ထါတယုၢ်လၢ ‘‘ဖိသၣ်အံၤ ဘၣ်တၢ်အဲၣ်အီၤ’’အပူၤ‚ အိၣ်မီၣ်၀ူၣ်မံၣ်အံၣ်ဖူၣ်အဲလၢ ဘၣ်တၢ်သ့ၣ်ညါအီၤ ဒ်တၢ်အိၣ်ဖှိၣ်သရၠာစးၣ်အိၣ်‚ ကွဲးထါလၢ ဘၣ်ဃးဒီးအမိၢ် အပၢ်လၢဂုာ်ကျဲးစၢး မၤကတၢၢ်ကွံာ်ဟုးသးလၢ တၢ်ကဟဲအိၣ်ဖျဲၣ်ထီၣ်အီၤ အဂ့ၢ်န့ၣ်လီၤႉ ဖဲတၢ်ဂ့ၢ်တဖၣ်အိၣ်ထီၣ်၀ဲ ဖဲအ၀ဲသ့ၣ်လၢ တၢ်ကမၤလီၤတဲာ်ကွံာ်အီၤဒီး အ၀ဲသ့ၣ်ပာ်လီၤအသး ဒ်သိးကတူၢ်လိာ်ဖိသၣ်အံၤန့ၣ်လီၤႉ တၢ်သ့ၣ်ညါလၢ ကစၢ်ယွၤ အတၢ်ပၢၤဃာ်အီၤလၢ အသးသမူအံၤ ဟ့ၣ်ဆူၣ်ထီၣ် အိၣ်မီၣ်၀ူၣ်ရၠာစးံၣ် လၢ ကပာ်တ့ၢ်ကွံာ်တၢ်မၤလၢ ကဒိးန့ၢ် ကျိၣ်စ့အါအါလၢ တၢ်လုၢ်အီၣ်သးသမူဒီး ကမၤတၢ်လၢာ်ဆၢလၢာ် ကတီၢ်လၢ တၢ်သးခုကစီၣ်တၢ်မၤန့ၣ်လီၤႉ တနံၤအံၤ‚ လၢတၢ်သးတီအပူၤ အ၀ဲဟ့ၣ်လီၤအသး ဒ်တၢ်အိၣ်ဖှိၣ်သရၠာစးၣ် အသိးလၢ ၀့ၢ်လိဒိၣ်တၢ်အိၣ်ဖှိၣ်တဖျၢၣ်အပူၤန့ၣ်လီၤႉ
ဒ်တၢ်အိၣ်ဖှိၣ်သရၠာစးၣ်အိၣ် အသိး‚ ပှၤအံၣ်စရၠာစး့လးဖိတဖၣ် လဲၤခီဖျိဘၣ် ယွၤ အတၢ် နုာ်လီၤ မၤဃူမၤဖိးက့ၤတၢ် လၢတၢ်ဆၢကတီၢ် လၢအဘၣ်ဒိညီတကတီၢ် လၢအ၀ဲသ့ၣ် အတၢ်စံၣ်စိၤတဲစိၤအပူၤန့ၣ်လီၤႉ ဖဲအလဲၤတၢ်လၢ ပှၢ်မုၢ်ကနၢကတီၢ်‚ အ၀ဲသ့ၣ် ဘၣ်သဃိာ်ဒီး စီၤဘၤလးလၢ အမ့ၢ်မိၤအးအစီၤပၤလီၤႉ လၢတၢ်ပျံၤဘၣ်ဖုးဘၣ်တၢ်လၢ အ၀ဲသ့ၣ် ကမၤနၢၤကွံာ်တၢ် ဃုာ်ဒီးကမျၢၢ်နီၣ်ဂံၢ်လၢအအါ‚ စီၤဘၤလး မၢ စီၤဘံးလၣ် လၢကဆိၣ်ဃီၣ်တၢ်လၢ ပှၤအံၣ်စရၠာစး့လးဖိတဖၣ်အဖီခိၣ်န့ၣ်လီၤ (၄ မိၤ ၂၂း၂-၆) ႉ
ဘၣ်ဆၣ် တၢ်လီၤကမၢကမၣ် ဟဲအိၣ်ထီၣ်လီၤႉ တဘျီလၢ်လၢ် ဖဲစီၤဘံးလၣ်အိးထီၣ်အထးခိၣ်လၢ ကဆိၣ်အၢတၢ်န့ၣ် အထးခိၣ် ဟဲဟးထီၣ်ထဲတၢ်ဆိၣ်ဂ့ၤတၢ်လီၤႉ ကွၢ်ကွၢ်‚ ယဒိးန့ၢ်လၢ ယကဆိၣ်ဂ့ၤတၢ်ဒီး အ၀ဲဒၣ်ဆိၣ်ဂ့ၤ၀ဲ‚ ဒီးယဘိးကဒါတသ့ဘၣ်ႉ တကွၢ်ဘၣ်တၢ်အၢလၢ ယၤကိာ်အပူၤဘၣ်ႉ ဒီးတထံၣ်ဘၣ်တၢ်မၤအၢလၢ အံၣ်စရၠာစး့လး အပူၤဘၣ်ႉ ယွၤအကစၢ် အိၣ်ဒီးအီၤ‚ ႉႉႉ ယွၤဒုးဟးထီၣ်ကွံာ်အီၤလၢ အဲၤကူပတူးအပူၤ‚ အိၣ်ဒီးအဂံၢ်အဘါ ဒ်တၤဖးအသိးလီၤ (၄ မိၤ ၂၃း၂၀-၂၂) ႉ ယွၤပၢၤ ပှၤအံၣ်စရၠာစး့လးဖိ တဖၣ်လၢ တၢ်ဒုးတခါလၢ အတသ့ၣ်ညါဒၣ်လဲာ်‚ လၢအနးဒိၣ်၀ဲန့ၣ်ဘၣ်ႉ
ဖဲလၢပထံၣ်တၢ်အံၤဂ့ၤ‚ ပတထံၣ်တၢ်အံၤဂ့ၤ‚ ကစၢ်ယွၤအိၣ်ခိးကွၢ်ဒံးဒၣ် အပှၤဂီၢ်မုၢ် တုၤတနံၤအံၤန့ၣ်လီၤႉ မ်ပဘူၣ်ထီၣ်ဘါထီၣ်ယွၤလၢ တၢ်စံးဘျုးဒီးယူးယီၣ် ပးကဲ ပှၤလၢအကိးပှၤ‚ ပှၤဘၣ်ဆိၣ်ဂ့ၤန့ၣ်တက့ၢ်ႉ