ဖဲ ၂၀၁၆ နံၣ် တၢ်ကိၢ်ခါကတီၢ်န့ၣ် ယဖိဒိၣ်မုၣ်တဂၤ ကွဲန့ၢ်လွဲန့ၢ်ယၤလၢယကလိာ်ကွဲ ပိၣ်ခံၣ်မိၤ ကိ (ပိုကီမွန် ဂိုး) တၢ်လိာ်ကွဲအခါ‚ လၢကွဲၤဒီနၢ် (လီတဲစိ) အပူၤ ခီဖျိ တၢ်စူးကါ တၢ်ဒိတၢ်ဂီၤအဒၢ လၢအအိၣ်လၢကွဲၤဒီနၢ်အပူၤန့ၣ်လီၤႉ တၢ်လိာ်ကွဲအံၤ အတၢ်ကွၢ်စိ မ့ၢ်၀ဲ ဒ်သိးကဖီၣ်န့ၢ်ဆၣ်ဖိကီၢ်ဖိ ဆံးဆံးဖိတဖၣ် လၢပှၤကိးလၢ ပိၣ်ခံၣ်မိၤ န့ၣ်လီၤႉ ဖဲပိၣ်ခံၣ်မိၤ တဒု ဟဲဖျါထီၣ်န့ၣ်ဒီး ဖျၢၣ်ထူအဂီၤဒီး အ၀ါဖိ တဖျၢၣ်စ့ၢ်ကီးဟဲဖျါထီၣ် လၢကွဲၤဒီနၢ်အမဲာ်ဘ့ၣ်ဘၣ် အဖီခိၣ်န့ၣ်လီၤႉ ပဘၣ်ကွံာ် ပိၣ်ခံၣ်မိၤ လၢဖျၢၣ်ထူဖိ လၢပစုဘိန့ၣ်လီၤႉ ပမ့ၢ်ကွဲန့ၢ်လွဲန့ၢ်အီၤ လၢတၢ်တမံၤမံၤ ဒီးပိၣ်ခံၣ်မိၤတဖၣ် ပဖီၣ်န့ၢ်အီၤ ညီကဒီစီလီၤႉ
တၢ်လၢပကွဲန့ၢ်လွဲန့ၢ်‚ ကလံာ်န့ၢ်အီၤညီတဖၣ်န့ၣ် တမ့ၢ်ထဲ ပိၣ်ခံၣ်မိၤ တဖၣ်ဘၣ်ႉ ကစၢ်ယ့ၣ်။းခရၠာစးံာ် အပုၢ်‚ စီၤယၤကိာ်‚ လၢလံာ်ယၤကိာ်အပူၤန့ၣ် ဟ့ၣ်ပလီၢ် ပှၤစူၢ်က့ၤနာ်က့ၤတၢ်တဖၣ်လၢ ပတၢ်သးကွံဒၣ်ပ၀ဲ ထုးန့ၢ်ပှၤန့ၣ်လီၤ (၁း၁၄) ႉ ပမ့ၢ်စံးလၢကျဲအဂၤတဘိန့ၣ်‚ ပတၢ်မိၢ်န့ၢ်သးလီတဖၣ် ဒီးတၢ်လ့ပစီ ပာ်ဖှိၣ်ထီၣ်သး‚ ဒီးကလံာ်ကွဲလွဲန့ၢ်ပှၤ လၢပကလီၤဘၣ်ဆူကျဲ အကမၣ်န့ၣ်လီၤႉ ဘၣ်သ့ၣ်သ့ၣ် ပကအဲၣ်ဒိး ပာ်ဒ့ၣ်ပာ်ကမၣ်ကစၢ်ယွၤ မ့တမ့ၢ် မုၣ်ကီၤလံၢ် လၢပတၢ်ကီခဲတဖၣ် အဃိဘၣ်ဆၣ်‚ တၢ်ဘၣ်ယိၣ်တၢ်လီၤပျံၤနီၢ်နီၢ် အိၣ်၀ဲဒၣ်လၢပသးကံၢ်ပူၤလီၤႉ
ဘၣ်ဆၣ် တၢ်ကစီၣ်အမုာ်အိၣ်၀ဲဒၣ်လီၤႉ တၢ်ကွဲန့ၢ်လွဲန့ၢ် လ့ပစီန့ၢ်ပှၤတဖၣ်အံၤ ပအိၣ်ပူၤဖျဲးဒီးအ၀ဲသ့ၣ်သ့၀ဲ ခီဖျိ ပတဲဘၣ်ကစၢ်ယွၤလၢတၢ်လၢ အလ့ပစီပှၤတဖၣ် အဂ့ၢ်န့ၣ်လီၤႉ စီၤယၤကိာ် ပာ်ဖျါ၀ဲ ဖဲလံာ်ယၤကိာ် ၁း၁ အပူၤ ‘‘ယွၤတဘၣ်ဘၣ် တၢ်လ့ပစီ လၢတၢ်အၢတၢ်သီဘၣ်‚ ဒီးအကစၢ်ဒၣ်၀ဲ တလ့ပစီဘၣ် ပှၤနီတဂၤဘၣ်’’ႉဘၣ်ဆၣ် ကစၢ်ယွၤနၢ်ပၢၢ် ပ၀ဲပှၤကူပှၤကညီ အတၢ်မိၣ်န့ၢ်သးလီ လၢကမၤတၢ် လၢအကမၣ်တဖၣ်န့ၣ်လီၤႉ ထဲဒၣ်တမံၤ ပဘၣ်ဃ့န့ၢ် တၢ်ကူၣ်သ့လၢ ကစၢ်ယွၤ အၢၣ်လီၤ၀ဲဒၣ်လၢ ကမၤလၢပှဲၤန့ၢ်ပှၤန့ၣ်လီၤ (၁း၁-၆) ႉ