ပအိၣ်ဒီးတၢ်သူၣ်ပိၢ်သး၀းဘၣ်ဃး ယ၀ၤအတၢ်မၤအသီန့ၣ်လီၤႉ ဘၣ်ဆၣ်ဒီး တၢ်လၢပတထံၣ်သ့ၣ်ညါတဖၣ်အတၢ်တၤပှၤန့ၣ် မၤကိၢ်မၤဂီၤယသးလီၤႉ ယဆိကမိၣ်ထီၣ်တၢ် လၢယကဘၣ်ဃုထၢဘိၣ်ထီၣ်ပတၢ်ဖိတၢ်လံၤတဖၣ်အဂ့ၢ်‚ ပကဘၣ်ဃုထၢ တၢ်လီၢ်တတီၤ လၢပကဘၣ်အိၣ်အဂီၢ်‚ ယကဘၣ်ဃုထၢ ယတၢ်မၤအသီစ့ၢ်ကီး‚ တၢ်ဟး၀့ၤ၀ီၤ လၢ၀့ၢ်အသီတ၀့ၢ်အပူၤ ဒီးသူၣ်ထီၣ်ဆီလီၤ သးတဖၣ်အဂ့ၢ် လီၤႉ တၢ်ခဲလၢာ် အလီၤတံၢ်တအိၣ်နီတမံၤဘၣ်ႉ ယဆိကမိၣ်ထီၣ် တၢ်လၢယကဘၣ်မၤတဖၣ် တမံၤဘၣ်တမံၤအခါ‚ စီၤပီလူး အတၢ်ကွဲးတတီၤ သီၣ်ထီၣ်လၢယသးတၢ်ဆိကမိၣ် အပူၤ စံး၀ဲ‚ ‘‘ဘၣ်ယိၣ်တၢ်နီတမံၤတဂ့ၤ‚ ဘိးဘၣ်သ့ၣ်ညါ ယွၤလၢ သုတၢ်အဲၣ်ဒိးတဖၣ်တက့ၢ်’’ (ဖံ ၄း၆‚၇) န့ၣ်လီၤႉ
ပှၤတဂၤဂၤ လၢအသူၣ်ကိၢ်သးဂီၤ လၢတၢ်တမံၤမံၤ လၢပတထံၣ်စိအဃိမ့ၢ်ဂ့ၤ‚ တၢ်လၢအတၤပှၤတဖၣ်မ့ၢ်ဂ့ၤ အဃိန့ၣ်‚ ပှၤအ၀ဲန့ၣ်ကမ့ၢ်ဒၣ်စီၤပီလူးလီၤႉ အ၀ဲ အကဘီ ဟးဂီၤ‚ ဘၣ်တၢ်ဒိအီၤတီၢ်အီၤ ဒီးတၢ်စၢဃာ်အီၤ လၢဃိာ် ပူၤလီၤႉ ကွဲးလီၤလံာ်တၢ်ပရၠာစးၢဆူ ဖံလံးပံၤတၢ်အိၣ်ဖှိၣ်န့ၣ်‚ ဟ့ၣ်ဂံၢ်ဟ့ၣ်ဘါ အတံၤသကိးလၢ အဘၣ်ကွၢ်ဆၢၣ်မဲာ်တၢ် လၢတထံၣ်စိဘၣ်တဖၣ်စ့ၢ်ကီးလၢ ‘‘သုသု တဘၣ်ယိၣ်တၢ်နီတမံၤတဂ့ၤႉ မ့မ့ၢ်လၢတၢ်ကိးမံၤဒဲးန့ၣ်‚ လၢတၢ်ထုကဖၣ်တၢ်ဃ့ကညးအိၣ်ဒီး တၢ်စံးထီၣ်ပ့တၢၤ တၢ်အဘျုးအဖိှၣ်အပူၤန့ၣ်‚ ဘိးဘၣ်သ့ၣ်ညါ ယွၤလၢသုတၢ်အဲၣ်ဒိးတဖၣ် န့ၣ်တက့ၢ်’’ (ဖံ ၄း၆) န့ၣ်လီၤႉ
စီၤပီလူးအတၢ်ကတိၤတဖၣ် မၤဆူၣ်ထီၣ်ယသးလီၤႉ တၢ်အိၣ်မူ ဆီတလဲသး အဂ့ၢ်ဖးဒိၣ်အက့ၢ်အဂီၤ‚ ဒူၣ်ဖိထၢဖိအတၢ်ဂ့ၢ်တၢ်ကျိၤတဖၣ်‚ တၢ်အိၣ်ဆူၣ်အိၣ်ခ@အဂ့ၢ် လီၤပျံၤတဖၣ် မ့တမ့ၢ် ဒ်ကျိၣ်ဧိၤစ့ဧိၤ အတၢ်ကိၢ်တၢ်ဂီၤတဖၣ် ဟဲတုၤအိၣ်ပှၤဒၣ်လဲာ်‚ တၢ်အိၣ်မူအံၤ တမ့ၢ်တၢ်လၢအတလီၤတံၢ်လီၤဆဲးတဂၢၢ်တကျၢၤန့ၣ်ဘၣ်ႉ တၢ်လၢယမၤလိဆူညါမ့ၢ်၀ဲ ယွၤအသူၣ်အိၣ်သးအိၣ်ကဟုကယာ်ပှၤအဂ့ၢ်န့ၣ်လီၤႉ အ၀ဲကိးထီၣ်ပှၤ လၢပတၢ်ဘၣ်ယိၣ်တၢ် လၢပတထံၣ်စိပကွၢ်တဖျါတဖၣ်နှၣ် ပကပျဲကွံာ် ဒီးဟ့ၣ်လီၤဆူအစုပူၤန့ၣ်လီၤႉ တုၤပမၤဒ်န့ၣ်ဒီး ပှၤလၢအသ့ၣ်ညါတၢ်ကိးမံၤတဂၤန့ၣ်‚ အၢၣ်လီၤအီလီၤ လၢအတၢ်ဃူတၢ်ဖိး‚ လၢအဒိၣ်န့ၢ်ယိာ်န့ၢ် ကယဲၢ်ပသ့ၣ်ညါနၢ်ပၢၢ်တၢ်န့ၣ်‚ ကပၢၤပသူၣ်ပသးဒီး‚ ပဆိကမိၣ်တၢ်လၢ ယ့ၣ်။းခရၠာစးံာ်အပူၤလီၤ (ဖံ ၄း၇) ႉ