အ၀ဲကိးစိအီၤလၢကွဲၤဒီနၢ်လီၤႉ ဆှၢလီၤလံာ်စ့ၢ်ကီးလီၤႉ အခဲအံၤ‚ ဒါရၠာစး်လၣ် ဆၢထၢၣ်လၢ အ၀ဲၢ်ခွါအဟံၣ်ကျဲစၢၤလီၤႉ ဘၣ်ဆၣ်တမၤန့ၢ်တၢ်စံးဆၢ နီတမံၤလၢအ၀ဲၢ်ခွါ အအိၣ် န့ၣ်ဘၣ်ႉ ဒါရၠာစး်လၣ် အ၀ဲၢ်ခွါအံၤ‚ အိၣ်ဒၣ်လၢ အဟံၣ်ဒၣ်၀ဲအပူၤ မ့ၢ်လၢ အအိၣ်ဒီး တၢ်၀ံဃၢလၢ တၢ်သးဟးဂီၤဒီး တၢ်ဘၣ်ခီၣ်ဆၢက့ၤ တၢ်စဲထီလၢ ကသံၣ်မူၤဘှီး အဃိ န့ၣ်လီၤႉ လၢတၢ်မုၢ်လၢ်တအိၣ် ဒ်သိးတၢ်ကဂုာ်ကျဲးစၢး နုာ်လီၤဆူ အ၀ဲအတၢ်အိၣ်ထဲတဂၤဧိၤအပူၤ‚ ဒါရၠာစး်လၣ် ပာ်ဖှိၣ်ထီၣ်တၢ်အီၣ်လၢ အ၀ဲၢ်ခွါအီၣ်ဘဲ၀ဲတနီၤ‚ ဃုာ်ဒီး လံာ်စီဆှံအဆၢဖိတဖၣ်လၢ တၢ်ကဟ့ၣ်ဂံၢ်ဟ့ၣ်ဘါဒီး သွီနုာ်လီၤ တၢ်ဘိၣ်အံၤလၢကရၠာစးၢၢ်အပူၤလီၤႉ
မ့ၢ်လၢ တၢ်ဘိၣ်ဖိအံၤ ဘၣ်ဘျးအသးဒီး ထးခိၣ်စူ လၢကရၠာစးၢၢ်တၢ်ဒူၣ်အဃိ တၢ်အီၣ်တၢ်အီတဖၣ် လီၤကလဲကွံာ်လၢ လၢၢ်ဖိတဖၣ်အလိၤ န့ၣ်လီၤႉ အတၢ်တိာ်လၢအဂ့ၤလၢ အပှဲၤမးဒီးတၢ်အဲၣ်တၢ်ကွံထူၣ်ဖျဲးဒီး လီၤလဲာ်ကွံာ်ဒီး ဖျါလၢ ကဲထီၣ်တၢ်ကလီကလီလီၤႉ မ့ၢ်အ၀ဲၢ်ခွါအံၤ‚ ကပာ်သူၣ်ပာ်သးလၢ အ၀ဲအတၢ်ဟ့ၣ်ဖိအံၤ ကစီဒီဧါႉ မ့ၢ်တၢ်အံၤ‚ ကမၤလၢပှဲၤဘၣ်တၢ်တိာ်လၢ အ၀ဲမုၢ်လၢ်ဘၣ်၀ဲ စ့ၢ်ဧါႉ အ၀ဲမၤသ့ထဲဒၣ် တၢ်ကထုကဖၣ်ထွဲ ဒီးမုၢ်လၢ်တၢ် ဒ်အ၀ဲမုၢ်လၢ်လၢအ၀ဲၢ်ခွါ ကဒိးဘၣ်တၢ်ယါဘျါအဂီၢ်န့ၣ်လီၤႉ
ယွၤအဲၣ်ပှၤဟီၣ်ခိၣ်ဖိလၢအသံးအကာ်‚ အ၀ဲမၤဖုၣ်လီၤ အဖိခွါထဲတဂၤဧိၤ အပတီၢ်လၢ ပတၢ်ဒဲးဘးအဃိ‚ ဟဲစိာ်တၢ်ဟ့ၣ်လၢ အမ့ၢ်တၢ်အဲၣ်တၢ်ကွံ ဒီးတၢ်ယါဘျါ ဆူ ပတၢ်၀ံဃၢဒီး ဟီၣ်ခိၣ်လၢအသုးက့ၤဆူအလီၢ်ခံ (ယိၤ ၃း၁၆) န့ၣ်လီၤႉ ၀ံယ့ှှါယၤ တဲဖျါဆိပာ်စၢၤ တၢ်အပရၤကလံၤလၢ တၢ်အဲၣ်တၢ်ကွံတၢ်အပရၤအံၤ လၢ ‘‘ဖိခွါအံၤ ကဘၣ်တၢ်မၤသဘှံးအီၤလၢ ပတၢ်ဒဲးဘးအဃိလီၤႉ တၢ်သိၣ်ဃီၣ်ဘၣ်ဃးဒီး ပတၢ်ဃူတၢ်ဖိးန့ၣ် အိၣ်၀ဲလၢအလိၤဒီး ပဘျါက့ၤလၢ အဘၣ်တီၢ်အဃိန့ၣ်လီၤ’’ (ယ့ှှါ ၅၃း၅) ႉ အ၀ဲ အတၢ်ပူၤလီၢ် ကဟဲစိာ်တၢ်မုၢ်လၢ်လၢ တၢ်ယါဘျါအဂီၢ်လီၤႉ အ၀ဲဟံးထီၣ်ကွံာ် ‘‘ပတၢ်အၢတၢ်သီခဲလၢာ်လၢ အလိၤလီၤ’’ (း၉) ႉ
ယွၤအတၢ်ဟ့ၣ်လၢ လီၤသဘှံးကွံာ်လၢ ပတၢ်ဒဲးဘး လၢအမ့ၢ်ကစၢ်ယ့ၣ့်ှှူး ဟဲနုာ်ဆူပပှၤကူပှၤကညီလၢတနံၤအံၤ‚ ဃုာ်ဒီးတၢ်စိတၢ်ကမီၤသီသံၣ်ဘှဲ ဒီး တၢ်ထံၣ် အသီတဖၣ်လီၤႉ အတၢ်ဟ့ၣ်အခီပညီမ့ၢ်တၢ်မနုၤလၢနဂီၢ်န့ၣ်လဲၣ်ႉ