ဖဲပၢၤကီၢ်‚ လၢအမၤတၢ်လၢပှၤဂီၢ်မုၢ်ခဲလၢာ်အအိၣ် လၢတၢ်လီၢ်တပူၤဃီတဂၤ‚ တၢ်သံကွၢ်အီၤ လၢအတၢ်မၤန့ၣ် မ့ၢ်မနုၤလဲၣ်အကတီၢ်န့ၣ် စံးဆၢ၀ဲ ပမ့ၢ်ပှၤကူပှၤကညီ လၢအမၤတၢ်ဒီး ပှၤကူပှၤကညီသ့ၣ်တဖၣ် ဖဲတၢ်ဂ့ၢ်ကီကဲထီၣ်၀ဲ အဆၢကတီၢ်န့ၣ်လီၤႉ
အတၢ်ဆီၣ်လီၤသး‚ အ၀ဲအတၢ်မၤန့ၣ် လီၤဃူ လီၤပလိာ်အသး ဒီးအတံၤသကိး ပှၤကူပှၤကညီသ့ၣ်တဖၣ် အတၢ်မၤလီၤႉ တၢ်အံၤ ဒုးသ့ၣ်နီၣ်ထီၣ်က့ၤယၤ‚ စီၤပ့းတ့ှူးအတၢ်ကတိၤ ဖဲနံၣ်ကယၤတၢအကတီၢ်‚ ဖဲပှၤခရၠာစးံာ်ဖိသ့ၣ်တဖၣ် ဘၣ်တၢ်မၤနၢၤမၤနးမၤဖှီၣ်အီၤ လၢရၠာစးိမ့ၤသ့ၣ်တဖၣ် အကတီၢ်န့ၣ်လီၤႉ စီၤပ့းတ့ှူးစံး၀ဲ‚ ‘‘မ်ပှၤခဲလၢာ် ကဲထီၣ်သးတဖျၢၣ်ဃီ‚ ပှၤဒိးဃုာ်တၢ်‚ ပှၤအဲၣ်ဒီပုၢ်၀ဲၢ်‚ ပှၤသးကညီၤ တၢ်‚ ပှၤဆီၣ်လီၤသးန့ၣ်တက့ၢ်’’ (၁ ပ့း ၃း၈) ႉ ဘၣ်တဘၣ် စီၤပ့းတ့ှူးစံး၀ဲ လၢတၢ်မၤကဒါက့ၤအဂ့ၤအကတၢၢ် ဆူ ပှၤကူပှၤကညီ လၢအအိၣ် လၢတၢ်ဂ့ၢ်ကီအပူၤန့ၣ် ကဘၣ်မ့ၢ်၀ဲဒၣ် ပှၤကူပှၤကညီလီၤႉ ပကဘၣ်သ့ၣ်ညါ လၢပမ့ၢ်ဒၣ် ပှၤကညီဒ်သိးသိးလီၤႉ ကစၢ်ယွၤ မၤတ့ၢ်၀ဲတၢ်‚ ဖဲအဆှၢလီၤအဖိခွါ ဒီးကဲထီၣ် ပှၤကူပှၤကညီ ဒ်သိး အကမၤစၢၤပှၤန့ၣ်လီၤ (ဖံး ၂း၇) ႉ
ပမ့ၢ်ကွၢ်စူၣ်ဒၣ်ပသး လၢအလီၤသဘှံးအကုန့ၣ်‚ ပကထံၣ်ဘၣ်လၢအဘၣ် တၢ်လ့ပစီအီၤ ဒ်သိးတၢ်ကကွၢ်တလီၤ ပှၤကူပှၤကညီ အလီၢ်ပတီၢ်န့ၣ်လီၤႉ ဘၣ်ဆၣ် ပမ့ၢ်ကွၢ်ဆိကမိၣ် လၢပှၤကညီန့ၣ် မ့ၢ်၀ဲဒၣ် တၢ်ဘူၣ်ထီၣ်ဘါထီၣ် အကူာ်အက့ လၢပဟီၣ်ခိၣ်အံၤတခီန့ၣ်‚ ကမ့ၢ်၀ဲဒၣ် မနုၤတမံၤလဲၣ်ႉ ကစၢ်ခရၠာစးံာ်သိၣ်လိပှၤ လၢပကဘၣ်အိၣ်မူ ဒ်သိးပှၤကညီတံၢ်နီၢ်‚ ဒ်ပှၤမၤတၢ်တဖၣ် လၢအဘၣ်တၢ်သံၣ်ညါအီၤ လၢမ့ၢ်တၢ်ဒ်သိးသိးန့ၣ်လီၤႉ ပှၤကူပှၤကညီန့ၣ် ကစၢ်ယွၤတ့လီၤအီၤ ဒ်အက့ၢ်အဂီၤ ဒၣ်၀ဲ‚ ဒီးအုၣ်က့ၤခီၣ်က့ၤပှၤ ခီဖျိအတၢ်အဲၣ် လၢပထိၣ်ဒွးတသ့ဘၣ်န့ၣ်လီၤႉ
မုၢ်မဆါတနံၤအံၤ ပကဘၣ်သဂၢၢ် ဒီးပှၤကူပှၤကညီသ့ၣ်တဖၣ် လၢပတၢ် ဂဲလိာ်အါမံၤအပူၤလီၤႉ ဒ်ပမ့ၢ်ပှၤမၤသကိးတၢ်ကဒဲကဒဲအသိး‚ လၢတၢ်ကီတၢ်ခဲအပူၤ န့ၣ် ပဂ့ၤမၤအီၤ လၢတၢ်ဆီၣ်လီၤသးအပူၤလီၤႉ ပမ့ၢ်မၤဒ်န့ၣ်ဒီး တၢ်လီၤဆီကမၤအသး ဒ်လဲၣ်န့ၣ် ဆိကမိၣ်တယာ်ကွၢ်တက့ၢ်ႉ