ဖဲယလဲၤကွၢ် ပှၤပာ်ဖှိၣ်ပှၤတ့တၢ်ဂီၤလၢ လၢ ၀့ၢ်၀ၤဒီးထၢၣ် ဒံၢ်စံၣ် အခါ ယထံၣ်တၢ်ဂီၤတဘ့ၣ်အခိၣ်တီမ့ၢ်၀ဲ ‘‘ကလံၤ’’ / လၢတၢ်ဂီၤအပူၤ ပာ်ဖျါ၀ဲ ကလံၤမုၢ်အူတၢ် ဘူးထီၣ်လၢသ့ၣ်မုၢ်သ့ၣ်တဖၣ် အိၣ်တၢ်လီၢ်/ သ့ၣ်မုၢ်ဃဲၤဃဲၤထီထီသ့ၣ်တဖၣ် သကူးလီၤဆူစုစ့ၣ်တကပၤ‚ တပှီာ်သ့ၣ်တဖၣ်စ့ၢ်ကီး သကူးလီၤဆူ စုစ့ၣ်တကပၤ/
ယတၢ်ဆိကမိၣ်အဂၤ တကပၤမ့ၢ်၀ဲ‚ သးစီဆှံကစၢ် ထုးနှၢ် ပှၤစူၢ်က့ၤနာ်က့ၤတၢ်သ့ၣ်တဖၣ် ဆူယွၤအတၢ်ဂ့ၤ ဒီးအတၢ်မ့ၢ်တၢ်အအိၣ်/ ပမ့ၢ်လဲၤတၢ်လၢ သးစီဆှံနှၣ်ဒီး ပပှဲၤဒီးတၢ်သးဒူ ဒီးတၢ်အဲၣ်/တကးဒံးဘၣ် ပကနဲၣ်လိပသးအဂံၢ်အထံးစ့ၢ်ကီးန့ၣ်လီၤ (၂တံၤ ၁း၇) ႉ
တဘျီဘျီ‚ သးစီဆှံကစၢ်ဆှၢ ပှၤလၢတၢ်ဒိၣ်ထီၣ်‚ တၢ်ဆီတလဲအဂီၢ်ဘၣ်ဆၣ်ဒီး ပတဒိကနၣ်သးစီဆှံကစၢ်နှၣ်ဘၣ်ႉ တၢ်အံၤ လံာ်စီဆှံစံး၀ဲ မ့ၢ်တၢ်မၤလီၤပံာ်ကွံာ်သး နှၣ်လီၤ (၁သ့း ၅း၁၉) ႉ ဆၢကတီၢ်ယံာ်ထီၣ်၀ဲဒီး‚ တၢ်လၢပသ့ၣ်ညါတ့ၢ် လၢတၢ်ကမၣ် သ့ၣ်တဖၣ်န့ၣ် ပဆိကမိၣ်လၢတအၢ၀ဲလၢၤဘၣ်န့ၣ်လီၤ
ဖဲပတၢ်ရၠာစး့လိာ်ဘၣ်ထွဲဒီးကစၢ်ယွၤ အိၣ်ယံၤအသးနှၣ်ဒီး‚ မ့ၢ်၀ဲဒၣ်လၢ ပတဒိကနၣ် သးစီဆှံကစၢ်အတၢ်သိၣ် ဒီးဟးယံၤဒီးသးစီဆှံကစၢ်အဃိ/ ဆၢကတီၢ် မ့ၢ်ယံာ်ထီၣ်နှၣ်ဒီး ႉႉႉ ပဃုထံၣ်က့ၤ တၢ်ကမၣ် အဂံၢ်အထံးတညီ၀ဲ လၢၤဘၣ်ႉ ဘၣ်ဆၣ်ဒီး ပဃ့ထုကဖၣ်ကစၢ်ယွၤ ဒ်သိးပကထံၣ်က့ၤ ပတၢ်ကမၣ်သ့ၣ်တဖၣ် / ဖဲပဃၣ်ကွံာ်ပသး လၢတၢ်ကမၣ်အခါ ယွၤကတူၢ်လိာ်က့ၤပှၤ‚ ယွၤကဟ့ၣ် ပှၤတၢ်စိတၢ်ကမီၤ‚ သးစီဆှံကစၢ်အတၢ်လုၢ်ဘၢပှၤ/