ဖဲယနီၢ်ဆံးဒံးအခါ ယကိးယသကိးမုၣ်တဂၤ လၢကလဲၤဟးကွၢ်သကိးတၢ်ဒီးယၤ ဖဲကျးတဖျၢၣ် လၢအဆါ တၢ်ဟ့ၣ်ကနၢၤတဖၣ် လၢယဟံၣ်အကပၤန့ၣ်လီၤႉ ယဖုးဘၣ်မးယသး ဖဲလၢအ၀ဲစှီၤဟံးန့ၢ်၀ဲဲဒၣ် ခိၣ်တံးဖိ (တၢ်ထီခိၣ်) အလွဲၢ်အကလုာ်ကလုာ်တဖၣ်‚ ဒၢနုာ်၀ဲဆူယထၢၣ်ပူၤ ဒီးထဲးယၤဆူBတဲၤအချၢ ဒီးတဟ့ၣ်တ့ၢ်၀ဲဒၣ် တိၢ်ဘၣ်န့ၣ်လီၤႉ ဒီတနွံညါ ယသးပာ်ဒ့ၣ် ပာ်ကမၣ်ယၤ ဒီးလၢခံ ယလဲၤဆူ ယမိၢ်အအိၣ်‚ယမဲာ်ထံတဖၣ် ဟဲယွၤလီၤကွ့ၢ်ကွ့ၢ် ဖဲယအၢၣ်လီၤ ယတၢ်ကမၣ်အခါန့ၣ်လီၤႉ
ယသးတမုာ်ဒိၣ်မး မ့ၢ်လၢယတဂ့ၢ်လိာ်Bတီဆၢဘၣ် ယသကိးမုၣ်န့ၣ်လီၤႉ အဃိ ယလဲၤဟ့ၣ်ကဒါက့ၤ ခိၣ်တံးဖိ တဖၣ်‚ ယဃ့ကညးအ၀ဲသ့ၣ်ဒီးယဟ့ၣ်စ့ၢ်ကီး တၢ်အၢၣ်လီၤ လၢယတဟုၣ်တၢ် နီတဘျီလၢၤဘၣ်န့ၣ်လီၤႉ ကျးကစၢ်တဲဘၣ်ယၤလၢ မ်ယသုတလဲၤလၢၤ အကျးတဂ့ၤန့ၣ်လီၤႉ ဘၣ်ဆၣ် မ့ၢ်လၢ ယမိမိၢ် ပျၢ်ယတၢ်ကမၣ် ဒီးစံး၀ဲလၢယမၤတ့ၢ်တၢ် အဂ့ၤကတၢၢ် ဒ်သိးကမၤလိၤမၤဘၣ်က့ၤ တၢ်အဃိ မုၢ်နၤအ၀ဲန့ၣ် ယမံဘၣ်ယဲ မုာ်မုာ်န့ၣ်လီၤႉ
စီၤပၤဒၤ၀ံးစ့ၢ်ကီး ပလၢၢ်ဘၣ် တၢ်ပျၢ်တၢ်ကမၣ်ခီဖျိ အၢၣ်လီၤ၀ဲ အတၢ်ကမၣ်အဃိလီၤ (စံး ၃၂း၁-၂) ႉ အ၀ဲပာ်ခူသူၣ်ဃး အတၢ်ဒဲးဘး လၢအမၤကမၣ်ဘၣ် နီၢ်ဘၤသဒီးဘၤ ဒီးစီၤအူၤရၠာစးံယၤ (၂ ့ှှမူၤ ၁၁-၁၂) တုၤလၢအဂံၢ်အဘါလၢာ်ကွံာ်၀ဲ‚ အဃံလီၢ်လံၤ၀ဲတစုန့ၣ်လီၤ (စံး ၃၂း၃-၄) ႉ ဘၣ်ဆၣ် ဖဲလၢအ၀ဲတဲလီၤကျဲၤလီၤ အတၢ်ဒဲးဘးန့ၣ် ဒီးကစၢ်ယွၤ ပျၢ်ကွံာ်အတၢ်ကမၣ်န့ၣ်လီၤႉ ကစၢ်ယွၤ မၤပူၤဖျဲးအီၤ လၢတၢ်ကိၢ်တၢ်ဂီၤ ဒီးဒုးအိၣ်၀းတရၠာစးံးအီၤ လၢတၢ်သး၀ံၣ် ဘၣ်ဃးဒီး တၢ်မၤပူၤဖျဲး တၢ်လီၤ (း၇) ႉ စီၤဒၤ၀ံးသးခု၀ဲ မ့ၢ်လၢယွၤအတၢ်အဲၣ်ဒီးအဘျုးအဖှိၣ် အိၣ်၀းတရၠာစးံးဃာ် ပှၤလၢအသန့ၤအသး လၢအီၤန့ၣ်လီၤ (း၁၀) ႉ
တၢ်ဒဲးဘး အတၢ်ပိာ်ထွဲထီၣ်အခံတဖၣ်န့ၣ် ပဃုထၢတသ့ဘၣ်ႉ ဖဲပတဲလီၤ ကျဲၤလီၤ ပတၢ်ကမၣ်ဒီးဃုတၢ်ပျၢ်တၢ်ကမၣ်အခါစ့ၢ်ကီး ပှၤဂုၤပှၤဂၤ ကစံးဆၢ တဲဆၢက့ၤ တၢ်မနုၤလဲၣ်န့ၣ် ပပၢၤဃာ်အီၤတသ့ဘၣ်ႉ ဘၣ်ဆၣ် ကစၢ်ယွၤဒုးသးခုပှၤ ဒ်သိး ပကမုၢ်လၤတၢ်သဘ@လၢ တၢ်ဒဲးဘးအတၢ်စၢဃာ်အပူၤ ဒီးသးအတၢ်ဃူတၢ်မုာ် ခီဖျိတၢ်အၢၣ်လီၤ ပတၢ်ကမၣ်န့ၣ်လီၤႉ မ့ၢ်လၢအ၀ဲစံး၀ဲ သပှၢ်ကတၢၢ် လၢပတၢ် ကမၣ် ဘၣ်တၢ်ပျၢ်အီၤ ထီဘိလံန့ၣ်လီၤႉ