ဖဲတၢ်ယီၤဃ့တဘျုးနံၣ်၀ံၤ‚ ပှၢ်မ့ၣ်အူအီၣ်တၢ်လၢ ခဲလံဖိနံယါကလံၤထံးန့ၣ် ပှၤအိၣ်ဆိး ဖဲန့ၣ်တနီၤ ဆိကမိၣ်ထီၣ် တၢ်တဖၣ်အံၤ ဒ်အမ့ၢ် ကစၢ်ယွၤအတၢ်မၤန့ၣ်လီၤႉ တၢ်မၤ တံာ်တာ် အတၢ်သးအုးအံၤ ဘၣ်တၢ်မၤဂၢၢ်မၤကျၢၤအီၤ‚ ဖဲတၢ်ဂံၢ်ထံးအသီတဖၣ် ဟဲပၢၢ်ထီၣ်လၢ အနဲၣ်တၢ်ဆူ တၢ်တမံၤ ဒ်သးစီဆှံအမ့ၣ်အူအသိးန့ၣ်လီၤႉ ပှၤအါဒံအါဂၤ လၢအတနၢမုာ်ဒီးတၢ်လီၢ်အံၤ‚ တသ့ၣ်ညါလၢ တၢ်အံၤမ့ၢ် တၢ်ဒိးသန့ၤတၢ်တမံၤ ဆူ ဟိလ့ၣ်ကၠ့မ် ခဲယိာ်လီၢ်ကပီၤ န့ၣ်ဘၣ်ႉ တၢ်လၢ ဟိလ့ၣ်ကၠ့မ်န့ၣ် မ့ၢ်မတၤန့ၣ်လဲၣ်ႉ ဒ်လီၢ် က၀ီၤ တၢ်စံၣ်စိၤတဲစိၤ ပာ်ဖျါ၀ဲအသိး‚ အ၀ဲမ့ၢ် ပှၤတဂၤလၢ အဘုၣ်ကနဲ‚ တပးကဲတၢ်ဘူၣ်တၢ်ဘါဒီး ကတိၤတၢ် ဆူၣ်ဆူၣ်ကိၤကိၤ‚ လၢအအိၣ်လၢနံၣ်ကယၤတဆံခွံဒီး လၢတၢ်အံၤအဃိ‚ ပှၤအိၣ်ဘူးအိၣ်တံၢ်တဖၣ် နံၤဘၣ်ဖၣ်လဲအီၤဒီး ယုၢ်န့ၢ်အမံၤလၢ ဟိလ့ၣ်ကၠ့မ် ပှၤစီဆှံကၠ့မ်န့ၣ်လီၤႉ
ဘျၢတၢ်စီၤယိၤဟၣ် ဒိးသန့ၤတၢ်လၢ တၢ်ဒိးစူၢ်ဒိးဘျၢတမံၤ ‘‘လၢသးစီဆှံ ဒီး မ့ၣ်အူ’’ ဒီးတၢ်အံၤ အိၣ်စ့ၢ်ကီးဒီးအတၢ်ဂ့ၢ်ဒၣ်၀ဲ ဃုာ်ဒီးတၢ်ဆှဲဖျါ (လူၤကၣ် ၃း၁၆) န့ၣ်လီၤႉ ဖဲပကွၢ်ကဒါက့ၤတၢ်ဂ့ၢ်အံၤ‚ ဖျါလၢအ၀ဲကဆိကမိၣ်ထီၣ်‚ မ့း့ှှံအၤဒီး ပှၤသိတၢ်ဖိအမ့ၣ်အူလၢ ၀ံမံကၤ (၃း၁-၃‚ ၄း၁) အဂ့ၢ်န့ၣ်လီၤႉ ဘၣ်ဆၣ်‚ ဖဲယွၤ အသးစီဆှံ‚ ဟဲလီၤဒ်ကလံၤမုၢ်ဒီး မ့ၣ်အူလၣ်လၢ ကစၢ်ယ့ၣ့်ှှူးအပျဲၢ်အဘီၣ်တဖၣ် အလိၤ‚ ၀ံမံကၤ ဒီးဘျၢတၢ်စီၤယိၤဟၣ် အတၢ်ကတိၤ ကဲထီၣ်တၢ်လၢတၢ်ပညိၣ်အီၤ (မၤတၢ် ၂း၁-၄) န့ၣ်လီၤႉ
မ့ၣ်အူလၢစီၤယိၤဟၣ်တဲဆိတ့ၢ်၀ဲအံၤန့ၣ် တမ့ၢ်တၢ်ဒ် ပှၤသ့ၣ်တဖၣ် အတၢ်မုၢ် လၢ်၀ဲအသိးဘၣ်ႉ ဒ်အမ့ၢ်ကစၢ်ယွၤအတၢ်မၤနီၢ်နီၢ်အသိး‚ တၢ်အံၤဟဲလီၤ၀ဲလၢ တၢ်သးဒူလၢ တၢ်ကစံၣ်တဲၤတဲလီၤ မ့း့ှှံအၤလၢ ကျဲလၢအလီၤဆီတမံၤဒီး မ့ၣ်အူလၣ် န့ၣ်လီၤႉ လၢကစၢ်ယ့ၣ့်ှှူးအသးစီဆှံအပူၤ‚ တၢ်အံၤမၤဖျါထီၣ်တၢ်ဒီး အီၣ်ကွံာ်ပတၢ် ဂုာ်ကျဲးစၢးလၢ အဘျုးတအိၣ်တဖၣ်‚ ဖဲပဒုးအိၣ်ထီၣ် ဒၢးလၢတၢ်အဲၣ်တၢ်ကွံ‚ တၢ်သးခု‚ တၢ်ဃူတၢ်ဖိး‚ တၢ်၀ံသးစူၤ‚ တၢ်မၤဂ့ၤတၢ်‚ တၢ်စူၢ်တၢ်နာ်‚ တၢ်ဆီၣ်လီၤပသး ဒီး တၢ်ကီၤသူၣ်ကီၤသးလၢ အဘၣ်တၢ်ပၢၤအီၤလၢ သးစီဆှံအဂီၢ် (ကွၢ်‚ ကလၤ ၅း၂၂-၂၃) န့ၣ်လီၤႉ တၢ်ဒ်သိးအံၤတဖၣ်‚ မ့ၢ်ယွၤအတၢ်မၤအသးအိၣ်မၤ၀ဲလၢပပူၤန့ၣ်လီၤႉ