တၢ်မၤဘျါတၢ်သူၣ်ကိၢ်သးဂီၤ
ပအိၣ်ဒီးတၢ်သူၣ်ပိၢ်သး၀းဘၣ်ဃး ယ၀ၤအတၢ်မၤအသီန့ၣ်လီၤႉ ဘၣ်ဆၣ်ဒီး တၢ်လၢပတထံၣ်သ့ၣ်ညါတဖၣ်အတၢ်တၤပှၤန့ၣ် မၤကိၢ်မၤဂီၤယသးလီၤႉ ယဆိကမိၣ်ထီၣ်တၢ် လၢယကဘၣ်ဃုထၢဘိၣ်ထီၣ်ပတၢ်ဖိတၢ်လံၤတဖၣ်အဂ့ၢ်‚ ပကဘၣ်ဃုထၢ တၢ်လီၢ်တတီၤ လၢပကဘၣ်အိၣ်အဂီၢ်‚ ယကဘၣ်ဃုထၢ ယတၢ်မၤအသီစ့ၢ်ကီး‚ တၢ်ဟး၀့ၤ၀ီၤ လၢ၀့ၢ်အသီတ၀့ၢ်အပူၤ ဒီးသူၣ်ထီၣ်ဆီလီၤ သးတဖၣ်အဂ့ၢ် လီၤႉ တၢ်ခဲလၢာ် အလီၤတံၢ်တအိၣ်နီတမံၤဘၣ်ႉ ယဆိကမိၣ်ထီၣ် တၢ်လၢယကဘၣ်မၤတဖၣ် တမံၤဘၣ်တမံၤအခါ‚ စီၤပီလူး အတၢ်ကွဲးတတီၤ သီၣ်ထီၣ်လၢယသးတၢ်ဆိကမိၣ် အပူၤ စံး၀ဲ‚ ‘‘ဘၣ်ယိၣ်တၢ်နီတမံၤတဂ့ၤ‚ ဘိးဘၣ်သ့ၣ်ညါ ယွၤလၢ သုတၢ်အဲၣ်ဒိးတဖၣ်တက့ၢ်’’ (ဖံ ၄း၆‚၇) န့ၣ်လီၤႉ
ပှၤတဂၤဂၤ လၢအသူၣ်ကိၢ်သးဂီၤ လၢတၢ်တမံၤမံၤ လၢပတထံၣ်စိအဃိမ့ၢ်ဂ့ၤ‚ တၢ်လၢအတၤပှၤတဖၣ်မ့ၢ်ဂ့ၤ အဃိန့ၣ်‚ ပှၤအ၀ဲန့ၣ်ကမ့ၢ်ဒၣ်စီၤပီလူးလီၤႉ အ၀ဲ အကဘီ ဟးဂီၤ‚ ဘၣ်တၢ်ဒိအီၤတီၢ်အီၤ ဒီးတၢ်စၢဃာ်အီၤ လၢဃိာ် ပူၤလီၤႉ ကွဲးလီၤလံာ်တၢ်ပရၠာစးၢဆူ ဖံလံးပံၤတၢ်အိၣ်ဖှိၣ်န့ၣ်‚ ဟ့ၣ်ဂံၢ်ဟ့ၣ်ဘါ အတံၤသကိးလၢ အဘၣ်ကွၢ်ဆၢၣ်မဲာ်တၢ် လၢတထံၣ်စိဘၣ်တဖၣ်စ့ၢ်ကီးလၢ ‘‘သုသု တဘၣ်ယိၣ်တၢ်နီတမံၤတဂ့ၤႉ မ့မ့ၢ်လၢတၢ်ကိးမံၤဒဲးန့ၣ်‚ လၢတၢ်ထုကဖၣ်တၢ်ဃ့ကညးအိၣ်ဒီး တၢ်စံးထီၣ်ပ့တၢၤ တၢ်အဘျုးအဖိှၣ်အပူၤန့ၣ်‚…
မ့ၢ်ဆံးယံာ်လဲၣ်ႉ
ဖဲယဖျီယသး၀ံၤ ဒီးယဆိကမိၣ်လၢယဖိကအိၣ်တဘျီဃီလီၤႉ ဘၣ်ဆၣ် တကဲထီၣ် အသးဒ်န့ၣ်ဘၣ်ႉ တၢ်သးဘၣ်ဒိဖးဒိၣ်လၢယတမၤန့ၢ်ယဖိဘၣ်အံၤန့ၣ် ဒုးကဲထီၣ်ယၤ တၢ်တီၤလီၤကဒွံကျိာ် ဒီးဃ့ဘါထုကဖၣ်န့ၣ်လီၤႉ အါဘျီ ယဟီၣ်ဒီး ယဘါထုကဖၣ်တၢ်ဆူယွၤ ဒီးယစံး‚ ‘‘မ့ၢ်ဆံးယံာ်လဲၣ်’’န့ၣ်လီၤႉ ယသ့ၣ်ညါ လၢကစၢ်ယွၤ ဆီတလဲကွံာ် ယတၢ်အိၣ်သးအခဲအံၤ သ့၀ဲဒၣ်န့ၣ်လီၤႉ ဘၣ်ဆၣ် ဘၣ်မနုၤ ယွၤတမၤ၀ဲဒ်န့ၣ်လဲၣ်ႉ
မ့ၢ်နအိၣ်ခိး ကစၢ်ယွၤဧါႉ မ့ၢ်နသံကွၢ်စ့ၢ်ကီး ကစၢ်ယွၤ လၢ ‘‘တၢ်တီတၢ်လိၤ ကအိၣ်ထီၣ် လၢဟီၣ်ခိၣ်ဆံးယံာ်လဲၣ်ႉ’’ ‘‘တၢ်မၤဘျါက့ၤ ခဲစၢၣ်တၢ်ဆါ ဆံးယံာ် လဲၣ်’’ ‘‘ယတအိၣ်ဒီး ဒ့ၣ်ကမၣ် ဆံးယံာ်လဲၣ်’’ ဧါႉ
၀ံးဃဘးကူာ်အသးဘၣ်ထီ ဒီးတၢ်မ့ၢ်သ့ၣ်တဖၣ်အံၤန့ၣ်လီၤႉ ဖဲတချုးခရၠာစးံၣ်နံၣ် ၇၀၀ အတီၢ်ပူၤန့ၣ်‚ ၀ံဃဘးကူာ်ကိးထီၣ် ကစၢ်ယွၤဒီးစံး‚ ‘‘ယွၤဧၢ‚ ယဘၣ်ကိးထီၣ်တၢ်ဒီးနတနၢ်ဟူဘၣ်ဆံးယံာ်လဲၣ်ႉ ယဘၣ်ကိးပသူထီၣ် လၢတၢ်မၤအၢဆူၣ်အဃိ‚ ဒီး နတအုၣ်က့ၤခီၣ်က့ၤဘၣ်န့ၣ် မ့ၢ်ဆံးယံာ်လဲၣ်ႉ နဒုးထံၣ်ဘၣ်ယၤ လၢတၢ်အၢတၢ်သီ‚ ဒီးနဒုးကွၢ်ယၤ လၢတၢ်နးတၢ်ဖှီၣ် မ့ၢ်အဘၣ်မနုၤလဲၣ်’’ (ဃဘး ၁း၂-၃) ႉ…
တၢ်သုးကွံာ် တၢ်အဒူၣ်အဆၢတဖၣ်
ယလဲၤဟးဆူ ‘‘သၢၣ် ဟီး - T့န ံသကျန’’ ဟံၣ်လၢအမ့ၢ် တၢ်ကွၢ်ထွဲမၤစၢၤက့ၤ ပှၤလီၤတ့ၢ်ဃိာ်ဒီး ဟဲက့ၤဟးထီၣ်ဘၣ် တဖၣ်န့ၣ်လီၤႉ ‘‘သၢၣ် ဟီး - T့န ံသကျန’’ မၤစၢၤအ၀ဲသ့ၣ်ဒ်သိး အတၢ်က့ၤအိၣ် က့ၤဆိးလၢ အလီၢ်က၀ီၤအပူၤ ကဘၣ်လိာ်ဘၣ်စးအဂီၢ်န့ၣ်လီၤႉ ဖဲန့ၣ်ယလဲၤ ထံၣ်လိာ်သးဒီး မ့ၣ်ရၠာစးံၣ် ကိးနွံဒဲး ဖဲမုၢ်ခံနံၤလီၤႉ ယတၢ်အိၣ်မူန့ၣ် ဖျါလီၤဆီလိာ်သးဒီးအီၤ‚ မ့ၣ်ရၠာစးံၣ်မ့ၢ် ပိာ်မုၣ်ဟးထီၣ်သီသီလၢဃိာ်ပူၤ‚ ပၢၢ်ဆၢက့ၤ တၢ်အီတၢ်မူၤတၢ်ဘှိးလုၢ်လၢ်‚ ဘၣ်အိၣ်လီၤဖးဒီး အဖိခွါ လီၤႉ ပကစံးလၢ အ၀ဲအိၣ်လၢပှၤကညီအိၣ်ဆိးလီၢ်အချၢ လၢတၢ်ထိးနါန့ၣ်လီၤႉ
ဒ်မ့ၣ်ရၠာစးံၣ်အသိးန့ၣ် စီၤအီးန့ၤစံမူး သ့ၣ်ညါဘၣ်ဃး တၢ်အိၣ်ဘၣ်ဆိးဘၣ် လၢလီၢ်ဘၢၣ်က၀ီၤအချၢအဂ့ၢ်လီၤႉ အ၀ဲဒ်အမ့ၢ်ကုၢ်တဂၤအသိး‚ အ၀ဲမၤကမၣ်အကစၢ် စီၤဖံၤလ့မိၣ် လၢအမ့ၢ်ပှၤခရၠာစးံာ်ဖိအဃိ ခဲအံၤအိၣ်လၢဃိာ်ပူၤန့ၣ်လီၤႉ အိၣ်ဖဲဃိာ်ပူၤအခါ အ၀ဲထံၣ်လိာ်သးဒီးစီၤပီလူး‚ ဒီးနာ်က့ၤခရၠာစးံာ်လီၤ (း၁) ႉ အခဲအံၤ အ၀ဲကဲထီၣ် ပှၤအသီ လၢခရၠာစးံာ်အပူၤတဂၤလံ‚ ဘၣ်ဆၣ် အ၀ဲမ့ၢ်ဒံးကုၢ်တဂၤ အဖၢမုၢ်လီၤႉ…
လၢတၢ်ပျံၤ‚ ဆူတၢ်စူၢ်တၢ်နာ်
ကသံၣ်သရၠာစးၣ်အတၢ်ကတိၤ လၢအမ့ၢ်၀ဲ ‘‘တၢ်အံၤမ့ၢ်၀ဲဒၣ် တၢ်ဆါအုၣ်လီၤသလဲးအသး (ခဲစၢၣ်) တကလုာ်’’ အံၤ ဟဲလီၤဆဲးတူၢ်လီၤအသးလီၤႉ ဖဲအ၀ဲ ဆိကမိၣ်ထီၣ်အဖိဒီး အ၀ၤအကတီၢ်န့ၣ် လၢအ၀ဲဒၣ်အဂီၢ် ဟီၣ်ခိၣ်အံၤ အိၣ်ကတီၢ်န့ၢ်အီၤလီၤႉ အ၀ဲသ့ၣ် ထုကဖၣ် ကိးနံၤဒဲး လၢတၢ်မုၢ်လၢ်အပူၤ‚ ဒ်သိး တၢ်ဆါအံၤ ကဆီတလဲက့ၤ အသးဆူ တၢ်ဆါအဂုၤအဂၤန့ၣ်လီၤႉ ခါဆူညါန့ၣ် အ၀ဲသ့ၣ် ကဘၣ်မၤ၀ဲဒ်လဲၣ်ႉ လၢမဲာ်ထံမဲာ်နိတဖၣ် ဟဲယွၤလီၤ၀ဲ လၢအဘိးပၤအပူၤ ဒီးလၢကလုၢ်ကပုာ်လုာ်အပူၤ စံး၀ဲ‚ ‘‘တၢ်အံၤ ပျံထီၣ်ကွံာ် ဟီၣ်ခိၣ်အတၢ်ပၢၤဃာ်လံႉ ယွၤဧၢ‚ ဟ့ၣ်ယၤ တၢ်ဂံၢ်တၢ်ဘါတက့ၢ်’’
ဖဲတၢ်ဆူးတၢ်ဆါ အတၢ်နဲၣ်ဖျါ မ့ၢ်၀ဲ တၢ်ဟးဂီၤ လၢာ်လၢာ်ဆ့ဆ့ဒီး ပပၢၤဃာ်တန့ၢ်လၢၤဘၣ် အဆၢကတီၢ်န့ၣ်‚ ပကဃၣ်ကဒါက့ၤပသးဆူလဲၣ်ႉ ၀ံဃဘးကူာ် ပၢၤဃာ် က့ၤ‚ တၢ်လၢအမၤအသးလၢအီၤတန့ၢ်လၢၤဘၣ်ဒီး‚ အတၢ် ပျံၤတၢ်ဖုးသ့ၣ်တဖၣ် မၤလီၤပျံၤက့ၤအီၤလီၤႉ တၢ်စံၣ်ညီၣ်လၢ အကဟဲသ့ၣ်တဖၣ် မ့ၢ်၀ဲ တၢ်တတဲာ်တနါ လၢကတူၢ်ဘၣ်၀ဲလီၤ (ဃဘး ၃း၁၆-၁၇) ႉ…
တၢ်ဂ့ၤကတၢၢ်
ယဒိၣ်ထီၣ်ဘၣ် လၢကီၢ်ကၠမ့ခါ ဒီးယမိၢ်ပၢ်တဖၣ် ဒုးဒိၣ်ထီၣ် ယဒီပုၢ်၀ဲၢ်မုၣ်ဒီးယၤ ဒ်သိးပကမ့ၢ် ‘‘ပှၤလၢအဂ့ၤ’’ န့ၣ်လီၤႉ လၢပဟံၣ်ပူၤန့ၣ် ‘တၢ်ဂ့ၤတၢ်၀ါ’အခီပညီမ့ၢ်၀ဲ တၢ်ဒိကနၣ်မိၢ်ပၢ်‚ ကတိၤတၢ်အမ့ၢ်အတီ‚ မၤလၢပှဲၤမူဒါ လၢကၠိဒီးတၢ်ဖံးတၢ်မၤ တဖၣ်အပူၤ ဒီးတၢ်လဲၤဆူသရၠာစးိာ် အစှၤကတၢၢ် ခရၠာစးံာ်ဂဲၤဆၢထၢၣ်သမူထီၣ်မုၢ်နံၤ ဒီး ခရၠာစးံာ်အိၣ်ဖျဲၣ်အနံၤန့ၣ်လီၤႉ ယဆိကမိၣ် လၢတၢ်အခီပညီ လၢအမ့ၢ်ပကမ့ၢ်ပှၤအဂ့ၤတဂၤအံၤ ပတၢ်ဆဲးတၢ်လၤ မ့ၢ်ဒ်လဲၣ်ဂ့ၤဒ်လဲၣ်ဂ့ၤ လီၤဂာ်ဒီးပှၤအါဂၤန့ၣ်လီၤႉ အနီၢ်ကီၢ်တခီ‚ လၢလံာ်ဖံလံးပံး ၃ အပူၤ တၢ်မၢဖိ စီၤပီလူး ဆူးကါ၀ဲဒၣ် အတၢ်ဆဲးတၢ်လၤထူသနူအခီပညီ ဘၣ်ဃးတၢ်ဂ့ၤတၢ်၀ါအတၢ်ပညိၣ်လီၤဆီန့ၣ်လီၤႉ
စီၤပီလူး‚ မ့ၢ်နံၣ်ကယၤတၢပှၤယူဒၤဖိ လၢအပိာ် ထူကျဲယွၤကျဲ ဒီးပိာ်၀ဲအထူသနူအပူၤ တၢ်သိၣ်တၢ်သီ လၢအဂ့ၤတဖၣ်အခံန့ၣ်လီၤႉ အ၀ဲအိၣ်ဖျဲၣ်ထီၣ် လၢဟံၣ် လၢအဂ့ၤအဘၣ်‚ အိၣ်ဒီးတၢ်ကူၣ်ဘၣ်ကူၣ်သ့လၢအဘၣ်‚ ဒီးမၤလိထွဲ တၢ်ဘူၣ်တၢ်ဘါလၢအဘၣ်န့ၣ်လီၤႉ ပမ့ၢ်တဲလၢပှၤယူဒၤဖိ အလုၢ် အလၢ်န့ၣ် အ၀ဲမ့ၢ်၀ဲ ပှၤဂ့ၤပှၤ၀ါအနီၢ်ကီၢ်န့ၣ်လီၤႉ လၢအဆၢဖိ ၄ န့ၣ်‚ စီၤပီလူးကွဲး၀ဲလၢ အ၀ဲအသးမ့ၢ်အိၣ်န့ၣ် ပာ်ကဖၢလၢအသး လၢအတၢ်ဂ့ၤတၢ်၀ါတဖၣ်…