ယအိၣ်ဖျဲၣ်အနံၤမ့ၢ်၀ဲ လၢယမိၢ်အနံၤအိၣ်ဖျဲၣ်အလီၢ်ခံတသီ ဒ်ယမ့ၢ်ပှၤဒိၣ်ထီၣ်သီ တဂၤအသိး‚ ယဂဲၤပျုၢ်ဆိမိၣ်တၢ်ဟ့ၣ် လၢကမၤသးဖှံယမိၢ် သနာ်က့ကဘၣ်မ့ၢ်တၢ်လၢယမၤထီၣ်ဘးစ့ၢ်ကီးန့ၣ်လီၤႉ ယမိၢ်တူၢ်လိာ်တၢ် လၢယပရၤန့ၢ်အီၤ လၢတၢ်စံးဘျုး ဒီးလၢခံတနံၤ ယနံၤအိၣ်ဖျဲၣ်အနံၤန့ၣ် အ၀ဲဟ့ၣ်ယၤတၢ်ဟ့ၣ်န့ၣ်လီၤႉ တလီၤတုာ် နီတဘျီဘၣ် အတၢ်ဟ့ၣ်ဂ့ၤဒိၣ်န့ၢ် ယတၢ်ဟ့ၣ်န့ၣ်လီၤႉ အတၢ်ပညိၣ်တမ့ၢ် ဒ်ကမၤဆံးစှၤလီၤ တၢ်လၢယဟ့ၣ်အီၤ ဘၣ်ႉ အ၀ဲဟ့ၣ်၀ဲ အါအါဂီၢ်ဂီၢ်လၢ တၢ်လၢအိၣ်ဒီးအီၤအကျါ‚ တၢ်လၢအါဒိၣ်န့ၢ် ယတၢ်ဟ့ၣ်အါအါကလဲာ်န့ၣ်လီၤႉ
ယတၢ်သးအိၣ် လၢယကဟ့ၣ်ယမိၢ် ဒုးသ့ၣ်နီၣ်ထီၣ် ယၤ စီၤဒၤ၀ံးအတၢ်သးစၢၢ်ဆၢ လၢကသူၣ်ထီၣ်ဘှီထီၣ် ဟံၣ် လၢယွၤအဂီၢ်န့ၣ်လီၤႉ ဖဲဘၣ်သဂၢၢ်ဒီး တၢ်လီၤဆီလၢ အနီ ဒီး ဒဲ အဘၢၣ်စၢၤ ဖဲကစၢ်ယွၤလီၣ်ဖျါထီၣ်အသးအခါ‚ စီၤဒၤ၀ံး ဆၢလၢကသူၣ်ထီၣ် ယွၤအတၢ်လုၢ်ဟံၣ်န့ၣ်လီၤႉ လၢအမၤပှဲၤ စီၤဒၤ၀ံး အတၢ်သးစၢၢ်ဆၢအလီၢ်န့ၢ်‚ ကစၢ်ယွၤစံးဆၢအီၤ ခီဖျိဟ့ၣ်စီၤဒၤ၀ံး တၢ်ဟ့ၣ်လၢ ဂ့ၤတလၢကွံာ်န့ၣ်လီၤႉ ကစၢ်ယွၤအၢၣ်လီၤအသးလၢ စီၤဒၤ၀ံးအဖိ အကျါတဂၤ (စီၤ့ှှလိၤမိၤ) ဧိၤ ကဘှီထီၣ် တၢ်လုၢ်ဟံၣ်န့ၣ်လီၤ (၁ ကွဲး ၁၇း၁၁) ‚ ဘၣ်ဆၣ် ကစၢ်ယွၤ ဘှီန့ၣ် စီၤဒၤ၀ံးအဟံၣ် လၢအမ့ၢ်အဘီအမုၢ်လၢအဂီၢ်န့ၣ်လီၤႉ တၢ်အၢၣ်လီၤအံၤ စးထီၣ်လၢစီၤ့ှှလိၤမိၤ ဘၣ်ဆၣ် ပထံၣ်ဘၣ်လၢ လၢထီၣ်ပှဲၤထီၣ်၀ဲ လၢလၢပှဲၤပှဲၤလၢ ကစၢ်ယ့ၣ်။းခရၠာစးံာ်လၢအလီၢ်ပစိာ် ‘‘သူၣ်ထီၣ်အသးလီၤစိၤ’’ နီၢ်နီၢ်တဂၤန့ၣ်လီၤ (း၁၂) ႉ စီၤဒၤ၀ံး သးအိၣ်ဟ့ၣ်တၢ် လၢအအိၣ်ဒီးအီၤတဖၣ်သနာ်က့ ကစၢ်ယွၤ အၢၣ်လီၤတၢ်ဒီးအီၤ လၢပှၤထိၣ်ဒွးအီၤတသ့န့ၣ်လီၤႉ
ဒ်သိးစီၤဒၤ၀ံးအသိး‚ မ်ပ၀ဲတဖၣ်စ့ၢ်ကီး ပကသးအိၣ်ဟ့ၣ်ယွၤ လၢတၢ်စံးဘျုး ဒီးတၢ်အဲၣ်တၢ်ကွံအပူၤ ထီဘိန့ၣ်တက့ၢ်ႉ ဒီး မ်ထီဘိပကထံၣ်တၢ် လၢအဟ့ၣ်ပှၤ ခီဖျိ ယ့ၣ်။းခရၠာစးံာ်အါဂီၢ်ထဲလဲၣ်န့ၣ်တက့ၢ်ႉ