ယဒိၣ်ထီၣ်ဘၣ် လၢကီၢ်ကၠမ့ခါ ဒီးယမိၢ်ပၢ်တဖၣ် ဒုးဒိၣ်ထီၣ် ယဒီပုၢ်၀ဲၢ်မုၣ်ဒီးယၤ ဒ်သိးပကမ့ၢ် ‘‘ပှၤလၢအဂ့ၤ’’ န့ၣ်လီၤႉ လၢပဟံၣ်ပူၤန့ၣ် ‘တၢ်ဂ့ၤတၢ်၀ါ’အခီပညီမ့ၢ်၀ဲ တၢ်ဒိကနၣ်မိၢ်ပၢ်‚ ကတိၤတၢ်အမ့ၢ်အတီ‚ မၤလၢပှဲၤမူဒါ လၢကၠိဒီးတၢ်ဖံးတၢ်မၤ တဖၣ်အပူၤ ဒီးတၢ်လဲၤဆူသရၠာစးိာ် အစှၤကတၢၢ် ခရၠာစးံာ်ဂဲၤဆၢထၢၣ်သမူထီၣ်မုၢ်နံၤ ဒီး ခရၠာစးံာ်အိၣ်ဖျဲၣ်အနံၤန့ၣ်လီၤႉ ယဆိကမိၣ် လၢတၢ်အခီပညီ လၢအမ့ၢ်ပကမ့ၢ်ပှၤအဂ့ၤတဂၤအံၤ ပတၢ်ဆဲးတၢ်လၤ မ့ၢ်ဒ်လဲၣ်ဂ့ၤဒ်လဲၣ်ဂ့ၤ လီၤဂာ်ဒီးပှၤအါဂၤန့ၣ်လီၤႉ အနီၢ်ကီၢ်တခီ‚ လၢလံာ်ဖံလံးပံး ၃ အပူၤ တၢ်မၢဖိ စီၤပီလူး ဆူးကါ၀ဲဒၣ် အတၢ်ဆဲးတၢ်လၤထူသနူအခီပညီ ဘၣ်ဃးတၢ်ဂ့ၤတၢ်၀ါအတၢ်ပညိၣ်လီၤဆီန့ၣ်လီၤႉ
စီၤပီလူး‚ မ့ၢ်နံၣ်ကယၤတၢပှၤယူဒၤဖိ လၢအပိာ် ထူကျဲယွၤကျဲ ဒီးပိာ်၀ဲအထူသနူအပူၤ တၢ်သိၣ်တၢ်သီ လၢအဂ့ၤတဖၣ်အခံန့ၣ်လီၤႉ အ၀ဲအိၣ်ဖျဲၣ်ထီၣ် လၢဟံၣ် လၢအဂ့ၤအဘၣ်‚ အိၣ်ဒီးတၢ်ကူၣ်ဘၣ်ကူၣ်သ့လၢအဘၣ်‚ ဒီးမၤလိထွဲ တၢ်ဘူၣ်တၢ်ဘါလၢအဘၣ်န့ၣ်လီၤႉ ပမ့ၢ်တဲလၢပှၤယူဒၤဖိ အလုၢ် အလၢ်န့ၣ် အ၀ဲမ့ၢ်၀ဲ ပှၤဂ့ၤပှၤ၀ါအနီၢ်ကီၢ်န့ၣ်လီၤႉ လၢအဆၢဖိ ၄ န့ၣ်‚ စီၤပီလူးကွဲး၀ဲလၢ အ၀ဲအသးမ့ၢ်အိၣ်န့ၣ် ပာ်ကဖၢလၢအသး လၢအတၢ်ဂ့ၤတၢ်၀ါတဖၣ် ခဲလၢာ်အဖီခိၣ်သ့၀ဲန့ၣ်လီၤႉ ဘၣ်ဆၣ်‚ ဒ်အ၀ဲဂ့ၤတ့ၢ်၀ဲအသိး‚ စီၤပီလူးတဲဘၣ် အပှၤဖးလံာ် (ဒီးပ၀ဲ) လၢတၢ်ဂ့ၤန့ၣ်ဒံး ပတၢ်မၤဂ့ၤပသးန့ၣ် အိၣ်၀ဲန့ၣ်လီၤႉ အ၀ဲသ့ၣ်ညါ၀ဲ လၢတၢ်ဂ့ၤတၢ်၀ါလၢပသ့ၣ်ညါဃးအံၤ တလီၤဂာ်ဒီး တၢ်ဘၣ်ကစၢ်ယွၤ အသး ဘၣ်န့ၣ်လီၤႉ
တၢ်ဘၣ်ကစၢ်ယွၤအသးန့ၣ်‚ စီၤပီလူးကွဲး၀ဲ လၢအဆၢဖိ ၇-၈ ပာ်ဃုာ်ဒီး တၢ်သ့ၣ်ညါကစၢ်ယ့ၣ်။းခရၠာစးံာ်န့ၣ်လီၤႉ စီၤပီလူး ဆိကမိၣ်က့ၤအတၢ်ဂ့ၤတၢ်၀ါ ဒ်အမ့ၢ် ‘‘တၢ်တဂိာ်တသီၣ်’’ ဖဲထိၣ်သBတီၤ၀ဲ လၢ ‘‘တၢ်ဂ့ၤမ့ၢ်ဒၣ်တၢ်ဘၣ်ဃးဒီး တၢ်သ့ၣ်ညါ ကစၢ်ယ့ၣ်။းခရၠာစးံာ်’’ န့ၣ်လီၤႉ ပ၀ဲဒၣ်န့ၣ် ပဂ့ၤ၀ဲဒီး ပမၤမုာ် ကစၢ်ယွၤ အသး ဖဲပတၢ်မုၢ်လၢ် ဒီးတၢ်နာ်အိၣ်၀ဲထဲလၢခရၠာစးံာ်အပူၤ‚ ဒီးတမ့ၢ်လၢပတၢ်ဂ့ၤ တၢ်၀ါအဃိန့ၣ်ဘၣ်လီၤႉ