ဖဲယပုၢ်ဖိ မ့ၤစဲလ် အနီၢ်ဆံးဒံးအခါ‚ အ၀ဲသး၀ံၣ်တၢ်သး၀ံၣ်တယုၢ်ဃီန့ၣ်လၢ အကျိာ်အကွာ်ဒၣ်၀ဲလီၤႉ ‘‘ယ့ၣ်။းအဲၣ်ယၤ ယသ့ၣ်ညါ‚ လံာ်စီဆှံန့ၣ်တဲ မ့ၤစဲလ်’’ န့ၣ်လီၤႉ ယတၢ်သးတမံလၢ တၢ်အံၤအဖီခိၣ်န့ၣ် တကတၢၢ်နီတဘျီဘၣ်ႉ ဒ်ယမ့ၢ်အ၀ဲၢ်တဂၤ‚ သ့ၣ်ညါတၢ် အါန့ၢ်အီၤအသိး ယသ့ၣ်ညါလၢ တၢ်သး၀ံၣ်အဖျၢၣ်န့ၣ်မ့ၢ် ‘တဲဘၣ်ယၤ’ တမ့ၢ် ‘တဲမ့ၤစဲလ်’ဘၣ်န့ၣ်လီၤႉ ဘၣ်ဆၣ် အ၀ဲသး၀ံၣ်ဒၣ် ဒ်အတၢ်နၢ်ပၢၢ်အသိးဆူညါ ကÎၢ်ကÎၢ်န့ၣ်လီၤႉ
ခဲအံၤမး ယဆိကမိၣ်က့ၤ လၢယပုၢ်န့ၣ် သး၀ံၣ်တၢ် အဘၣ်န့ၣ်လီၤႉ လံာ်စီဆှံတဲ၀ဲ မ့ၤစဲလ် စဲဃဲၤ‚ တဲဃုာ်ပ၀ဲ ကိးဂၤ လၢယ့ၣ်။းအဲၣ်ပှၤန့ၣ်လီၤႉ တဘျီ၀ံၤတဘျီ ပဖးဘၣ် တၢ်ဂ့ၢ်အမ့ၢ်အတီ၀ဲန့ၣ်လီၤႉ အဒိကွၢ် ဖဲစီၤယိၤဟၣ် အတၢ်ကွဲး ‘‘အပျဲၢ်အဘီၣ်လၢ ယ့ၣ်။းအဲၣ်အီၤ’’ တက့ၢ်ႉ (ယိၤဟၣ် ၂၁း၇-၂၀) ႉ အ၀ဲတဲပှၤ ဘၣ်ဃးယွၤအတၢ်အဲၣ် လံာ်စီဆှံအဆၢ လၢပှၤအါဂၤသ့ၣ်ညါ‚ ယိၤဟၣ် ၃း၁၆ န့ၣ် လၢ ‘‘ယွၤအဲၣ်ဟီၣ်ခိၣ်ဖိ တုၤအဟ့ၣ်လီၤကွံာ် အဖိခွါအိၣ်တဂၤဃီ ဒ်သိးကယဲၢ်ပှၤလၢ အစူၢ်က့ၤနာ်က့ၤအီၤတဂၤလၢ်လၢ်န့ၣ် အသုတဟးဂီၤတဂ့ၤ‚ ဒီးကန့ၢ်ဘၣ် တၢ်မူအထူအယိာ်လီၤ’’ႉ
စီၤယိၤဟၣ် မၤပှဲၤအါထီၣ် တၢ်ကစီၣ်ဘၣ်ဃး တၢ်အဲၣ်အံၤ ဖဲ ၁ ယိၤ ၄း၁၀ န့ၣ်လၢ ‘‘လၢတၢ်အံၤမ့ၢ် တၢ်အဲၣ်တၢ်ကွံလၢ ပအဲၣ်ယွၤတမ့ၢ်ဘၣ်ႉ မ့ၢ်လၢအ၀ဲဒၣ်အဲၣ်ပှၤ ဒီးမၢလီၤအဖိခွါ ဒီးမၤပူၤမၤဖျဲးပတၢ်ဒဲးဘးလီၤ’’ႉ ဒ်စီၤယိၤဟၣ် သ့ၣ်ညါ၀ဲလၢ ယ့ၣ်။းအဲၣ်အီၤအသိး‚ ပ၀ဲစ့ၢ်ကီး ပအိၣ်ဒီး တၢ်နာ်ကျၢၤမုဆှုသ့၀ဲလၢယ့ၣ်။းအဲၣ်ပှၤလီၤႉ လံာ်စီဆှံတဲ၀ဲဒ်န့ၣ်လီၤႉ