တုၤအံၤဆူညါ ယွၤကအံးက့ၤကကွၢ်က့ၤ၀ဲ လီၤထူလီၤယိာ်လီၤ’’ (း၈) ႉ