ယတံၤသကိး ကၠ့ၣ်မံၣ် မၤတၢ်လၢ ခီပနံၣ်ဖးဒိၣ် လၢအဘၣ်ထွဲမၤသကိးတၢ်ဒီး ထံကီၢ်အါဘ့ၣ်န့ၣ်လီၤႉ ဖဲလၢအ၀ဲမၤသီတၢ်ဖဲန့ၣ်အခါ‚ ပှၤတဂၤ ဟဲလၢအစီၢ်နီၤခိၣ် (ခးကွဲးလံာ်) အကပၤ‚ ဟဲကတိၤတၢ်ဒီးသံကွၢ်အီၤ လၢအ၀ဲဘၣ်မၤတၢ်မနုၤ တဖၣ်လဲၣ် န့ၣ်လီၤႉ ကၠ့ၣ်မံၣ်တဲဘၣ်အီၤ ဘၣ်ဃးဒီးအတၢ်ဖံးတၢ်မၤအဂ့ၢ်၀ံၤဒီး သံကွၢ်က့ၤ အ၀ဲအမံၤလီၤႉ ဒီးအ၀ဲဒၣ်စံးဆၢ၀ဲလၢ အမံၤမ့ၢ် ရၠာစးံးခ် န့ၣ်လီၤႉ
ကၠ့ၣ်မံၣ်စံးဘၣ်အီၤလၢသါသးခု လၢသါထံၣ်လိာ် ဘၣ်သး ဒီးအီၤ၀ံၤ‚ သံကွၢ်၀ဲ ‘‘နမၤတၢ်မနုၤဖဲအံၤလဲၣ်’’ န့ၣ်လီၤႉ‘‘အိ‚ ယမ့ၢ်ခီပနံၣ်တခါအံၤ အကစၢ်လီၤ’’ ကၠ့ၣ်မံၣ် သ့ၣ်ညါ၀ဲ တဘျီဃီ လၢအ၀ဲသ့ၣ်အကတိၤသကိးတၢ် ယိယိဖိအံၤ မ့ၢ်အ၀ဲ အတၢ်စးထီၣ်သ့ၣ်ညါဘၣ် ပှၤတဂၤ လၢဟီၣ်ခိၣ်အပှၤထူးတီၤကတၢၢ်တဖၣ်အကျါတဂၤ န့ၣ်လီၤႉ
တနံၤအံၤ‚ ဖဲလၢပှၤအါဂၤ ပာ်လၤပာ်ကပီၤအသး ဒီးပာ်ဒိၣ်ပာ်သွါလီၤထဲဒၣ်အသး အကတီၢ်န့ၣ်‚ တၢ်ဂ့ၢ်ဖိ အ၀ဲအံၤ ဒုးသ့ၣ်နီၣ်ထီၣ်က့ၤပှၤလၢ စီၤပီလူး အတၢ်ကတိၤအကါဒိၣ် လၢလံာ်ဖံလံးပံၤ အပူၤ လၢအစံး၀ဲ ‘‘လၢတၢ်အ့ၣ်လိာ်ဆိးက့ ဒီးတၢ်ဟူထီၣ်သါလီၤ ကလီကလီန့ၣ်‚ မၤတၢ်နီတမံၤတဂ့ၤ’’ န့ၣ်လီၤ (၂း၃) ႉ ပှၤလၢအပာ်သူၣ်ပာ်သးပှၤဂၤ အါန့ၢ်ဒံး အပာ်သူၣ်ပာ်သးလီၤအသးန့ၣ် အိၣ်ဒီးသကဲးပ၀ာ်လုၢ်လၢ် လၢစီၤပီလူးပာ်ဖျါ၀ဲန့ၣ်လီၤႉ
ဖဲလၢပပာ်ပှၤဂၤ ဂ့ၤန့ၢ်ပကစၢ်ဒၣ်၀ဲန့ၣ် မ့ၢ်ပပာ်ဖျါထီၣ် တၢ်လီၤဂာ်ဒီး ကစၢ်ခရၠာစးံာ် အတၢ်ဆီၣ်လီၤသးန့ၣ်လီၤ (း၃) ႉ ပကပီၤဆၢဖျါထီၣ်က့ၤ ယ့ၣ်။းလၢအဟဲ၀ဲ တမ့ၢ်ဒ်သိး ပှၤကမၤအီၤ လၢအခ့အပှၤ အတၢ်ဘၣ်ႉ မ့ၢ်ဒ်သိးအကမၤ အခ့အပှၤ အတၢ်မၤအဂီၢ် န့ၣ်လီၤ (မၢ် ၁၀း၄၅) ႉ ဖဲလၢ ‘‘ပဒိးန့ၢ်ကုၢ်အက့ၢ်အဂီၤ’’ (ဖံ ၂း၇) န့ၣ်ဒီး ပအိၣ်ဒီး တၢ်ပာ်သးလီၤပလိာ် ဒီးပကစၢ်ယ့ၣ်။းန့ၣ်လီၤ (း၅) ႉ
တနံၤအံၤ ဖဲလၢပကတိၤလိာ်သးတၢ်ဒီးပှၤဂၤအခါ‚ မ်ပသုတသးစဲ ဒီးကွၢ်တၢ် ထဲလၢပဂီၢ်တဂ့ၤ မ့မ့ၢ်တခီ မ်ပကသးစဲကွၢ်န့ၢ်တၢ်လၢ ပှၤဂၤအဂီၢ်စ့ၢ်ကီးန့ၣ်တက့ၢ် (း၄) ႉ