ဖဲ ၁၉၁၈ နံၣ်‚ ဖဲဟီၣ်ခိၣ်ဒီဘ့ၣ်တၢ်ဒုးတၢတဘျီ ဘူးကကတၢၢ်န့ၣ် ပှၤဒိတၢ်ဂီၤ အံးရၠာစးံးအဲစတီမ်‚ ပာ်ဖှိၣ်ထီၣ်တၢ်ဂီၤ ဃုာ်ဒီးတၢ်ကဘျံးဒံးဖိတခါလၢ အတၢ်ဖံးတၢ်မၤအပူၤ န့ၣ်လီၤႉ အ၀ဲသးအိၣ်ဒုးပၣ်ဃုာ် တၢ်တမံၤ လၢအဆဲးကျိးတၢ်လၢ သးလၢအပှဲၤဒီး တၢ်လၢတၢ်ပှဲၤတမံၤလၢ တၢ်အကတီၢ်တကတီၢ်လၢ တၢ်ကဒုးကလၢၢ်ဘၣ် ပှၤအါဒံ အါဂၤလၢ အသးလီၤဖျဲၣ်လီၤဟိ၀ဲတဖၣ်န့ၣ်လီၤႉ အခဲအံၤ‚ လၢအ၀ဲအတၢ်ဂီၤလၢ အအဲၣ်ဘၣ်၀ဲန့ၣ် သးပှၢ်လၢအအိၣ်ဒီး အခၣ်ဆူၣ်တဂၤ‚ ဆ့ၣ်နီၤဒီး ဆုးလီၤအခိၣ်‚ ဖိှၣ်ထီၣ်စု ဃ့ထုကဖၣ်တၢ်လၢ စီၢ်နီၤခိၣ်န့ၣ်လီၤႉ လၢအ၀ဲအမဲာ်ညါ အိၣ်ထဲဒၣ် လံာ်တဘ့ၣ်‚ မဲာ်ကး‚ မ့ၤစဲတခွး‚ ကိၣ်တလိၣ်ဒီး ဒီတဘ့ၣ်လီၤႉ တၢ်တအိၣ် အါထီၣ်နီတမံၤ‚ ဒ်န့ၣ်အသိးတၢ်တစှၤကဲၣ်ဆိးနီတမံၤဘၣ်လီၤႉ
ပှၤတနီၤကစံး‚ တၢ်ဂီၤအံၤ မ့ၢ်တၢ်လၢအနဲၣ်ဖျါထီၣ်တၢ်တကူတလၢ‚ တၢ်ဃံးတၢ်စ့ၤန့ၣ်လီၤႉ ဘၣ်ဆၣ်‚ ဟဲန်စတီ အတၢ်နဲၣ်ဖျါထီၣ် တၢ်မ့ၢ်တၢ်တီလၢ အထီဒါ တၢ်ထံၣ်အံၤန့ၣ်လီၤႉ တၢ်အံၤမ့ၢ် တၢ်မူအလၢအပှဲၤတမံၤလၢ ပှၤလၢအသ့စံးဘျုးတၢ်‚ ပှၤတဂၤလၢ အမ့ၢ်နၤဒီးယၤ‚ လဲၤခီဖျိဃုာ်စ့ၢ်ကီးဒီး ပတၢ်အိၣ်သး ကမ့ၢ်ဒ်လဲၣ်ဒ်လဲၣ် အတွးတအိၣ်၀ဲန့ၣ်ဘၣ်လီၤႉ ကစၢ်ယ့ၣ့်ှှူး ဘိးဘၣ်သ့ၣ်ညါ တၢ်သးခုကစီၣ် ‘‘တၢ်မူႉႉႉ အါအါကလဲာ်’’ လၢ လံာ်ယိၤဟၣ် ၁၀ န့ၣ်လီၤ (း၁၀) ႉ ပမၤဟးဂူာ်ဟးဂီၤကွံာ် တၢ်သးခုကစီၣ်ဒ်သိးအံၤ‚ ဖဲပပာ် ‘‘တၢ်မူအါအါကလဲာ်’’ အံၤ တုၤသိးဒီးတၢ်ပီးတၢ်လီအါမံၤလၢ ပပၢၤဘၣ်အီၤ တဖၣ်န့ၣ်လီၤႉ တၢ်မူအါအါကလဲာ်လၢ ကစၢ်ယ့ၣ့်ှှူးစံး၀ဲ‚ တမ့ၢ်တၢ်လၢ တၢ်ထိၣ်တဲာ်အီၤသ့ဒီး ဟီၣ်ခိၣ်တၢ်ထူးတၢ်တီၤ မ့တမ့ၢ် တၢ်စုလီၢ်ခီၣ်ခိၣ်ဘၣ်ႉ မ့မ့ၢ် အါန့ၢ်တၢ်အံၤ မ့ၢ်ပသူၣ် ပသးဒီး တၢ်ဂံၢ်ဆူၣ်ဘါဆူၣ်‚ တၢ်အဒိလၢ ပတၢ်သ့ၣ်ညါဆၢက့ၤ တၢ်ဘျုးလၢပှၤကွၢ်သိလၢ အဂ့ၤတဂၤအတၢ်ဟ့ၣ်လီၤ ‘‘အသးသမူလၢအသိအဂီၢ်’’ (း၁၁) ဒီး ကဟုကယာ်ပှၤလၢ ကိးနံၤပတၢ်လိၣ်ဘၣ်တၢ်တဖၣ်န့ၣ်လီၤႉ တၢ်အံၤ မ့ၢ်တၢ်မူအလၢ အပှဲၤ (အါအါကလဲာ်) လၢ တၢ်မုာ်လၤသးခုလၢ တၢ်ကရၠာစး့လိာ်ဘၣ်ပသးဒီးကစၢ်ယွၤ လၢအကဲထီၣ်၀ဲသ့လၢ ပ၀ဲကိးဂၤဒဲးအဂီၢ်န့ၣ်လီၤႉ