ကၠ့ဘဲးတဲၤ အသးအိၣ်၀ဲ ယဲၢ်ဆံခံနံၣ် မ့ၢ်၀ဲ ၀ၤတဂၤ‚ ပၢ်တဂၤ‚ တီၤထီကၠိသရၠာစးၣ်တဂၤ တုၤလၢ အသးသမူလၢခံကတၢၢ်အဆၢကတီၢ် လၢခဲစၢၣ်တၢ်ဆါအခါ ဆီတလဲကွံာ် ဒၢးလၢတၢ်ဆါဟံၣ် ဆူတၢ်ကပီၤအဟံၣ် / တၢ်ဆါဟံၣ်ဒၢးနီၢ်ဂံၢ် ၅၀၂၀ အံၤ ကဲထီၣ်၀ဲ တၢ်မုၢ်လၢ်တၢ်ကပီၤအဟံၣ် လၢတံၤသကိး‚ ဟံၣ်ဖိဃီဖိ‚ တၢ်ဆါဟံၣ် အပှၤမၤတၢ်ဖိသ့ၣ်တဖၣ် အဂီၢ်/ မ့ၢ်လၢ အ၀ဲဒၣ် တၢ်သးခု‚ တၢ်နၢ်ဂၢၢ်ကျၢၤအဃိ ပှၤကွၢ်ပှၤဆါ သရၠာစးၣ်^သရၠာစးၣ်မုၣ်တဖၣ် သးအိၣ်ကွၢ်ထွဲအီၤ/ သရၠာစးၣ်^ သရၠာစးၣ်မုၣ်တနီၤ ဖဲအ၀ဲသ့ၣ် တၢ်မၤဆၢကတီၢ်၀ံၤဒၣ်လဲၣ် ဟဲဆူ ကၠ့ အအိၣ်/
အ၀ဲဒၣ်အနီၢ်ခိဂံၢ်ဘါ စှၤလီၤ၀ဲနာ်သက့‚ ဆၢထံၣ် ပှၤကိးဂၤ လၢတၢ်နံၤကမွံ ဒီးတၢ်ဟ့ၣ်ဂံၢ်ဟ့ၣ်ဘါ/ တံၤသကိးတဂၤစံး၀ဲ- ‘‘ဖဲယဟဲအိၣ်သကိး ကၠ့ တဘျီ လၢ်လၢ်‚ အ၀ဲအိၣ်ဒီးတၢ်သးခု ပှဲၤ၀ဲဒၣ်ဒီးတၢ်မုၢ်လၢ် / ခဲစၢၣ်တၢ်ဆါ လုၢ်ဘၢၣ်အီၤဘၣ်ဆၣ် အ၀ဲ အိၣ်မူပာ်ဖျါ တၢ်မုၢ်လၢ်/’’
ဖဲ ကၠ့ ဆူးကွံာ်သးကတီၢ် တၢ်ဘါအခါ‚ ပှၤတဂၤ စံး၀ဲလၢ ဒၢး နီၢ်ဂံၢ် ၅၀၂၀အံၤ အိၣ် ဒီးအခီပညီ လီၤဆီ / အ၀ဲပာ်ဖျါ၀ဲ လံာ် ၁ မိၤဒီး ၅၀း၂၀ န့ၣ် စီၤယိၤသး ဘၣ်တၢ်ဆါလီၤအီၤ ဒ်ကုၢ်တဂၤအသိးလီၤႉ ဘၣ်ဆၣ်ဒီး ကစၢ်ယွၤ ဆီတလဲကွံာ် တၢ်ဂ့ၢ်အံၤ ဆူတၢ်ဂ့ၤ အဂီၢ်/ စီၤယိၤသး မၤပူးဖျဲ၀ဲ ပှၤအါဂၤအသးသမူ/ ခဲစၢၣ်တၢ်ဆါ လုၢ်ဘၢ ကၠ့‚ ဘၣ်ဆၣ်ဒီးမ့ၢ်လၢကစၢ်ယွၤအစု ဆီတလဲကွံာ်တၢ်အဃိ‚ ကၠ့ စံး၀ဲဒၣ်သ့ လၢ- ‘‘ယွၤမၤတၢ်အံၤလၢတၢ်ဂ့ၤအဂီၢ်/’’ ကၠ့ စူးကါ ခဲစၢၣ်တၢ်ဆါအၢအံၤ ဒ့်တဲၤတဘ့ၣ် လၢအိးထီၣ်#အဂ့ၢ် ဆူပှၤအါဂၤအအိၣ်/
ဖဲတၢ်သံ ဟဲအိးထီၣ်ပဲ့တီဘၣ်ဆၣ်ဒီး‚ တၢ်နာ်လၢအဂၢၢ်အကျၢၤ အိၣ်ဒီးပှၤ / ပအုၣ်ပသးလၢ ကစၢ်လၢအဂ့ၤတဂၤ‚ ကစၢ်လၢပ့ကၢး စူၢ်က့ၤနာ်က့ၤ တဂၤအဂ့ၢ်/