‘‘ယအိၣ်ဒီးယမိၢ်ယံာ်တ့ၢ်လံအဃိ‚ အခဲအံၤ အ၀ဲဟးထီၣ်လၢဟံၣ်လံ’’ ခ့ၣ်စံၣ် စံး၀ဲဒၣ် န့ၣ်လီၤႉ လၢခါလၢအပူၤကွံာ်န့ၣ် အတၢ်အိၣ်မူန့ၣ် တဃံတလၤ‚ တချုးလၢအအးလီၤ အသးလၢ ကစၢ်ယ့ၣ့်ှှူးဒံးဘၣ်န့ၣ်လီၤႉ အ၀ဲအၢၣ်လီၤလၢအအိၣ် ဒီးလုၢ်လၢ်လၢအဟုၣ်တၢ်ဘျၣ်တၢ်‚ တုၤဒၣ်လဲာ်လၢပှၤလၢအအဲၣ်ဘၣ်၀ဲ အတၢ်ပိးတၢ်လီတဖၣ်‚ လၢတၢ် ကဆီၣ်ထွဲ အကသံၣ်မူၤဘှိးအပရၤန့ၣ်လီၤႉ တၢ်အိၣ်မူဒ်န့ၣ်သိးတဖၣ် အိၣ်တ့ၢ်လၢအလီၢ်ခံ ဒီးအခဲအံၤ အ၀ဲစးထီၣ် တိၢ်န့ၢ်ဖံးဃာ် နံၣ်‚ လါဒီးနံၤသီတဖၣ်လၢအဒိးဘၣ် တၢ်မၤကဆီှထီၣ်က့ၤန့ၣ်လီၤႉ ဖဲခ့ၣ်စံၣ်ဒီးယၤ‚ ပဆ့ၣ်နီၤမၤလိသကိး ကစၢ်ယွၤအကလုၢ်ကထါ ဒ်ညီနုၢ် အသိး‚ ယကွၢ်ပှၤလၢအဆီတလဲအသးတဂၤအမဲာ်အံၤန့ၣ်လီၤႉ
လံာ်မၢ်ကူး ၅း၁၅ ပာ်ဖျါထီၣ် ပှၤတဂၤ လၢတၢ်နါ အိၣ်လၢအလိၤလၢ အဘၣ်တၢ်ဆီတလဲကွံာ်အီၤန့ၣ်လီၤႉ လၢအပူၤကွံာ်‚ လၢအ၀ဲကဒိးဘၣ်တၢ်ယါဘျါ‚ တၢ်မၤစၢၤ တအိၣ်‚ တၢ်မုၢ်လၢ်တအိၣ်‚ ဟံၣ်ဃီတအိၣ်ဒီး လၢအပှဲၤဒီးတၢ်ဘၣ်ယိၣ် မ့ၢ်တၢ်ကတိၤတဖၣ်လၢ အ့ကၢး၀ဲဘၣ်၀ဲဒီးအီၤ (း၃-၅) လီၤႉ ဘၣ်ဆၣ်‚ တၢ်ကိးမံၤဒဲး ဆီတလဲကွံာ် ဖဲကစၢ်ယ့ၣ့်ှှူး မၤထူၣ်ဖျဲးထီၣ်အီၤ (း၁၃) လီၤႉ ဘၣ်ဆၣ်‚ ဒ်ခ့ၣ်စံၣ်အသိး‚ အတၢ်အိၣ်မူ လၢခါလၢအပူၤကွံာ်‚ တချုးလၢအထံၣ်လိာ်သးဒီး ကစၢ်ယ့ၣ့်ှှူး‚ တၢ်အံၤ ယံၤ၀ဲဒိၣ်မးဒီး တၢ်အိၣ်မူပတီၢ်မုၢ်န့ၣ်လီၤႉ အ၀ဲအသူၣ်အသးလၢ အသဘံၣ်ဘုၣ်လၢ အပာ်ဖျါထီၣ်၀ဲ လၢခိအံၤ‚ တမ့ၢ်တၢ်လၢအလီၤဂာ်ဒီး တၢ်လၢတနံၤအံၤ ပှၤကူပှၤကညီတဖၣ် လဲၤခီဖျိ ဘၣ်၀ဲန့ၣ်ဘၣ်ႉ ပှၤတနီၤလၢ အမၤဆူးမၤဆါပှၤဂုၤပှၤဂၤ ဘၣ်အိၣ်လၢ တၢ်သူၣ်ထီၣ် လၢတၢ်ကွၢ်ကပာ်ကွံာ်တဖၣ်အပူၤ‚ လၢသိလ့ၣ်ဟးဂီၤတဖၣ်အပူၤ မ့တမ့ၢ် လၢတၢ်လီၢ်အဂုၤအဂၤ‚ ပှၤတနီၤ အိၣ်လၢအဟံၣ်ဒၣ်၀ဲအပူၤ‚ ဘၣ်ဆၣ်‚ ဘၣ်တူၢ်ဘၣ်သး အတၢ်ဟူးတၢ်ဂဲၤထဲတဂၤဧိၤန့ၣ်လီၤႉ ထးသွဲလၢ တၢ်ထံၣ်အီၤလၢ မဲာ်ချံတသ့၀ဲတဖၣ်‚ မၤလီၤ ကလဲကွံာ်သူၣ်သး ဆူတၢ်ဂ့ၢ်လၢအ၀ဲသ့ၣ် မၤစီၤစုၤအသးလၢ ပှၤဂုၤပှၤဂၤန့ၣ်လီၤႉ
လၢယ့ၣ့်ှှူးအပူၤ‚ ပအိၣ်ဒီးပှၤတဂၤလၢ ပနာ်န့ၢ်အီၤသ့လၢ တၢ်လၢ ပတူၢ်ဘၣ်ခီၣ်ဘၣ်ဒီး တၢ်မဲာ်ဆှးလၢ ခါလၢအပူၤကွံာ်ဂ့ၤ‚ ခါခဲအံၤဂ့ၤန့ၣ်လီၤႉ အ၀ဲအိၣ်ခိးပှၤ လၢတၢ်သလၣ်ထီၣ်စုလၢ တၢ်သးကညီၤလၢ ပှၤကိးဂၤလၢ အဟဲဆူအအိၣ်န့ၣ်လီၤ (း၁၉) ႉ