ဖဲလၢ ယလဲၤဟးဆူ ယ၀ဲၢ်မုၣ်အဟံၣ်ဖိဃီဖိအအိၣ်န့ၣ်‚ ယဖိဒိၣ်ခွါတဖၣ် ဒုးနဲၣ်ယၤ အ၀ဲသ့ၣ်အဖၣ်ကပူၤ အတၢ်သူတၢ်စွဲ လၢၢ်ဘ့ၣ်ဘၣ်တဖၣ်န့ၣ်လီၤႉ အလၢၢ်ဘ့ၣ်ဘၣ် လၢအပှဲၤဒီး အတၢ်မၤတဖၣ်အံၤ တခါဘၣ်တခါ လၢအ၀ဲသ့ၣ်ဆီထီၣ်၀ဲ လီမ့ၣ်အူန့ၣ်လီၤႉ တၢ်မၤအ၀ဲအံၤ ဖျါလၢ ဖိသၣ်တဖၣ် ထိး၀ဲတၢ်ပနီၣ်အခါ လၢအအိၣ် လၢတၢ်ဖီလာ်သ့၀ဲ လၢအ၀ဲသ့ၣ်ကသူ၀ဲဒၣ်အဂီၢ်လီၤႉ တၢ်အတဂ့ၤတဘၣ် လၢအလီၤဂာ် လၢအဟးထီၣ်၀ဲလၢ ဟံၣ်လီၢ်ခံအပဲBတီန့ၣ် ဒုးအိၣ်ထီၣ်တၢ်မၤစှၤလီၤ တၢ်လၢ အအိၣ်ဒီး ပှၤတဖၣ်န့ၣ်လီၤႉ တၢ်လၢ အဒုးဟးထီၣ်ကွံာ် တၢ်လၢအအိၣ်ဒီးပှၤတဖၣ်‚ ဒ်အမ့ၢ်၀ဲ ခီၣ်ဖၠူထၢၣ် အကတီၢ်ဒီး တၢ်လၢ အတဂိာ်တသီၣ်ဘၣ်တဖၣ်န့ၣ်လီၤႉ ယဖိဒိၣ်ခွါဖိတဖၣ် အသးဆူၣ်၀ဲ လၢကမၤဒၣ်တၢ်လၢအကဲဘျုးကဲဖှိၣ် လၢအကးတံာ်ဃး ဟံၣ်လီၢ်ခံအပဲBတီ အဂီၢ်လီၤႉ
တၢ်ကူၣ်ထီၣ် တၢ်ဒုးအိၣ်ထီၣ် တၢ်တခါအံၤ ကဲထီၣ်တၢ်လီၤနံၤလၢယဂီၢ်ဒီး တၢ်သးဟူး၀းအဂီၢ်စ့ၢ်ကီးလီၤႉ ဘၣ်ဆၣ်ဒီး မ့ၢ်၀ဲ စဲဃဲးလီၤႉ ကစၢ်ယွၤန့ၣ် ဟ့ၣ်ပှၤ တၢ်ဂ့ၢ်တမံၤမံၤလၢပကဒုးအိၣ်ထီၣ် တၢ်န့ၣ်လီၤႉ အါန့ၢ်အန့ၣ် ယွၤမၤလိာ်ပှၤလၢ ပကအိၣ်ဒီး တၢ်ဒိကနၣ်‚ ဒီးကစၢ်ယ့ၣ်။းအၢၣ်လီၤပှၤ လၢပကပိာ်အခံ ဖဲလၢ ပမ့ၢ် ဘၣ်လဲၤခီဖျိ တၢ်အါမံၤအါမးအခါဒၣ်လဲာ်န့ၣ်လီၤႉ အအံၤအခါဒၣ်လဲာ်န့ၣ် အိၣ်စ့ၢ်ကီးဃုာ်ဒီး ကစၢ်ယွၤ အတၢ်လၢတၢ်ပှဲၤလၢပဂီၢ် န့ၣ်လီၤႉ
‘‘တၢ်အိၣ်မူ ႉႉႉ ဆူ တၢ်လၢတၢ်ပှဲၤ’’ (ယိၤ ၁၀း၁၀) ႉ တၢ်လဲၤခီဖျိတၢ်လၢယွၤအဘီအမုၢ်အဂီၢ်န့ၣ် မ့ၢ်တၢ်လုၢ်ပရၤဒိၣ်‚ ‘‘အဘျီတကယၤ’’ ဒီး တၢ်အဘူးအလဲ လၢ စိၤခဲအံၤအဂီၢ်ဒီး တၢ်လီၤထူလီၤယိာ်အဂီၢ်န့ၣ်လီၤ (မၢ်ကူး ၁၀း၂၉-၃၀) ႉ
ပသးခုသ့လၢ ပဟ့ၣ်လီၤပသးလၢယွၤ လၢအသးအိၣ် ဟ့ၣ်ညီနုၢ်တၢ်အံၤဒီး လၢအတဟ့ၣ်ဘၣ်ပှၤ ဒ်ပတၢ်ကမၣ်အသိးဘၣ်တဂၤ အတၢ်မၤအဃိလီၤႉ အ၀ဲ အသးအိၣ်တူၢ်လိာ်ပှၤညီမး လၢပမ့ၢ်ပှၤဂံၢ်စၢ်ဘါစၢ် ဘၣ်ဆၣ်‚ ဒ်သိးသိးဒီး ပှၤလၢအဟဲတ့ၢ်လၢညါလီၤ (မး ၂၀း၁-၁၆) ႉ လၢတၢ်မ့ၢ်တၢ်တီ ဒ်န့ၣ်အသိး‚ မ်ပဟ့ၣ်လီၤသကိးပသးလၢ အ၀ဲဒၣ်အဂီၢ် ပှဲၤဒီးတၢ်သူၣ်ဖှံသးညီတက့ၢ်ႉ