ကၠီန် နယူတၢၣ် ကွဲးတ့ၢ်၀ဲ‚ ‘‘ဖဲလၢယက့ၤဆူဟံၣ်အခါ‚ ပှၤဖိသၣ်တဂၤ အတိၢ် မ့ၢ်လီၤတဲာ် ဟါမၢ်‚ ဒီးယမ့ၢ်ဟ့ၣ်လီၤဘၣ်တိၢ်တဘ့ၣ် ဆူဖိသၣ်တဂၤအံၤသတးဒီး ့မ့ၢ်လၢအမၤန့ၢ် တိၢ်အဃိဒီး‚ ယထွါကွံာ်အမဲာ်ထံ ဒီးယဆိကမိၣ်လၢယမၤဘျုးမၤဖှိၣ်ဘၣ် တၢ်တမံၤမံၤလီၤႉ ယကသးခုလၢ ယမ့ၢ်မၤဘၣ်တၢ်ဒိၣ်ဒိၣ်မုာ်မုာ်စ့ၢ်ကီး‚ ဘၣ်ဆၣ် ယတကွၢ်ကပာ်ကွံာ် တၢ် (အဆံး) တမံၤအံၤ စ့ၢ်ကီးဘၣ်’’ႉ
မုၢ်မဆါတနံၤအံၤ ပကထံၣ်န့ၢ်ပှၤတဂၤ လၢအလိၣ် ဘၣ် တၢ်မၤမုာ်အသးန့ၣ် တမ့ၢ်တၢ်အကီဘၣ်ႉ အဒိ‚ ပှၤဖှီၣ်စ့ တဂၤလၢအလီၤဘှံးလီၤတီၤ ဒီးဘၣ်မၤစ့ၢ်ကီးတၢ်မၤ လၢခံတခါ ဒ်သိးကျိၣ်စ့ ကလၢပှဲၤလၢဟံၣ်ဃီအဂီၢ်‚ ပှၤဘၣ်ကီဘၣ်ခဲဖိ လၢအဆၢက့ၤဆူဟံၣ်‚ မိၢ်ထဲတဂၤလၢအဘၣ် လုၢ်အီၣ်ဖိ ဒီးအတၢ်ကိၢ်တၢ်ဂီၤတဖၣ် မၤလၢာ်ကွံာ်အတၢ်မုၢ်လၢ်‚ ပှၤသးပှၢ် အိၣ်သယုၢ်သညိထဲတဂၤ ဒီးဆိကမိၣ်အတၢ်အိၣ်မူအံၤ တကဲဘျုးလၢၤဘၣ်တဖၣ်န့ၣ်လီၤ
ပကဘၣ်မၤတၢ်မနုၤလဲၣ်ႉ စီၤဒၤ၀ံးစံး၀ဲ‚ ‘‘ပှၤလၢအမၤပှၤဖှီၣ်ဖိယာ်ဖိ ဒီးတၢ်ကူၣ်သ့န့ၣ် ဘၣ်ဆိၣ်ဂ့ၤ၀ဲလီၤ’’ (စံး ၄၁း၁) ႉ ပှၤတဖၣ် လၢပထံၣ်အီၤလၢကျဲ‚ အတၢ်ဖှီၣ်တၢ်ယာ် ပမၤစှၤလီၤစၢ်လီၤအီၤ မ့ၢ်တသ့ဘၣ်ဆၣ်‚ ဖဲပဆိကမိၣ်န့ၣ်တၢ် လၢအဂီၢ်န့ၣ် အခီပညီမ့ၢ်၀ဲ ပကနၣ်ဃုာ်ဒီး ပာ်သူၣ်ပာ်သးန့ၢ် တၢ်လၢအဂီၢ်သ့၀ဲလီၤႉ
ပဒုးသ့ၣ်ညါပှၤဂၤ လၢပသးအိၣ်ဘၣ်အ၀ဲသ့ၣ် သ့၀ဲလီၤႉ အ၀ဲသ့ၣ် မ့မ့ၢ်ပှၤလၢ အသးဘၣ်တံာ်တာ်ညီမ့ၢ်ဂ့ၤ‚ မ့ၢ်ပှၤလၢ ပသးဘၣ်တံာ်တာ်ဒီးအ၀ဲသ့ၣ်မ့ၢ်ဂ့ၤ‚ ပရၠာစး့လိာ် ပသးဒီးအ၀ဲသ့ၣ် လၢတၢ်ပာ်ကဲဒီး တၢ်သညူးသပှၢ်သ့၀ဲဒၣ်လီၤႉ ပကနၣ် အ၀ဲသ့ၣ် အဂ့ၢ်အကျိၤ ဒီးပာ်ဖျါတၢ်သးစဲ သ့၀ဲဒၣ်လီၤႉ ဒီးပဘါထုကဖၣ်န့ၢ်တၢ်လၢ အ၀ဲသ့ၣ် အဂီၢ်‚ မ့တမ့ၢ် ဘါထုကဖၣ်သကိးဒီးအီၤသ့၀ဲ‚ ဒီးတၢ်အံၤ မ့ၢ်တၢ်လၢအကဲထီၣ် တၢ်မၤစၢၤဒီးတၢ်မၤဘျါက့ၤတၢ်သ့၀ဲန့ၣ်လီၤႉ
သ့ၣ်နီၣ်ထီၣ်က့ၤ တၢ်ကတိၤ လၢကစၢ်ခရၠာစးံာ် စံး၀ဲ ‘‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ် ဒိးန့ၢ်တၢ် တက့ၢ်လီၤ’’ (မၤတၢ် ၂၀း၃၅) န့ၣ်တက့ၢ်ႉ တၢ်ကနၣ်ဃုာ်ဒီးပာ်သူၣ်ပာ်သး ပှၤဂၤ (တၢ်သးစဲကနၣ်ဃုာ်ပှၤဂၤ) အံၤ ဟဲစိာ်တၢ်ကဲထီၣ်လိၣ်ထီၣ် သ့၀ဲဒၣ် မ့ၢ်လၢပသးခု ဒိၣ်ကတၢၢ် ဖဲလၢပဟ့ၣ်လီၤဘၣ်ပသး လၢပှၤဂၤအဂီၢ်အခါန့ၣ်လီၤႉ