ယသ့ၣ်နီၣ်ထီၣ်ဘၣ် ယပၢ်အမဲာ်သၣ်လီၤႉ ဘၣ်ဆၣ် ယတတိၢ်နီၣ်ဘၣ် အမဲာ်သၣ် လီၤတံၢ်လီၤဆဲးလၢၤဘၣ်န့ၣ်လီၤႉ အ၀ဲမ့ၢ်ပှၤလၢ အသးကညီၤတၢ်‚ ဘၣ်ဆၣ် အ၀ဲမ့ၢ်ပှၤလၢ အတၢ်သ့ၣ်ညါနၢ်ပၢၢ် လၢပှဲၤ၀ဲတဂၤန့ၣ်လီၤႉ ဒ်ယမ့ၢ်ဖိသၣ်အသိး‚ ယဃုကွၢ်ယပၢ်အမဲာ်သၣ်ဒီး ဃုထံၣ်ယဲ အမဲာ်နံၤကမှံ‚ မ့တမ့ၢ် အတၢ်ပာ်မၤသးန့ၣ်လီၤႉ တၢ်လၢပမဲာ်သၣ်န့ၣ် မ့ၢ်ဒၣ် ပနီၢ်ကစၢ်ဒီဂၤညါလီၤႉ တၢ်အမဲာ်အုၣ်သပှီၤ‚ တၢ်နံၤကမှံဒီး တၢ်သွံးအမဲာ်ချံ တဖၣ် န့ၣ် ဒုးနဲၣ်ဖျါထီၣ် ပတၢ်ပာ်သူၣ်ပာ်သးလၢ ပှၤဂၤအဖီခိၣ် ဒ်လဲၣ်န့ၣ်လီၤႉ တၢ်လၢပမဲာ်သၣ်န့ၣ်မ့ၢ် ပတၢ်ကတိၤလီၤႉ
စီၤအၤစး‚ ပှၤကွဲးထါစံးထီၣ်ပ့တၢၤ ၈၀ တဂၤ ဂဲၤမၤဆူၣ်၀ဲ ဒ်သိးကထံၣ်ဘၣ်ယွၤအမဲာ် မ့ၢ်လၢအသးအိၣ်ထံၣ် ယွၤအမဲာ်အဃိလီၤႉ အ၀ဲအိၣ်လၢ ၀့ၢ်ယ့ှူၤ့ှှလ့ၣ်အပူၤ ဒီးကွၢ်လီၤတၢ်ဆူ ကလံၤစိး‚ ကီၢ်ယူဒၤအဒီပုၢ်၀ဲၢ်‚ ကီၢ်အံၣ်စရၠာစး့လး လၢအသးဂၢၢ်ဘၣ် အဘၣ်တၢ်မၤလီၤပှီၢ်အီၤဆူ ကီၢ်အၤ။ၣ် အစုပူၤ န့ၣ်လီၤႉ တုၤမ့ၢ် ကလံၤစိး ကီၢ်အံၣ်စရၠာစး့လး လီၤပှီၢ်ကွံာ် လၢကီၢ်အၤ။ၣ်အစုုပူၤအလီၢ်ခံန့ၣ် ကီၢ်ယူဒၤ ဂံၢ်စၢ်ဘါစၢ်တ့ၢ်လံဒီး ဘၣ်တၢ်ဟဲလုၢ်ဘၢအီၤ လၢကလံၤစိးတကပၤန့ၣ် အၤ။ၣ်‚ လၢကလံၤထံးတကပၤန့ၣ် ကီၢ်အဲၤကူပတူးဒီး လၢမုၢ်ထီၣ်တကပၤန့ၣ် ပှၤဧ့ရၠာစး့းဖိတဖၣ်န့ၣ်လီၤႉ
စီၤအၤစာ် အ၀ဲပာ်ဖှိၣ်ထီၣ် အတၢ်ပျံၤတၢ်ဖုး လၢတၢ်ထုကဖၣ်သၢဘျီညါ (စံး ၈၀း ၃‚၇‚၁၉) ဒီးစံး၀ဲ‚ ‘‘ယွၤဧၢ ဒုးဟဲထီၣ်ပှၤ‚ ဒီးဒုးကပီၤထီၣ် နမဲာ်တက့ၢ်ႉ ဒီး ပကတုၤလၢ တၢ်အုၣ်က့ၤခီၣ်က့ၤပှၤလီၤ’’ (လၢအဂၤတခီ ပာ်ဖျါထီၣ်၀ဲ‚ မ်ပကထံၣ်ဘၣ် နမဲာ်နံၤကမှံ) ႉ
တၢ်ဂ့ၢ်လၢ ပဂီၢ်န့ၣ် မ့ၢ်ဒၣ် မ်ပသုတကွၢ်ဒၣ် ပတၢ်ပျံၤတၢ်ဖုးတဂ့ၤ‚ မ့မ့ၢ် မ်ပကွၢ်ထီီၣ် ပပၢ်ကစၢ်ယွၤလၢ မူခိၣ်အမဲာ်သၣ်တက့ၢ်ႉ တၢ်ကွၢ်ထီၣ် ထူၣ်စုညါန့ၣ် မ့ၢ်ကျဲအဂ့ၤကတၢၢ်လၢ ပကထံၣ်ဘၣ် ကစၢ်ခရၠာစးံာ်အမဲာ်သၣ်န့ၣ်လီၤႉ ထူၣ်စုညါန့ၣ် မ့ၢ်ခရၠာစးံာ်အနီၢ်ကစၢ်‚ ‘‘အတၢ်ကတိၤ’’န့ၣ်လီၤ (ယိၤ၃း၁၆) ႉ
အဃိဒီး သ့ၣ်ညါတၢ်အံၤ ဖဲလၢ သုပၢ်ကွၢ်လီၤသုန့ၣ်‚ အ၀ဲအိၣ်ဒီး အတၢ် နံၤကမှံဖးဒိၣ် လၢအမဲာ်သၣ်လိၤန့ၣ်လီၤႉ နဘၣ်တၢ်လုၢ်ဘၢနၤ ဂ့ၤဂ့ၤဘၣ်ဘၣ်လီၤႉ