ဖဲယမ့ၢ်ဒံးဖိသၣ်ဆံးကတီၢ်‚ ယဆိကမိၣ်ထီၣ် တၢ်သး၀ံၣ်အခိၣ်တီ ‘‘အ၀ဲလဲၤတလၢ ကွံာ်ယတၢ်ကမၣ် ဒီးထံၣ်တၢ်လၢယလိၣ်ဘၣ်၀ဲ’’ လၢအဘၣ်တၢ်ကွဲးထုးထီၣ် လၢ ဒီးထံၣ်ရၠာစးၣ်ဘိၣ် ဖဲ ၁၉၆၇ နံၣ်‚ မ့ၢ် ‘‘အ၀ဲလဲၤတလၢကွံာ်စ့ၢ်ကီး ယတၢ်ကမၣ်ဒီးထံၣ် ယခီၣ် လ့ၢ်ခိၣ်လၢအကနိး၀ဲဧါ’’ န့ၣ်လီၤႉ ဒ်ဖိသၣ်တဂၤ အတၢ်ဆိကမိၣ်အသိး‚ ယကမၢကမၣ်လၢ ဘၣ်မနုၤ ယွၤကွၢ်ယခီၣ်လ့ၢ်ခိၣ်တဖၣ်လၢ အကနိး၀ဲ န့ၣ်လီၤႉ မ့ၢ်လၢအဂံၢ်အဘါစၢ်၀ဲအဃိန့ၣ်ဧါႉ ယသ့ၣ်ညါလၢ ခီၣ်လ့ၢ်ခိၣ်လၢ အဂံၢ်ဘါစၢ်မ့ၢ် ‘‘တၢ်ပျံၤတၢ်ဖုးတၢ်’’ န့ၣ်လီၤႉ လၢခံယထံၣ်သ့ၣ်ညါက့ၤယဲလၢ ဒီးထံၣ် အတၢ်ကွဲးထါအံၤ မ့ၢ်တၢ်သးအိၣ်ပာ်ဖျါထီၣ် ယွၤအတၢ်အဲၣ်လၢ အတသန့ၤထီၣ်သးလၢ တၢ်နီတမံၤလၢ တၢ်မၤဆၢက့ၤတၢ်လၢ အဒီ ပုၢ်၀ဲၢ် အဲးဒံၢ် အတၢ်နာ်လၢ အ၀ဲမ့ၢ်ပှၤလၢအတလီၤအဲၣ်လီၤကွံ မ့ၢ်လၢအ၀ဲမၤကမၣ်ဘၣ်တၢ်အဃိန့ၣ်လီၤႉ ဒီးမၤလီၤတံၢ်အီၤလၢ‚ ယွၤ ထံၣ်သ့ၣ်ညါ အ၀ဲအတၢ်ဂံၢ်စၢ်ဘါစၢ်‚ ဘၣ်ဆၣ်လၢ ကျဲတဘိဘိအဲၣ်ဒံးဒၣ်အီၤန့ၣ်လီၤႉ
ကစၢ်ယွၤအတၢ်အဲၣ်လၢ အတသန့ၤထီၣ်သးလၢတၢ်နီတမံၤအံၤ‚ ဖျါထီၣ်လၢ ခီၣ်လ့ၢ်ခိၣ်လၢ အကနိး၀ဲအကတီၢ်လၢ ပှၤအံၣ်စရၠာစး့လး ဒီးပှၤယူဒၤဖိ အတၢ်အိၣ်မူအပူၤန့ၣ်လီၤႉ အ၀ဲဆှၢလီၤ၀ံတဖၣ် ဒ်၀ံယ့ှှါယၤဃုာ်ဒီး တၢ်ကစီၣ်လၢ အပှၤဂီၢ်မုၢ်လၢ အလဲၤဖဲဒၣ်အသးတဖၣ်အဂီၢ်န့ၣ်လီၤႉ ဖဲယ့ှှါယၤ ၃၅ အပူၤ‚ ၀ံအံၤစံၣ်တဲၤတဲလီၤ ယွၤအတၢ်မုၢ်လၢ်လၢ ကစၢ်ယွၤသူၣ်ထီၣ်က့ၤ၀ဲအဂ့ၢ်န့ၣ်လီၤႉ တၢ်ဟ့ၣ်ဂံၢ်ဟ့ၣ်ဘါ ဒ်တၢ်အစၢလၢအကဟဲဖျါထီၣ်တမံၤ လၢတၢ်မုၢ်လၢ် က‘ဒုးဆူၣ်ထီၣ်စုလၢ အလီၤစၢ်ဒီးဒုးကျၢၤထီၣ် ခီၣ်လ့ၢ်ခိၣ်လၢ အကနိး’ (း၃) န့ၣ်လီၤႉ လၢတၢ်အံၤအဃိ‚ ၀ံယ့ှှါယၤ နဲၣ်လိ၀ဲ အဆၢဖိ ၄ အံၤ ဆူ ‘‘စံးဘၣ်ပှၤ လၢအပျံၤတၢ်‚ အိၣ်ဆူၣ်တက့ၢ်ႉ ပျံၤတၢ်တဂ့ၤ‚ ကွၢ်ကွၢ် သုကစၢ်လီၤႉႉႉ’’
မ့ၢ်နကလၢၢ်ဘၣ် နခီၣ်လ့ၢ်ခိၣ် ကနိးဒီးဂံၢ်ဘါစၢ်၀ဲဧါႉ တဲဘၣ်တၢ်အံၤဆူ နပၢ်လၢအအိၣ်လၢမူခိၣ်တက့ၢ်ႉ အ၀ဲဟ့ၣ်သဆၣ်ထီၣ် ပှၤလၢအခီၣ်လ့ၢ်ခိၣ်ကနိး၀ဲ တဖၣ်‚ ခီဖျိ လံာ်စီဆှံတၢ်မ့ၢ်တၢ်တီ အဆၢဖိတဖၣ် ဒီး တၢ်စိတၢ်ကမီၤလၢ အအိၣ်ဒီးပှၤန့ၣ်လီၤႉ ၀ံၤ‚ နကဟ့ၣ်ဂံၢ်ဟ့ၣ်ဘါကဒါက့ၤ ပှၤဂုၤပှၤဂၤ‚ ကသ့၀ဲလီၤႉ