တၢ်အိၣ်ဖှိၣ်တဖုလၢ ကၠိးစ် ကွၢ်ထွဲ၀ဲ အမံၤဟူသၣ်ဖျါလၢ တၢ်ရၠာစးဲၣ်တၢ်ကျဲၤ ဒီးတၢ်လၢ အထုးသူၣ်ထုးသးပှၤအါဒံအါဂၤ အတၢ်ဒုးအိၣ်ထီၣ်တၢ်တဖၣ်န့ၣ်လီၤႉ တၢ်ရၠာစးဲၣ်တၢ်ကျဲၤတဖၣ် ဘၣ်တၢ်မၤအီၤဂ့ၤဂ့ၤဘၣ်ဘၣ်‚ အ၀ဲအသူၣ်ကိၢ်သးကိၢ်လၢ‚ တၢ်အိၣ်ဖှိၣ် အတၢ်မၤလၢ အအါအံၤ‚ ကကဲထီၣ်ဘၣ် တၢ်လၢအတလံာ်လီၤဆူ ပနံာ်တၢ်ကၤ အတၢ်မၤ တမံၤန့ၣ်လီၤႉ မ့ၢ်တၢ်အိၣ်ဖှိၣ်အံၤ‚ ဒိၣ်ထီၣ်လၢ ကျဲလၢအဘၣ် မ့တမ့ၢ် ထဲလၢ တၢ်ဟူးတၢ်ဂဲၤတဖၣ်န့ၣ်ဧါလီၤႉ လၢတၢ်အံၤအဃိ‚ ကၠိးစ်သးအိၣ်သ့ၣ်ညါဘၣ် တၢ်အံၤအဃိ‚ အ၀ဲဆိကတီၢ်ကွံာ် တၢ်အိၣ်ဖှိၣ်အတၢ်ဟူးတၢ်ဂဲၤ ဒ်သိးအံၤတဖၣ်လၢ တနံၣ် အတီၢ်ပူၤလီၤႉ အ၀ဲအတၢ်ပညိၣ်တၢ်ကွၢ်စိမ့ၢ်‚ အတၢ်အိၣ်ဖှိၣ်ကမ့ၢ် တၢ်အိၣ်ဖှိၣ်လၢ အမူ‚ ဖဲတၢ်အိၣ်ဖှိၣ်ဖိတဖၣ် ဘူၣ်ထီၣ်ဘါထီၣ် ကစၢ်ယွၤလၢသးနီၢ်နီၢ်န့ၣ်လီၤႉ
ဖျါလၢကၠိးစ် အတၢ်ဆၢတဲာ်အံၤ ကမ့ၢ်တၢ်လၢ အလီၤဆီ‚ တုၤဒၣ်လဲာ်လၢ နမ့ၢ်ဆိကမိၣ်ထီၣ်က့ၤတၢ်လၢ ကစၢ်ယ့ၣ့်ှှူးမၤတ့ၢ်၀ဲတဘျီ ဖဲအလဲၤနုာ်ဆူ တၢ်လုၢ်ဟံၣ် န့ၣ်လီၤႉ တၢ်လီၢ်စီဆှံလၢ ကဘၣ်တၢ်မၤပှဲၤအီၤလၢ တၢ်ဃ့ထုကဖၣ်တၢ်န့ၣ်‚ ကဲထီၣ်တၢ်စူးကါတၢ် ဒ်သိးတၢ်ကမၤပနံာ်တၢ်ကၤအတၢ်မၤန့ၣ်လီၤႉ ‘‘နမၤန့ၢ်ထိၣ်လွံၢ် လၢတၢ်ကလုၢ်ထီၣ်အီၤသ့‚ ဖီဖိတဖၣ် ဒ်ယွၤလိၣ်ဘၣ်၀ဲလီၤႉ’’ ဖဲန့ၣ် ကစၢ်ယ့ၣ့်ှှူး မၤလီၤဃံၤကွံာ်တၢ်ဆါတၢ်ပရၤတၢ်အလီၢ်တဖၣ်ဒီး ဆိကတီၢ်ကွံာ်တၢ်လၢ ပှၤဆါတၢ်ပရၤတၢ် န့ၣ်လီၤႉ လၢတၢ်သူၣ်ဒိၣ်သးဖျိးအပူၤ အ၀ဲစူးကါက့ၤ ယ့ှှါယၤ ၅၆ အတၢ်ကွဲးဒီး ယံးရၠာစးမံ ၇‚ လၢအပာ်ဖျါထီၣ် ‘‘ယဟံၣ် ကဘၣ်တၢ်ကိးအီၤလၢတၢ်ထုကဖၣ်အဟံၣ်‚ လၢပှၤကိးကလုာ်ဒဲးအဂီၢ်န့ၣ် တမ့ၢ်ဘၣ်ဧါႉ မ့မ့ၢ်သုမၤလီၤအီၤ တၢ်ဟုၣ်တၢ်ဘျၣ် အတၢ်ပူၤလီၤ’’ (မၢ် ၁၁း၁၇) ႉ ဘျီၣ်လၢပှၤတခီဘီမုၢ်ဖိအဂီၢ်‚ တၢ်လီၢ်လၢ ပှၤဃၢ်ဃၢၤတဖၣ် ဘူၣ်ထီၣ်ဘါထီၣ်တၢ်ဆူယွၤ‚ ကဲထီၣ်တၢ်လီၢ်လၢတၢ်ဃုကျိၣ်ဃုစ့အလီၢ်န့ၣ်လီၤႉ
တၢ်မၤပနံာ်တၢ်ကၤတၢ်ဒီး တၢ်ဖံးအါမၤအါန့ၣ် တမ့ၢ်တၢ်အကမၣ်ဘၣ်ႉဘၣ်ဆၣ်‚ တၢ်အံၤတမ့ၢ်တၢ်လၢ အကံၢ်အလဲလၢတၢ်အိၣ်ဖှိၣ်န့ၣ်ဘၣ်ႉ ပမ့ၢ်ယွၤအတၢ် လုၢ်ဟံၣ်ဒီး ပတၢ်မၤလၢအကါဒိၣ်န့ၣ် မ့ၢ်ပဘူၣ်ထီၣ်ဘါထီၣ် ယ့ၣ့်ှှူး န့ၣ်လီၤႉ ဖျါလၢ တလိၣ်လၢ ပကဘၣ်ဃၣ်ကဒါကွံာ်စီၢ်နီၤခိၣ်လၢ တၢ်ဆါတၢ်ပရၤတၢ်လၢ ဒ်ယ့ၣ့်ှှူး မၤ၀ဲ‚ မ့မ့ၢ်အ၀ဲကကိးပှၤသ့ၣ်သ့ၣ် ဆူတၢ်ကမၤတၢ်လၢတၢ်ကမၤတပျုာ်တပျီၤကွံာ် တၢ်လၢအပတီၢ်တုၤသိးဒီးတၢ်အံၤန့ၣ်လီၤႉ