ယမၤန့ၢ်သပၢၤဟီၣ်ခိၣ်လီၢ်လံၤတဖၣ်လၢ ပူၤကွံာ်နံၣ်လၢပျၢၤတဖၣ်န့ၣ်လီၤႉ တၢ်လၢ ယဘၣ်သူၣ်ဘၣ်သးမ့ၢ် သပၢၤလၢပှၤခူၣ်န့ၢ်လၢ စီၤအၤ့ဘၤဟၣ်အစိၤဆၢကတီၢ်အလီၢ် န့ၣ်လီၤႉ အစှၤကတၢၢ်‚ ကဘၣ်မ့ၢ်တၢ်ပိးတၢ်လီတမံၤလၢ အနံၣ်အလါပှၢ်န့ၢ်ဒံး တၢ်လၢ အအိၣ်လၢယဟံၣ်အပူၤလီၤႉ တမ့ၢ်ထဲ တၢ်ကကွၢ်ကီအီၤဧိၤ ဘၣ်အၢ‚ တဲၤဖး‚ ပိာ်ကွံာ်ဒီးလိၣ်လၢ တၢ်ကထူးအီၤဂ့ၤဂ့ၤတမံၤန့ၣ်ဘၣ်ႉ ယပၢၤဃာ် တၢ်အံၤလၢ တၢ်ကဒုးသ့ၣ်ညါထီၣ်ယၤလၢ ယမ့ၢ်ပှၤကညီတဂၤလၢ အဘၣ်တၢ်တ့အီၤလၢကပံာ်န့ၣ်လီၤႉ ဖဲလၢသဘှံးကွံာ်ဒီး ဂံၢ်စၢ်ဘါစၢ်ညီညီဒၣ်လဲာ်‚ ယစိာ်ထီၣ် တၢ်လုၢ်ဒိၣ် ပရၤဒိၣ်လၢ တၢ်ထိၣ်တဲာ်အပရၤတသ့လၢ အမ့ၢ် ယ့ၣ့်ှှူး န့ၣ်လီၤႉ ‘‘ပအိၣ်ဒီး တၢ်လုၢ်ဒိၣ်ပရၤဒိၣ် (ယ့ၣ့်ှှူး) လၢသပၢၤ ဟီၣ်ခိၣ် အပူၤ ႉႉႉ’’ (၂ကရၠာစးံၣ် ၄း၇) လီၤႉ
စီၤပီလူး စံးကဒီးဆူညါ လၢ ‘‘တၢ်မၤတံာ်တာ်ပှၤလၢ တၢ်ကိးမံၤဘၣ်ဆၣ်ဒီး‚ တၢ်ဆီၣ်အံၣ်လီၤ ပတၢ်တမ့ၢ်ဘၣ်ႉပကမၤဒ်လဲၣ်ဒ်လဲၣ် ပကူၣ်တဘၣ်ဘၣ်ႉ မ့မ့ၢ် ပတၢ်မုၢ်လၢ်တဟါမၢ်ဘၣ်ႉ တၢ်မၤအၢမၤနးပှၤ ဘၣ်ဆၣ်ဒီး တၢ်တလဲၤသဒၣ်ဘၣ်ပှၤဘၣ်ႉ တၢ်မၤလီၤဃံၤပှၤ ဘၣ်ဆၣ်ဒီး‚ ပတဟးဂီၤဘၣ်’’ (း၈-၉) ႉ တၢ်မၤတံာ်တာ်ပှၤ‚ မၤသဘံၣ်ဘုၣ်ပှၤ‚ မၤအၢမၤနးပှၤဒီး ပဘၣ်တၢ်မၤလီၤဃံၤပှၤလီၤႉ တၢ်ဒ်သိးအံၤတဖၣ်‚ မ့ၢ်တၢ်လၢသပၢၤတဖျၢၣ် ဘၣ်တူၢ်၀ဲန့ၣ်လီၤႉ ဘၣ်ဆၣ်‚ ပတဘၣ်တၢ်ဆီၣ်သနံးပှၤ‚ ပတၢ်မုၢ်လၢ်တဟါမၢ်‚ ပတဘၣ် တၢ်လဲၤသဒၣ်ပှၤဒီး ပတဟးဂီၤ၀ဲစ့ၢ်ကီးဘၣ်ႉ တၢ်ဒ်သိးအံၤ မ့ၢ်တၢ်ဂံၢ်တၢ်ဘါလၢ အBတီဆၢက့ၤတၢ် ခီဖျိပကစၢ်ယ့ၣ့်ှှူး အတၢ်အိၣ်ဒီးပှၤအဃိန့ၣ်လီၤႉ
‘‘ပစိာ်ယ့ၣ့်ှှူးအတၢ်ဒိးသံအသးလၢပနီၢ်ခိတဘိယူၢ်ဃီ‚’’ (း၁၀) ႉ တၢ်အံၤ‚ မ့ၢ်တၢ်ပာ်သူၣ်ပာ်သးလၢ အလီၣ်ဖျါထီၣ်ကစၢ်ယ့ၣ့်ှှူးအတၢ်သံလၢ အကစၢ်ဒၣ်၀ဲ ကိးနံၤန့ၣ်လီၤႉ ဒီးတၢ်အံၤ မ့ၢ်စ့ၢ်ကီးတၢ်ပာ်သူၣ်ပာ်သးလၢ ပလီၣ်ဖျါထီၣ်အီၤသ့‚ တၢ်သူၣ်ဆူၣ်သးဆူၣ်တမံၤလၢ တၢ်ကသံကွံာ်လၢ နီၢ်တဂၤအတၢ်ဂုာ်ကျဲးစၢးတၢ်‚ မ့မ့ၢ်ဆူ တၢ်ကနာ်န့ၢ်တၢ် လၢလၢပှဲၤပှဲၤထဲ ပှၤလၢအမူလၢပပူၤတဂၤဧိၤန့ၣ်လီၤႉ
‘‘ဒ်သိးယ့ၣ့်ှှူးအတၢ်မူကအိၣ်ဖျါထီၣ်စ့ၢ်ကီးလၢ ပနီၢ်ခိလီၤ’’ (း၁၀) ႉ တၢ်အံၤမ့ၢ် တၢ်အစၢလၢအဟဲဟးထီၣ်၀ဲ‚ လၢအမ့ၢ်ယ့ၣ့်ှှူး အတၢ်ဃံတၢ်လၤ ဒုးကဲထီၣ်တၢ်လၢ ပှၤထံၣ်အီၤသ့လၢ သပၢၤလီၢ်လံၤတဖျၢၣ်အပူၤန့ၣ်လီၤႉ